Morgunblaðið - 15.11.2005, Blaðsíða 19

MORGUNBLAÐIÐ ÞRIÐJUDAGUR 15. NÓVEMBER 2005 19
ERLENT
Kvöldnámskeið
Mánudaga og miðvikudaga frá 18-22.
Byrjar 28. nóv. og lýkur 12. des.
UPPLÝSINGAR OG SKRÁNING Í SÍMA 544 4500 OG Á NTV.IS
Á þessu námskeiði er lögð áhersla á hvernig
hægt er að nota þetta magnaða forrit til
eftirvinnslu og lagfæringar stafrænna mynda
úr myndavélum eða skönnum. Áhugavert og
skemmtilegt 30 stunda námskeið í þessu
frábæra forriti.
Að eiga stafræna myndavél
og kunna ekki á Photoshop
er eins og að eiga bíl og
kunna ekki að keyra!
EITT mesta úrhelli í manna minnum
á vesturströnd Noregs olli fjölda
aurskriða í gær og féll meðal annars
300–400 metra breið skriða á ný-
byggingu í Åsane, úthverfi Bergen
þar sem sjö menn voru við vinnu.
Einn lést og fannst hann síðdegis í
gær en hinir sex sluppu flestir með
minniháttar meiðsl. Sagði talsmaður
lögreglunnar í Bergen að húsið hefði
sópast af grunninum og væri alveg á
kafi í skriðunni.
Bergens Tidende ræddi við íbúa á
svæðinu. „Ég var í eldhúsinu og
heyrði mikinn hávaða,“ sagði Gunn-
ar Hetlebakke sem býr rétt hjá hús-
inu sem skriðan tók. „Ég hélt að
þetta væri þruma en leit út um
gluggann til öryggis. Það var mikil
rigning og dimmt svo að ég sá ekki
mikið.“ Hann fór síðan út og sá þá
hvað hafði gerst.
Sjúkrabílar komust með naumind-
um á staðinn vegna vatnsflaums á
götunum. Húsið sundraðist og liggur
brakið við rætur 40–50 metra hárrar
hlíðar, mikill foss rann niður hlíðina,
að sögn vefsíðu Aftenposten. Mikil
haustlægð, sem fengið hefur heitið
Loki, veldur rigningunni. Vegna úr-
hellisins hafa að minnsta kosti 13
önnur hús verið rýmd þar sem hætta
er talin á frekari skriðuföllum.
Samgöngur hafa raskast og er
m.a. E-16 hraðbrautin lokuð á milli
Bergen og Voss vegna skriðufalla,
lestarsamgöngur liggja víða niðri.
Bað lögreglan fólk um að sleppa því
að nota bíl til að komast á vinnustað
ef það gæti. Vatnshæð á þjóðvegum
á svæðinu var víða 20–25 sentimetr-
ar. Úrkoman mældist um 58 mm í
Bergen aðfaranótt mánudags en hún
varð mun meiri í Takle í Sogni, þar
fór hún í 110,5 mm og lokuðust tugir
vega vegna skriðufalla.
Deilt var um það hvort útlit væri
fyrir að nýtt úrkomumet yrði slegið í
dag. Árið 1917 var úrkoman í Bergen
477 mm en borgin er alþekkt fyrir
rigningu. Stórstreymi er á morgun,
16. nóvember, og óttast sumir að ef
ekki sjatni geti komið upp vandi í
Bryggjuhverfinu í Bergen.
AP
Aurskriðan varð í úthverfinu Åsane í Bergen og var hópur iðnaðarmanna að störfum í húsinu sem sundraðist.
Skriða reif með sér
hús í úthverfi Bergen
ÓLAFUR Örn Bjarnason,
knattspyrnumaður hjá
Brann, býr í Bergen og seg-
ist hann ekki vita til þess að
Íslendingar hafi lent í nein-
um stór-
vandræðum
vegna vatns-
veðursins.
En rigningin
sé meiri en
hann hafi áð-
ur kynnst.
„Ég var að
keyra á æf-
ingu og fór
um hverfi
við hafnarsvæðið, eiginlega
við sjávarmál, og vatnið náði
hálfan metra upp á bílinn,“
sagði Ólafur. „Ég hef aldrei
lent í svona áður. Það
streymdi vatn upp úr öllum
ræsum, ég sá að búið var að
loka göngum og beina um-
ferðinni í aðrar áttir. Sjálfur
bý ég á annarri hæð í húsi og
verð þess vegna ekki mikið
var við þessi vandræði þar.
En þetta er eiginlega ekki
neitt raunverulegt óveður,
það rignir bara mjög mikið.
Það hefur rignt alveg stans-
laust frá því um tvöleytið í
gær. En hitinn er um 10 stig
svo að veðrið er að öðru leyti
mjög fínt. Og flest gengur
sinn vanagang, held ég,
menn mæta í vinnu og
skóla.“
Ólafur segir að svæðin þar
sem aurskriður hafi valdið
mann- og eignatjóni sé
nokkra kílómetra fyrir utan
Bergen.
„Vatnið náði
hálfan metra
upp á bílinn“
Ólafur Örn
Bjarnason