Morgunblaðið - 15.11.2005, Blaðsíða 2

Gera þarf tafarlausar
úrbætur í Hátúni 10
ÞJÓNUSTA við öryrkja sem búa í
húseigninni við Hátún 10 er langt frá
því að vera fullnægjandi og úr þessu
þarf að bæta
strax. Þetta segir
Sigursteinn Más-
son, formaður Ör-
yrkjabandalags-
ins. Hann segir að
á næstu dögum
verði fundað með
forsvarsmönnum
þeirra aðila sem
sinna þjónustu
við íbúana. Ljóst
sé að þjónustan,
sem veitt er af Félagsþjónustunni og
Heilsugæslunni í Reykjavík, sé ófull-
nægjandi, en Sigursteinn bendir á að
Öryrkjabandalagið þurfi einnig að
líta í eigin barm og bæta hina sam-
eiginlegu aðstöðu í Hátúninu.
Sigursteinn segir starfsfólk vanta
til að sinna þrifum og annarri grunn-
þjónustu sem og hjúkrun. Vegna
lágra launa fáist ekki fólk í störfin en
málið verði að leysa. Í Hátúni 10 séu
239 íbúðir. Þar búi margt fatlað og
sjúkt fólk og þessi hópur þurfi um-
talsverða þjónustu. „Það fær hana í
mýflugumynd í dag, hún er langt frá
því að vera fullnægjandi. Ég geri
kröfu um það fyrir hönd Öryrkja-
bandalagsins að þarna verði tekið
hraustlega til hendinni og gerðar
ýmiss konar lagfæringar á aðstöðu
fólks,“ segir Sigursteinn.
Endurhæfingu og
afþreyingu skortir
Hann segir að einnig þurfi að
breyta íbúðunum sjálfum sem sumar
hverjar séu alltof litlar. Sigursteinn
bendir á að Öryrkjabandalagið þurfi
líka að líta í eigin barm. „Við þurfum
sjálf að laga hina sameiginlegu að-
stöðu í Hátúninu. Það vantar end-
urhæfingu og afþreyingu fyrir fólk,
virknimeðferð og fleira,“ segir hann.
Hann bætir við að það sé forgangs-
mál að koma þesu í lag og sjá til þess
að þeir öryrkjar sem búa í Hátúni,
sem og aðrir öryrkjar, búi við sam-
bærileg kjör og aðbúnað og aðrir í
samfélaginu.
Margir miklir einstæðingar
Sigursteinn segir að það fólk sem
býr í Hátúninu þurfi mjög mismun-
andi þjónustu og eftirlit. „Þarna eru
margir sem eru miklir einstæðingar.
Það er alveg bráðnauðsynlegt að
rjúfa einangrun þessa fólks,“ segir
hann. „Þarna er fólk sem er afar ein-
mana og kann engin ráð til þess að
rjúfa einangrun sína. Við svo búið
má ekki standa.
Auðvitað munum við líka ræða við
þá sem bera pólitíska ábyrgð á mála-
flokknum. Það er ljóst að heima-
hjúkrun og heimaþjónusta við fatlað
fólk og sjúkt, líkt og við aldraða, er
langt í frá að vera viðunandi og er
ekki í samræmi við lög um málefni
fatlaðra,“ segir hann.
Segir að þjónusta við öryrkja sé alveg ófullnægjandi
Eftir Elvu Björk Sverrisdóttur
elva@mbl.is
Sigursteinn
Másson
2 ÞRIÐJUDAGUR 15. NÓVEMBER 2005 MORGUNBLAÐIÐ
FRÉTTIR
STJÓRNIN SAMÞYKKT
Flokksþing stærstu flokka Þýska-
lands samþykktu stjórnarsáttmála
þeirra með miklum meirihluta at-
kvæða í gær. Ekkert er nú því til
fyrirstöðu að Angela Merkel verði
kanslari Þýskalands, fyrst kvenna.
Mikil afföll á rjúpuungum
Rannsókn bendir til þess að allt að
fjórðungi rjúpuunga hafi ekki kom-
ist á legg á Norður- og Austurlandi
og hugsanlega einnig á Vesturlandi.
Búast mátti við að ungar væru um
80% af afla veiðimanna en þess í stað
eru þeir að meðaltali 60–70% og
sums staðar minna en helmingur.
Skriður og flóð í Noregi
Eitt mesta úrhelli í manna minn-
um olli flóðum og skriðum á vest-
urströnd Noregs í gær. Einn maður
beið bana þegar skriða féll á hús í
úthverfi Bergen og 30 vegir lok-
uðust af völdum náttúruhamfar-
anna.
Góður skóli en fær minna fé
Háskóli Íslands stendur vel að
vígi í samanburði við aðra háskóla í
Evrópu í kennslu og rannsóknum en
stendur þeim flestum að baki fjár-
hagslega og fær ekki nægt fé til að
sinna verkefnum sínum. Þetta kom
fram á kynningarfundi um nýja
skýrslu Samtaka evrópskra háskóla
í gær. Kristín Ingólfsdóttir, rektor
HÍ, greindi þá frá því að skólinn
stefndi að því að fimmfalda fjölda
doktorsnema á næstu fimm árum.
Fangelsisdómar gagnrýndir
Fimmtán menn, sem harð-
línustjórnin í Mið-Asíuríkinu Úsbek-
istan hafði sakað um að ráðgera ísl-
amska byltingu, voru dæmdir til
14–20 ára fangelsisvistar í gær.
Vestræn mannréttindasamtök
hafa líkt réttarhaldinu yfir mönn-
unum við réttarfarið í Sovétríkj-
unum í valdatíð Jósefs Stalíns.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
  




& 

 
 

'() *

 +,,,

  

 


   





 Í dag
Fréttaskýring 8 Forystugrein 26
Úr verinu 12 Viðhorf 28
Viðskipti 16 Bréf 33
Erlent 18/19 Minningar 34/37
Akureyri 22 Dagbók 40
Austurland 22 Víkverji 40
Suðurnes 23 Staður og stund 42
Landið 23 Menning 43/45
Menning 24 Ljósvakamiðlar 50
Daglegt líf 28/28 Veður 51
Umræðan 30/34 Staksteinar 51
* * *
EKKI varð af útsendingu viðtals við
athafnamanninn Jón Ólafsson sem
sýna átti í Kastljósi ríkissjónvarpsins
í gærkvöldi í tilefni af útkomu við-
talsbókar við Jón.
Brot úr viðtalinu var sýnt í frétt-
um Sjónvarps og þar var tilkynnt að
viðtalið yrði sýnt í heild í Kastljósi.
Þórhallur Gunnarsson, ritstjóri
Kastljóss, sem tók viðtalið við Jón,
sagði í samtali við Morgunblaðið að
tæknilegir örðugleikar hefðu valdið
því að ekki var hægt að senda við-
talið út. Þegar gera hefði átt viðtalið
reiðubúið til útsendingar hefði kom-
ið í ljós að hljóð og mynd voru ekki í
samræmi. Þórhallur sagði að menn
hefðu reynt að lagfæra þetta í gær-
kvöldi svo hægt yrði að sjónvarpa
viðtalinu að loknum tíufréttum. Það
hefði hins vegar ekki tekist.
Hann sagði að viðtalið yrði sent út
í kvöld í staðinn. „Það fer út í ná-
kvæmlega sömu lengd og það átti að
fara. Fólk getur treyst því og ég
vona að ég liggi ekki undir því
ámæli að hér fái einhver að hafa
áhrif á mig eða mína ritstjórn-
arstefnu í þessum þætti. Ef eitthvað
slíkt myndi gerast gengi ég héðan
út,“ sagði Þórhallur.
Viðtal ekki sýnt
vegna tæknilegra
örðugleika
ÖXULLINN í bát Davíðs Kjart-
anssonar brotnaði þegar báturinn
var staddur um 10 sjómílur norður
af Horni á sunnudagskvöld og þar
með varð báturinn vélarvana. Davíð
er feginn að þetta gerðist ekki um
45 mínútum síðar þegar hann hefði
verið á siglingu í röstunum við
Straumnes enda hefði bátinn þá
getað rekið í land á stuttum tíma.
Davíð var einn á línuveiðum á
Kögri ÍS, 10 tonna plastbáti sem
hann keypti í sumar. Hann segist
ekki gera sér grein fyrir því hvers
vegna öxullinn brotnaði, hugsanlega
hafi skrúfan flækst í eitthvað eða
hann siglt á rekald. Óvissan um
hvað olli biluninni sé óþægileg enda
geti verið hættulegt að missa vél-
araflið. Í þessu tilviki var þó ekki
hætta á ferðum. Báturinn var langt
frá landi, hann gat haft samband
við stærri línubát sem staddur var
utar og ekki var mikill sjór, a.m.k.
ekki fyrst um sinn, en heldur tók að
hvessa eftir því sem leið á kvöldið.
„Það var lán í óláni að þetta skyldi
ekki gerast þegar maður var að
keyra fyrir rastirnar. Hefði þetta
gerst um 45 mínútum seinna hefði
ég verið kominn að Straumnesinu,“
sagði Davíð. Þar er siglt fremur ná-
lægt landi og því brýnt að hafa fullt
vélarafl á þeim slóðum því vél-
arvana báta getur rekið hratt að
landi.
Davíð hringdi í björgunarsveitina
á Ísafirði og bað um að hann yrði
sóttur og var björgunarskipið
Gunnar Friðriksson komið á vett-
vang um klukkan 20:30. Komið var í
land um klukkan tvö í fyrrinótt.
Kögur ÍS var tekinn upp og komu
þá frekari skemmdir í ljós. Davíð
segir að það þyki með ólíkindum að
öxullinn hafi brotnað, um sé að
ræða 60 mm öxul sem talinn hafi
verið nánast óbrjótandi.
Lán í óláni að missa vélar-
aflið ekki 45 mínútum síðar
ÞAÐ er ákjósanlegt að geta gengið heim úr skólanum í sólskini, hita og logni. Ekki verður þó á allt kosið eins og
þessir nemar fengu að reyna á eigin skinni. Þeir voru þó þokkalega vel búnir að því undanskildu að höfuðfötin
vantaði á flesta. Áfram er útlit fyrir rysjótta tíð samkvæmt veðurspá.
Morgunblaðið/Brynjar Gauti
Gat ekki stytt upp rétt á meðan?
EFTIRLITSMYNDAVÉLUM hefur
verið komið fyrir ótrúlega víða hér
á landi og fáir hreyfa andmælum.
Ef eitthvað er
ber á fordómum í
garð þeirra sem
eru gagnrýnir og
tortryggja eft-
irlitið. Þetta seg-
ir Sigrún Jó-
hannesdóttir,
forstjóri Per-
sónuverndar, í
formála árs-
skýrslu samtak-
anna fyrir árið 2004.
Sigrún bendir á að eftirlits-
myndavélar geti augljóslega átt
rétt á sér og hafi oft reynst mjög
gagnlegar. Það sé ekki hlutverk
Persónuverndar að vernda glæpa-
menn eða grafa undan rótum refsi-
vörslukerfisins. Stofnuninni beri
hins vegar að minna á að hver mað-
ur hafi rétt á því að njóta aðstoðar
samfélagsins við að verja rétt sinn
til einkalífs. Það verði meðal ann-
ars gert með því að vara við öfgum
í notkun eftirlitsbúnaðar. „Slíkar
öfgar geta leitt til þess að mark-
miðið með notkun hans snúist upp í
andhverfu sína. Að í stað öryggis
uppskeri menn falskt öryggi – eða
óöryggi, jafnvel ófrelsi.“
Sigrún segir mikilvægt að ótti við
glæpamenn hræði ekki fólk með
þeim hætti að „við fórnum siðferð-
isgildum okkar og missum sjónar á
mikilvægi þess að virða grundvall-
armannréttindi – þar á meðal rétt-
inn til þess að njóta friðhelgi einka-
lífs“. Bætir hún við að fátt sé betur
til þess fallið að grafa undan sjálf-
stæði og frelsi manns en líf við þær
aðstæður þegar hann veit ekki
hvort eða hvenær er fylgst með
honum.
Falskt öryggi
tekið fram
yfir frelsi?
Sigrún
Jóhannesdóttir
ALLS 87 heilabilaðir einstaklingar
yngri en 67 ára eru vistaðir á öldr-
unarstofnunum landsins, að því er
fram kom í svari Jóns Kristjáns-
sonar heilbrigðisráðherra við fyr-
irspurn Björgvins G. Sigurðssonar,
þingmanns Samfylkingarinnar, á
Alþingi.
Í svari Jóns kom fram að af þess-
um 87 einstaklingum væri 31 yngri
en 60 ára og 56 eldri en sextíu ára.
87 heilabilaðir
á stofnunum