Fréttablaðið - 14.09.2003, Blaðsíða 34
34 14. september 2003 SUNNUDAGUR
hvað?hvar?hvenær?
11 12 13 14 15 16 17
SEPTEMBER
Sunnudagur
Söngvarinn Bergþór Pálsson ermeðal þeirra sem koma fram á
tónleikum í Langholtskirkju í dag:
„Kórinn í Langholtskirkju er 30
ára í ár og af því tilefni verða
haldnir nokkrir tónleikar. Góður
kór fæðir af sér góða söngvara og
tónleikaröðin ber yfirskriftina
Blómin í garðinum, því á tónleik-
unum koma fram einsöngvarar
sem voru einu sinni í kórnum.“
Marta Hrafnsdóttir reið á vaðið
í vor og söng við undirleik Kristins
Arnar Kristinssonar og margir af
okkar virtustu tónlistarmönnum
munu koma til með að fagna af-
mæli kórsins með þessum hætti.
Bergþór Pálsson, sem var í
Langholtskirkjukórnum þegar
hann var um tvítugur að aldri, mun
í dag syngja við undirleik Nínu
Margrétar Grímsdóttur píanóleik-
ara og fiðluleikaranna Daniels K.
Cassidy og Erlu Brynjarsdóttur:
Ég verð með nokkurs konar söng-
kvartett með mér. Ég raddsetti
lögin og hef fengið söngnemana
Þorvald Þorvaldsson og Egil Árna
Pálsson og son minn Braga til liðs
við mig. Bragi er tenór og hann
byrjaði að læra söng í fyrra. Þetta
er skemmtilegur hópur og við ætl-
um að hafa gaman af þessu,“ segir
Bergþór.
Á tónleikunum verða flutt lög
eftir ameríska 19. aldar tónskáld-
ið Stephen Foster: „Hann var eig-
inlega fyrsta þekkta sönglagatón-
skáldið í Ameríku og á mörg lög
sem lifa góðu lífi enn þann dag í
dag. Sum hafa verið þýdd á ís-
lensku og á eftir tökum við m.a.
lög eins og Ó Súsanna, Blærinn í
laufi og Húmar að kveldi. Við
ætlum að bregða okkur í 19. ald-
ar klæðnað í stíl við tónlistina og
ég hvet fólk til að koma og fagna
afmæli kórsins með okkur.“ Tón-
leikarnir verða um klukkustund-
ar langir og hefjast klukkan
17.00. ■
Bergþór syngur
í Langholtskirkju
■ ■ KVIKMYNDIR
Sambíóin Kringlunni, s. 588 0800
Sambíóin Álfabakka, s. 587 8900
Háskólabíó, s. 530 1919
Laugarásbíó, s. 5532075
Regnboginn, s. 551 9000
Smárabíó, s. 564 0000
Sambíóin Keflavík, s. 421 1170
Sambíóin Akureyri, s. 461 4666
Borgarbíó, Akureyri, s. 462 3500
■ ■ LEIKSÝNINGAR
14.00 Lína Langsokkur eftir Astrid
Lindgren er frumsýnt á stóra sviði Borg-
arleikhússins. Ilmur Kristjánsdóttir, ný-
útskrifuð leikkona frá Listaháskóla Ís-
lands, fer með hlutverk Línu. Uppselt er
á frumsýninguna.
14.00 Fjölskyldusýning á kvik-
myndinni Úlfastelpan Tinke verður
í Norræna húsinu í dag. Myndin
er gerð eftir sögu Cecil Bødker
Hungerbarnet. Með myndinni
fylgir bæklingur með hugmyndum að
skólaverkefnum sem hægt er að nálgast
í Norræna húsinu. Leikstjóri myndarinn-
ar er Morten Køhlert. Bíómyndin er ætl-
uð fyrir börn 6 ára og eldri. Frítt inn.
16.00 Furðuleikhúsið frumsýnir
Eldinn í Tjarnarbíói. Eldurinn er ein-
þáttungur sem byggður er á ævi hetj-
unnar og píslarvottarins Jóhönnu af
Örk. Fyrir rúmlega ári síðan frumflutti
Ólöf Sverrisdóttir einleikinn The Fire
Í Exeter á Englandi. Einleikurinn var
þá leikinn á ensku og var hluti af
lokaverkefni Ólafar í mastersnámi í
háskólanum í Exeter. Ólöf Ingólfs-
dóttir dansari annast leikstjórn og
hreyfingar á Íslandi. Ljósahönnun er í
höndum Móeiðar Helgadóttur.
20.00 Síðasta sýning á
dramagamanleikritinu Kvetch er á
Nýja sviði Borgarleikhússins í kvöld.
Uppselt er á sýninguna.
20.00 Söngleikurinn Grease með
þau Birgittu Haukdal og Jónsa Í
svörtum fötum er sýndur í Borgar-
leikhúsinu í kvöld. Uppselt er í kvöld
en sýningum fer fækkandi.
■ ■ TÓNLEIKAR
20.00 Grasasnadansasarg er yfir-
skrift tónleika Balzamersveitarinnar Bar-
dukha og Kammerkórs Hafnarfjarðar
sem verða haldnir í Iðnó í kvöld. Orðið,
sem lesa má afturábak, lýsir kannski vel
þeirri tilraun sem þessir hópar standa
fyrir á tónleikunum. Bardukha er skipuð
fiðluleikaranum Hjörleifi Valssyni,
harmonikkuleikaranum Ástvaldi
Traustasyni, kontrabassaleikaranum
Birgi Bragasyni og handtrommuleikar-
anum Steingrími Guðmundssyni. Á
tónleikum Bardukha og Kammerkórsins
verða flutt austur-evrópsk þjóðlög og ís-
lensk þjóðlög á Bardukha-vísu. Stjórn-
andi Kammerkórs Hafnarfjarðar er Helgi
Bragason.
■ ■ LISTSÝNINGAR
Sýningin „Safneignin og samtíminn“
í Listasafni Árnesinga er opin í dag
milli 14.00 og 18.00. Síðasti sýningar-
dagur er 21. september. Aðgangur er
ókeypis.
Sýningin UrmUll eftir listakonuna
Snjólaugu Guðmundsdóttur stendur
yfir í Listasafni Borgarness. UrmUll er
handverks- og listíðasýning og eru öll
verkin á sýningunni unnin úr ull. Snjó-
laug er vefnaðarkennari frá Mynd- og
handíðaskóla Íslands. UrmUll er fimmta
einkasýning Snjólaugar en Listasafn
Borgarness er til húsa í Safnahúsi Borg-
arfjarðar, Bjarnarbraut 4-6, Borgarnesi.
15.00 Berglind Björnsdóttir ljós-
myndari heldur einkasýningu á verkum
sínum í Íslenska Grafíksalnum, Hafnar-
húsinu. Berglind lærði ljósmyndun í
Bandaríkjunum og hefur haldið nokkrar
einkasýningar bæði á Íslandi og
einnig í Chelsea-listahverfinu í New York
árið 2000. Berglind nefnir sýningu sína
Hringrás og fjallar hún um hringrás lífs-
ins á táknrænan hátt. Myndirnar eru
bæði svart-hvítar og í lit. Sýningin verður
opin fimmtudaga til sunnudaga frá
klukkan 14 til 18.
Óður til Óðins er heiti á sýningu
listakonunnar Ingibjargar Torfadóttur.
Sýningin samanstendur af 44 grafík-
myndum sem Ingibjörg hefur unnið á
síðastliðnum árum. Þetta er önnur
einkasýning Ingibjargar á Íslandi, en
hún hefur hún tekið þátt í fjölda sam-
sýninga víða um Kanada og hefur hlot-
ið margskonar viðurkenningar fyrir verk
sín. Sýningin er haldin í Gallery 11, Inn-
römmun Sigurjóns, Fákafeni 11, Reykja-
vík.
Yfirlitssýning á verkum Júlíönu
Sveinsdóttur (1889 -1966) stendur yfir
í Listasafni Íslands. Á sýningu Lista-
safns Íslands eru yfir 100 verk, málverk
og vefnaður, sem varpa ljósi á feril
þessa merka brautryðjenda íslenskrar
myndlistar. Í tilefni sýningarinnar gefur
Listasafn Íslands út bók með greinum
um ævi og list Júlíönu Sveinsdóttur. Sýn-
ingin stendur til 26. október.
14.00 Bubbi, Guðbjörn Gunnars-
son skúlptúristi, og Jóhann G. Jó-
hannsson, myndlistar- og tónlistar-
maður, eru með samsýningu í Húsi
málaranna, Eiðistorgi. Jóhann G. sýnir
olíu- og vatnslitamyndir þar sem hann
fæst við hughrif íslenskrar náttúru.
Bubbi kallar sýningu sína Ferðalag. Árið
2002 fór hann í ferð til Japans og tók
þar þátt í samsýningu í menningar-
borginni Kyoto. Inntak sýningarinnar er
upplifun Bubba á þessu ferðalagi með
áherslum a þjóðleg einkenni og
skyldeika Íslands og Japans. Samsýning
Bubba og Jóhanns G. er sölusýning.
Allir velkomnir. Sýningin stendur yfir til
28. september og er opin fimmtudaga
til sunnudags frá kl. 14-18.
15.00 Þrjár einkasýningar eru nú í
Listasafni Kópavogs-Gerðarsafni.
Helgi Hjaltalín Eyjólfsson opnar í Aust-
ursal sýninguna Skraut /Kjöraðstæður
þar sem hann sýnir skúlptur- og ljós-
myndaverk. Sýning Katrínar Þorvalds-
dóttur í vestursal heitir Borðhald/Ef ég
segi þér hver ég er þá gleymir þú hver
ég var. Á neðri hæð safnsins opnar Olga
Bergmann í samstarfi við stofnun Dr. B
sýninguna Náttúrugripasafn. Sýningarn-
ar standa til 5. október. Safnið er opið
alla daga frá kl. 11.00-17.00 nema
mánudaga.
Mæja, myndlistarkona, sýnir málverk
sín í Hitaveitu Suðurnesja í Hafnarfirði
en sýningin ber heitið Losti & Þrá. Sýn-
ingin er opin alla virka daga frá 8.00-
16.00.
■ ■ SÝNINGARLOK
Í dag er síðasta sýningardagur á
myndlistarverkum Péturs Más Gunn-
arssonar í Gallerí Dvergi. Pétur Már út-
skrifaðist árið 2002 frá Myndlistardeild
LHÍ og er þetta önnur einkasýning hans.
Sýningarstaðurinn er við Grundarstíg 21
í Reykjavík og er opið klukkan 17-19.
Listasafn Reykjavíkur sýnir „Viðtöl
um dauðann“ eftir Magnús Pálsson
myndlistarmann og Helgu Hansdóttur
öldrunarlækni í Hafnarhúsinu. Sýningin
er opin milli 10 og 17. Síðasti sýningar-
dagur.
Sjöfn Har sýnir 45 ný málverk og
vatnslitamyndir í Art Icelandic Gallery,
Skólavörðustig 25 a. Opið er frá kl. 14-
18. Síðasti sýningardagur er í dag.
Tilkynningar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
■ TÓNLEIKAR
BERGÞÓR PÁLSSON
kemur fram á tónleikum í Lang-
holtskirkju í dag og klæðist 19. aldar
fötum í stíl við tónlistina.
Söngvarinn David Bowie segistekki geta munað söngtexta
sína eftir að hafa
skemmt heilann á
sér með eiturlyfja-
notkun í gamla
daga. Hann segist
nú neyðast til þess
að lesa þá af nótna-
standi til þess að
ruglast ekki. Bowie hefur verið
edrú og laus við eiturlyf í rúm 20
ár en skemmdirnar lagast víst
ekkert. Söngvarinn greindi frá
þessu í sjónvarpsviðtali við BBC.
Leikstjórinn Ridley Scott hefurtekið að sér að leikstýra fram-
haldsmynd Gladiator. Aðalper-
sóna myndarinnar verður Lucius,
barnungur sonur Lucillu úr fyrri
myndinni. Scott segir handritið
vera tilbúið og að það sé afar
ólíkt fyrri myndinni og taki lítið
sem ekkert á skylmingaþrælum.
Þó er talið að persóna
Russell Crowe komi til
með að birtast örstutta
stund í myndinni,
þrátt fyrir að vera
dáin og grafin.
Búist við mynd-
inni í bíó á
fyrri hluta
ársins 2005.
Söngkonan Britney Spears varð íefsta sæti yfir „verst klæddu
konur ársins“ í skoðanakönnun
bandaríska tímaritsins People.
Lesendum blaðsins finnst
fatasmekkur hennar hreint út
sagt hörmulegur. Á eftir henni í
röðinni voru Tara Reid og leikkon-
an Lara Flynn Boyle, sem mætti í
ballerínubúningi á Golden Globe-
verðlaunahátíðina síðustu.
Bon Jovi og hljómsveit hanshafa hljóðritað nýja plötu, fulla
af gömlum lögum.
Upphaflega ætlaði
sveitin að hljóðrita
órafmagnaða plötu
en skemmti sér svo
vel við að endurút-
setja gömlu lögin
að ákveðið var að
gera nýtt úr
gömlu. Á plöt-
unni öðlast því
eldri lög á borð
við „Wanted
Dead or
Alive“ og
„Keep the
Faith“ nýtt
líf.
Fréttiraf fólki
Lab Loki sýnir í Listasafni Reykjavíkur -
Hafnarhúsinu barnaleikritið
„Baulaðu nú...“
Dagur í lífi Kristínar Jósefínu Páls.
Í dag 6. sept. kl. 14:00
lau 13. sept kl. 14:00
sun 21. sept. kl.14:00
lau 27. sept. kl. 14:00
Miðaverð er 1200.
Miðapantanir í síma 590-1200.
Nánari upplýsingar í síma 662-4805
FR
ÉT
TA
B
LA
Ð
IÐ
/R
Ó
B
ER
T