Morgunblaðið - 20.11.2005, Blaðsíða 2

2 SUNNUDAGUR 20. NÓVEMBER 2005 MORGUNBLAÐIÐ
FRÉTTIR
„Fangar athygli
lesandans
og heldur honum
þar til yfir lýkur.“
Bók vikunnar / FRÉTTABLAÐIÐ
www.jpv.is
„Höfuðlausn
er fantafín saga.“
Halldór Guðmundsson / FRÉTTABLAÐIÐ
„Frábær söguleg
skáldsaga…
skrifuð af fádæma
stílgáfu …“
Jón Yngvi / KASTLJÓS
LEIGA SNARHÆKKAR
Sumarhúsaeigendur sem leigt
hafa eignarlóðir undir sumarbústaði
sína hafa lent í því í nokkrum mæli
að nýir aðilar kaupi landið og vilji
snarhækka leiguna þegar samning-
urinn rennur út. Samkvæmt lögum
hafa þeir engan annan kost en að
borga hið nýja leiguverð, kaupa lóð-
ina eða einfaldlega flytja bústaðinn
burt af landinu.
Vilja að ESB slaki til
Á leiðtogafundi APEC, samtaka
ríkja í Austur-Asíu og við Kyrrahaf,
í gær var hvatt til þess að aðildarríki
Heimsviðskiptastofnunarinnar,
WTO, sýndu meiri sveigjanleika í
viðræðum um frjálsari viðskipti milli
landa. Þykir ljóst að með þessu sé
spjótum beint að Evrópusamband-
inu sem er sagt draga lappirnar í
viðræðum um að draga úr beinum og
óbeinum innflutningshömlum á
landabúnaðarafurðir.
Mælir með Excel
Yrsa Sigurðardóttir, rithöfundur
og tæknistjóri við Kárahnjúka, setur
bækur sínar upp í Excel-töflu til að
hafa góða yfirsýn yfir atburðarásina.
Hún hefur nú selt útgáfuréttinn að
fyrstu sakamálasögu sinni, Þriðja
tákninu, út um víða veröld og jafn-
framt að annarri óskrifaðri sögu.
Nýtt skip Eskju hf.
Eskja hf. á Eskifirði hefur fest
kaup á uppsjávarfrystiskipi sem
kemur til lands skömmu eftir ára-
mót. Nýja skipið mun bera nafn Að-
alsteins Jónssonar, fyrrum forstjóra
fyrirtækisins, og burðarás í efna-
hagslífi Eskfirðinga. Fyrirtækið hef-
ur í kjölfarið sett skipið Jón Kjart-
ansson á söluskrá.
Rima Apótek vekur athygli
Rima Apótek í Grafarvogi hefur
vakið nokkra athygli að undanförnu
fyrir að vera ítrekað með lægsta
lyfjaverðið í könnunum. Apótekið er
einnig sérstakt fyrir þær sakir að
það er eitt af fáum sjálfstætt starf-
andi apótekum á landinu í dag.
Y f i r l i t
Í dag
Sigmund 8 Hugvekja 47
Fréttaskýring 8 Minningar 45/48
Ummælin 11 Dagbók 52/55
Hugsað upphátt 29 Myndasögur 52
Sjónspegill 32 Víkverji 52
Menning36/37, 56/58 Staður&stund 54/55
Forystugrein 34 Leikhús 56
Reykjavíkurbréf 34 Bíó 62/65
Umræðan 38/41 Sjónvarp 66
Bréf 42/43 Staksteinar 67
Hugvekja 45 Veður 67
* * *
Kynningar – Morgunblaðinu í dag
fylgir auglýsingabæklingur frá
Heimsferðum.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
MARKMIÐ Háskóla Íslands er að
eftir fimm ár verði sextíu dokt-
orsnemar útskrifaðir árlega frá
háskólanum. Þeir eru fjórtán í ár
en allmarir til viðbótar útskrifast
frá erlendum háskólum. Til að ná
þessu markmiði þarf skólinn að
fjölga leiðbeinendum, bæta vinnu-
aðstæður og gera nemum það
kleift að stunda doktorsnám sem
fulla vinnu.
Þetta segir Kristín Ingólfsdóttir,
rektor HÍ, en hún telur þetta
markmið mikilvægt til að efla
skólann sem rannsóknarháskóla.
Fjöldi doktorsnema, lengd dokt-
orsnáms og fjármagn sem varið er
til slíks náms í háskólum, er að
hennar sögn mikilvægur mæli-
kvarði á gæði hvers skóla. Hún
segist engar áhyggjur hafa af því
að háskólinn verði heimóttarlegri
ef fræðimenn sæki í auknum mæli
sína doktorsmenntun hér á landi
enda eru yfirleitt gerðar kröfur
um að neminn dvelji hluta náms-
tímans við erlendar vísindastofn-
anir. Þá verða ávallt vissar grein-
ar sem ekki verður hægt að
stunda doktorsnám í hér á landi
og munu nemendur því halda
áfram að sækja menntun sína víða
um heim.
Fjölgað úr átta í fjórtán
Doktorsnemum sem útskrifast
frá Háskóla Íslands hefur fjölgað
undanfarin ár. Doktorsvarnir frá
skólanum voru átta árið 2003, tíu á
síðasta ári og
verða fjórtán í
ár en miðað við
höfðatölu og
stærð skólans
ættu þær að
vera um sextíu
og að því er nú
stefnt, að sögn
Kristínar.
„Þetta kostar
sitt,“ segir Krist-
ín spurð um
hvernig unnið verði að því að ná
settu marki. Hún segir gerlegt að
fjölga doktorsefnum eitthvað við
núverandi aðstæður en til að ná
markmiðinu þurfi að fjölga leið-
beinendum og bæta alla aðstöðu
nemanna, lestraraðstöðu jafnt sem
rannsóknaraðstöðu.
En stefna þarf einnig að því að
mati Kristínar að doktorsnemar
ljúki verkefnum sínum á sem styst-
um tíma. Hún segir að í dag vinni
margir nemanna með námi þannig
að þeir eru tiltölulega lengi að
ljúka verkefnunum.
„Þessu viljum við breyta líka,“
segir Kristín. „Við viljum stefna að
því að fólk geti verið í dokt-
orsnámi sem fullri vinnu og til
þess þurfum við að sækja fé í sam-
keppnissjóði fyrir launum dokt-
orsnema. Við horfum líka björtum
augum til háskólasjóðs Eimskipa-
félagsins, sem settur var á stofn til
að styðja við doktorsnámið og
greiða laun doktorsnema.“
Leiðbeinendur doktorsnema
þurfa að uppfylla ströng skilyrði,
t.d. þurfa þeir að hafa dokt-
orsgráðu sjálfir og sem víðtækasta
rannsóknareynslu og vera virkir í
rannsóknum. „Við höfum mjög
hæft fólk en það er alveg ljóst að
til þess að ná því marki að fimm-
falda fjölda doktorsnema þurfum
við á fleiri leiðbeinendum að
halda, við þurfum öflugri nýliðun
inn í skólann, kennara og vís-
indamenn.“
Miklar gæðakröfur
Kristín segir að markmiðinu
verði ekki náð miðað við það fjár-
magn sem háskólinn fær til sinna
verkefna í dag. Hún segir ekki enn
hægt að segja nákvæmlega hvað
þetta markmið eitt og sér muni
kosta en að unnið sé að stefnumót-
un skólans til næstu fimm ára og
verður henni lokið snemma á vor-
misseri. Samhliða þeirri vinnu
verður farið í samræður við stjórn-
völd um fjármögnun Háskóla Ís-
lands til framtíðar.
„Ég tek eindregið undir orð
menntamálaráðherra um mik-
ilvægi samstarfs milli Háskóla Ís-
lands og stjórnvalda um stefnu-
mótun og fjármögnun til
framtíðar, því öll okkar vinna er jú
í þágu samfélagsins.“
Hún telur að fjölbreytileiki
menntunar fræðimanna skólans
verði áfram tryggður þó dokt-
orsnemum við skólann verði fjölg-
að. „Það er alveg ljóst að íslenskir
stúdentar munu áfram sækja dokt-
orsnám til annarra landa sem ég
tel mjög sterkt fyrir þjóðfélagið og
síðan er það svo að í okkar reglum
um doktorsnám er í flestum deild-
um skylda að doktorsnemendur
dvelji við erlenda vísindastofnun
eitthvert skeið á námstímanum.
Það er einmitt gert til að fólk fái
reynslu og víðari sjóndeildarhring
meðan á náminu stendur.“
Rektor Háskóla Íslands vill sextíu doktorsvarnir við skólann árlega
Fjölbreytileikinn mun haldast
Kristín
Ingólfsdóttir
Eftir Sunnu Ósk Logadóttur
sunna@mbl.is
JÖTNA Bína Líf Ylfa frá Hofi sann-
aði svo um munar gildi sitt þegar
hún aðstoðaði húsbónda sinn, Svein
Andra Sveinsson hæstaréttarlög-
mann, við að handsama þjóf, sem fór
um hverfið þeirra.
Í samtali við Tímarit Morg-
unblaðsins í dag greinir Sveinn
Andri frá því þegar Ylfa tók að gelta
eitt sinn þegar fjölskyldan snæddi
sunnudagssteikina. Þegar að var gáð
var ókunnur maður í garðinum sem
síðar braust inn í bíla í götunni og
stal þaðan munum, að Sveini Andra
aðsjáandi. Með varðstjóra lögregl-
unnar á línunni í gemsanum elti
Sveinn Andri þjófinn niður á krá í
miðbænum þar sem hann var hand-
tekinn. Sveinn þakkar fyrst og
fremst árvekni Ylfu að málið skuli
hafa fengið svo farsælan endi. „Ekk-
ert öryggiskerfi hefði látið vita af
þessu því viðkomandi þarf að vera
kominn inn í hús til að það byrji að
virka,“ segir hann.
Hundur og
lögmaður
gripu þjóf
Morgunblaðið/Brynjar Gauti
Sveinn Andri Sveinsson með Ylfu.
 Tímarit
Á AÐ giska fimm hundruð manns
voru viðstaddir opnun listahátíðar-
innar Íslandsmynda hér í Köln, en
hátíðin var formlega sett á föstu-
dagskvöldið. Opnunin fór fram í
hönnunar- og nytjalistasafninu
Museum für Angewandte Kunst
sem liggur nálægt hinni feiknar-
stóru dómkirkju í Köln sem er ná-
lægt því ógnvekjandi, svo stór og
mikilfengleg sem hún er.
Hátíðin slagar upp í téða dóm-
kirkju að umfangi, a.m.k. í huga
þeirra Íslendinga sem blaðamaður
ræddi við á opnuninni. Fólk er
undrandi á stærð hátíðarinnar og
þeim aðdáunarverða metnaði sem í
hana er lögð. Hún stendur fram til
26. nóvember og þá munu yfir
hundrað listamenn frá Íslandi hafa
komið fram, úr hinum og þessum
geirum menningar og lista. Fjöl-
mörg söfn, tónleikastaðir og kvik-
myndahús verða nýtt undir undir
hátíðina á næstu dögum og þýskir
fjölmiðlar fylgjast grannt með öllu.
Það sem er merkilegt við hátíðina,
sem ráðist var í að undirlagi Þýsk-
íslenska vináttufélagsins í Köln, er
að öll skipulagning og val á lista-
mönnum er í höndum Þjóðverja
sjálfra og er markmiðið m.a. að
komast undan hinum dæmigerða
exótíska stimpli sem er á íslensku
listalífi og sýna fram á hversu fjöl-
breytt það er og margslungið.
Sendiherra Íslands í Þýskalandi,
Ólafur Davíðsson, var viðstaddur
opnunina sem og utanríkisráðherra,
Geir H. Haarde, sem flutti tölu af
tilefninu. Eftir ræðuhöld og lófa-
klapp var opnuð tísku- og hönnun-
arsýning í húsinu og á sama tíma
hófust tónleikar í Stadgarten-tón-
leikahúsinu þar sem fram komu
Hilmar Jensson og Skúli Sverris-
son, Mugison og Orgelkvartettinn
Apparat. Munaði litlu að Þjóðverj-
arnir færu að hreyfa á sér skankana
undir drynjandi orgelgrúvi Appa-
ratsins. Listamenn frá Thule, þeir
Thor, Biogen, Ozy og Frank Murd-
er, luku síðan kvöldinu. Upplestrar,
opnanir á myndlistarsýningum,
kvikmyndasýningar, tónleikar og
fleira fylgir svo á næstu dögum.
Frekari upplýsingar um hátíðina er
hægt að nálgast á slóðinni www.isl-
andfestival.de.
Fólk undrandi á umfanginu
Fimm hundruð gestir viðstaddir opnun listahátíðarinnar Íslandsmynda í Köln
Morgunblaðið/Arnar Eggert
Salurinn var troðfullur og þurftu margir gestanna að standa.
Arnar Eggert Thoroddsen
arnart@mbl.is