Morgunblaðið - 10.05.2005, Blaðsíða 40
40 ÞRIÐJUDAGUR 10. MAÍ 2005 MORGUNBLAÐIÐ
3 ÓSKARSTILNEFNINGAR
MBL
Ó.H.T Rás 2
Ó.H.T Rás 2
Sláandi sálfræðitryllir eins og hann gerist bestur. Með
Óskarsverðlaunahafanum, Adrien Brody (ThePianist) og Keira
Knightley úr „Pirates of the Caribbean” og „King Arthur”.
FURÐULEGASTA ÆVINTÝRI ALHEIMSINS HEFST
ÞEGAR JÖRÐIN ENDAR
The Hitchhikers guide to the galaxy kl. 5.45 - 8 og 10.15
Napoleon Dynamite kl. 6
The Motorcycle Diaries kl. 5.30 - 8 - 10.30
Maria Full og Grace kl. 6 - 10.15 b.i. 14
The Jacket kl. 5.50 - 8 og 10.10 b.i. 16
Vera Drake kl. 10
Beyond the Sea kl. 8
Geggjaðasta og frumlegasta
grínmynd ársins er komin í
bíó.Byggð á einni vinsælustu bók
alheimsins eftir Douglas Adams.
Algjör bíósmellur bæði í
USA og á Bretlandi.
l j í ll i í
l i
Byggð á metsölubók
Clive Cussler
Kvikmyndir.is
Sláandi sálfræðitryllir eins og hann gerist bestur. Með
Óskarsverðlaunahafanum, Adrien Brody (The Pianist) og Keira
Knightley úr „Pirates of the Caribbean” og „King Arthur”.
S.V. MBL
HINUM megin á hnettinum er
Kalifornía. Eftir 15–17 tíma ferða-
lag frá Íslandi lendir maður á flug-
vellinum í Los Angeles og þaðan
keyrir maður í rúmlega tvo tíma inn
í eyðimörkina, til Coachella-dalsins.
Þar er heitt. Í fyrra var hitinn 43
stig meðan á tónlistarhátíðinni stóð,
sem var gestum mjög erfitt.
Í ár var hitinn ekki svo mikill, að-
eins rétt rúmlega 30 stig, en nægur
til að framkalla svita hjá hinum
sjaldgæfa eyðimerkurrauðhausi,
sem kann vel við sig í þurru og heitu
loftslagi auðnarinnar.
Coachella er semsagt í eyðimörk-
inni í Suður-Kaliforníu og þar hefur
tónlistarhátíðin verið haldin sex
sinnum. Hún stendur yfir í tvo
daga; um eina helgi í lok apríl eða
byrjun maí. Hátíðarsvæðið er risa-
stórt. Þegar komið er inn á svæðið
mætir gríðarstórt bílastæðasvæði
gestum, sem þurfa eftir það að
ganga í hálfan klukkutíma þar til
komið er að sjálfu tónleikasvæðinu.
Þar eru gríðarlega langar biðraðir
seinni hluta dags, þegar fólk fer að
streyma að.
Forréttindafólkið fer hins vegar í
lúgu þar skammt frá, sækir miðana
sína og bíður í nokkurra manna bið-
röð eftir að komast inn. Það nýtur
svo aukinna þæginda inni á svæð-
inu; kemst inn á svokallað VIP-
svæði, þar sem nóg er um sæti og
veitingum í svalandi skugga. Þetta
svæði er til hliðar við aðalsviðið,
þannig að margir blaðamennirnir og
mörg hefðarmennin láta sér duga að
sitja þar og fylgjast með stærstu
böndunum. Þar með missir þetta
fólk hins vegar af ýmsu sem gerist á
öðrum tónleikastöðum, sem hver er
helgaður sinni tónlistarstefnu.
Blindur
Eyðimerkurrauðhausinn var
reyndar einn af þeim sem létu sér
að mestu duga að vera við aðalsviðið
fyrri daginn, enda var þar að finna
flestar þær sveitir sem hann hafði
áhuga á að sjá og heyra í. Áður en
lengra er haldið er þó rétt að setja
þann fyrirvara á umsögn hans um
listamenn, að hann var blindari en
leðurblaka með bundið fyrir augun,
enda nýbúinn að týna linsunum sín-
um. Hann getur því ekki sagt til um
sviðsframkomu eða fatnað tónlistar-
manna, enda skipta slíkir hlutir ekki
máli í huga hans.
Hausinn mætti á svæðið um
klukkan 15 á laugardeginum, þegar
dönsku æringjarnir í Raveonettes
hófu leik. Sveitin hefur kúvent með
nýjustu plötunni, Pretty in Black,
og horfið frá „garage“-rokki sjö-
unda áratugarins. Hin nýja Raveo-
nettes hefur snúið sér að banda-
rísku húsmæðrarokki hins
ofanverða sjötta áratugar. Lögin af
Pretty in Black hljómuðu betur en
eldra efni sveitarinnar á tónleik-
unum.
Cameron og Justin
Þá tók við hin skoska Snow
Patrol. Eftirlitsmönnum snjósins
tókst ekki að heilla hinn sjaldséða
eyðimerkurrauðhaus upp úr skón-
um, en Justin Timberlake og
Cameron Diaz virtust hins vegar
skemmta sér hið besta. Timberlake
kinkaði kolli sem óður væri og þjáist
nú væntanlega af hálsríg eftir átök-
in. Hin munúðarfulla Diaz ætti þó
ekki að eiga í erfiðleikum með að
nudda verkinn úr ástmanni sínum
og líklega eru þau að stunda tryll-
ingslegan ástarleik í þessum skrif-
uðu orðum.
Að hálshreyfingum Timberlakes
loknum tóku Englendingarnir og Ís-
landsvinirnir í Keane við. Þeir voru
hreint út sagt frábærir, ekki síðri en
í Hafnarhúsinu á Iceland Airwaves í
október. Keane virtist koma Kali-
forníubúum á óvart og sennilega á
sveitin greiða leið að hjörtum
Bandaríkjamanna, enda er hvert
einasta lag hennar grípandi og auð-
melt, án þess að vera blöðrupopp af
ódýrari gerðinni. Hinn snoppufríði
Tom Chaplin stóð sig óaðfinnanlega
í söngnum og Tim Rice-Oxley
hljómborðsleikari hristi skanka sína
sem aldrei fyrr.
Martin í stuði
Ástæðan fyrir veru eyðimerk-
urrauðhaussins í eyðimörkinni var
þó öðrum frekar tónleikar Wilco.
Jeff Tweedy og félagar fóru á kost-
um, þótt lagalisti þeirra væri full-
þungmeltur í þetta skiptið; með
miklu gítarsargi og öðrum hávaða.
Lögin „Hummingbird“ og „Jesus,
Etc.“ fengu eyðimerkurrauðhausinn
til að kinka sjálfum sér af jafnvel
meiri krafti en Snow Patrol Justin
Timberlake nokkrum stundarfjórð-
ungum fyrr.
Síðasta hljómsveit laugardags-
kvöldsins var Coldplay, með kátan
Chris Martin í fararbroddi. Til-
raunir hans til að ná til áheyrenda
voru raunar hálfhjákátlegar; m.a.
sagði hann „brandara“ sem gekk út
á að á tónleikum sveitarinnar í Las
Vegas hefði verið meira sílikon en í
Sílikon-dal. Sveitin stóð sig hins
vegar vel og nýju lögin hljómuðu
ágætlega. Þó er hverjum manni
greinilegt að formúla Martins við
lagasmíðar er fullaugljós, en bestur
er hann þegar hann víkur aðeins frá
henni og kemur hlustandanum á
óvart.
The Arcade Fire sló í gegn
Sunnudagurinn hófst á næst-
stærsta sviðinu, þar sem systkinin í
Fiery Furnaces héldu uppi stuðinu.
Þau spiluðu aðallega efni af plötunni
Blueberry Boat og satt best að
segja var hálfþreytandi að hlýða á
sveitina. Lagasmíðarnar eru eig-
inlega „of frumlegar“; hver takt-
breytingin rekur aðra og til að bæta
gráu ofan á svart tók sveitin ekki
hlé milli laga. Kanadíska sveitin The
Arcade Fire var svo sannarlega á
skotskónum. Tónleikar hennar voru
tvímælalaust þeir bestu sem und-
irritaður sá þessa helgi; gríðarlega
kraft- og orkumiklir. Hljómsveitin
tók plötuna Funeral svo að segja í
heild sinni og hamaðist á sviðinu
eins og fimmtugir fimleikakappar
með gráa fiðringinn. Hreint stór-
kostleg frammistaða.
Miðaldra æringjarnir í New Ord-
er fluttu jöfnum höndum eldra efni
og lög af nýrri plötu, Waiting for
the Sirens’ Call, og satt best að
segja var þar á ferðinni einhæft og
leiðigjarnt gítarrokk. Ekki mikið
meira um það að segja, en auðvitað
er hér aðeins um að ræða skoðun
eins manns. Eyðimerkurrauðhauss-
ins, nánar tiltekið.
Sunnudeginum lauk með tón-
leikum Nine Inch Nails, sem sendi
frá sér plötuna With Teeth síðasta
þriðjudag. Trent Reznor var í gríð-
arlega góðu formi, nýkominn úr
meðferð og helköttaður. Sveitin var
ofboðslega þétt, en spilaði fullmikið
af gömlu efni; aðeins þrjú lög af
With Teeth. Frekar hefði verið við
hæfi að leyfa áheyrendum að hlýða
á sem flest lög af nýju plötunni.
Að þessu loknu var eyðimerk-
urrauðhausinn gjörsamlega búinn í
mjóbakinu, eftir að hafa staðið
meira og minna í tvo daga. Hann
hafði hins vegar fundið vin í eyði-
mörkinni og hélt glaður í sinni heim
á leið.
Tónlist | Coldplay, Keane, Wilco og The Arcade Fire meðal sveita á Coachella-tónlistarhátíðinni
Að finna vin í
eyðimörkinni
Morgunblaðið/ÍPJ
The Fiery Furnaces var eiginlega „of frumleg“ að mati blaðamanns.
Morgunblaðið/ÍPJ
Aðalsviðið er risavaxið og hljóðkerfið gríðarlega kraftmikið.
ivarpall@mbl.is
Hin árlega Coachella-tónlistarhátíð í Suður-
Kaliforníu þykir meðal best lukkuðu hátíða
heims. Þangað mættu 50.000 manns, þeirra á
meðal Ívar Páll Jónsson, um þarsíðustu helgi.