Fréttablaðið - 06.02.2004, Blaðsíða 30

6. febrúar 2004 FÖSTUDAGUR
Stórleikur í sænska handboltanum
Staffan hafði betur í síðasta einvíginu
HANDBOLTI Staffan Olsson hafði betur
í síðasta einvígi sínu gegn Magnus
Wislander þegar lið þeirra Hammar-
by (Staffan) og Redbergslid (Wis-
lander) mættust í sænsku úrvals-
deildinni í fyrrakvöld. Báðir eru á
lokakafla síns ferils, Staffan hefur
leikið sinn síðasta landsleik og Wis-
lander er að klára sitt síðasta tíma-
bil í sænsku úrvalsdeildinni. Staffan
fór mikinn í leiknum og skoraði
fimm mörk flest í seinni hálfleik
þegar Hammaby innbyrti eins
marks sigur, 32-21. Wislander gekk
hinsvegar ekki eins vel, klikkaði á
öllum fjórum skotunum sínum þar á
meðal síðasta skoti leiksins sem
hefði tryggt jafnteflið. „Ég átti ekk-
ert að taka síðasta skotið en svona
þróaðist þetta bara,“ sagði Wisland-
er sem líkt og Olsson verður fertug-
ur á þessu ári. Sigurinn var afar
mikilvægur fyrir Hammarby sem
er í harðri fallbaráttu en Red-
bergslid er í 4. sæti deildarinnar.
Fjárhagsvandræði hafa hrjáð
Hammarby að undanförnu en Staff-
an segir að leikmenn liðsins hugsi
ekkert um það. „Við einbeitum okk-
ur að því að spila leikina. Það eru
aðrir í félaginu sem geta einbeitt sér
að glíma við fjárhagsvandræðin.
Þessi sigur var eitt skref í rétta átt,“
sagði Staffan sem hefur skorað 81
mark í 16 leikjum í vetur og auk
þess gefið 64 stoðsendingar. Wis-
lander hefur skoraði 61 mark og
nýtt skotin sín 70% svo að þessi síð-
asta viðureign þeirra félaga var
ekki alveg í anda hans frammistöðu
í sænsku úrvalsdeildinni í vetur. ■
Á von á hníf-
jafnri keppni
Gunnar Magnússon, þjálfari Víkinga, á von á að ÍR-ingar og Haukar
berjist um deildarmeistaratitilinn.
HANDBOLTI „Það er nánast nýtt mót að
byrja og verður spennandi að sjá
hvernig liðin eru eftir langa pásu,“
sagði Gunnar Magnússon, þjálfari
Víkinga. „Félögin hafa leikið álíka
marga æfingaleiki í hléinu en það er
spurning hvernig þau sleppa með
meiðsli. Lykilmenn hjá Gróttu/KR
hafa verið meiddir, Robertas Pauzu-
olis hjá Haukum og HK missir Vil-
helm Gauta Bergsveinsson og það
veikir þeirra lið.“
Gunnar segir erfitt að gera sér
grein fyrir hvaða áhrif brotthvarf
Viggós Sigurðssonar hefur á Hauk-
ana. „Það getur verið að þetta þjappi
leikmönnunum saman en Viggó er
frábær þjálfari og það getur einnig
verið að það hafi mikil áhrif að
stjórnandinn sé farinn,“ sagði Gunn-
ar.
Úrvalsdeildin hefst í kvöld með
fjórum leikjum. „Ég á von á hníf-
jafnri keppni og býst við að liðin reyti
stig hvert af öðru. Ég á von að ÍR og
Haukar berjist um deildarmeistara-
titilinn en hin liðin verða í hnapp í
þriðja til sjöunda sæti. En þetta verð-
ur erfitt hjá Gróttu/KR vegna meiðs-
la lykilmanna og ég á von á að þeir
skeri sig úr,“ sagði Gunnar.
Stjarnan, sem hefur komið liða
mest á óvart í vetur, leikur á heima-
velli gegn KA í kvöld. „Stjarnan hef-
ur vaxið með hverjum leik í vetur,“
sagði Gunnar. „Ég á von á að þeir
haldi áfram að vaxa. Stjarnan á
skemmtilegt lið skipað ungum frísk-
um strákum og getur strítt hvaða liði
sem er.“
ÍR og Valur fengu flest stig með
sér í úrvalsdeildina. ÍR heimsækir
Fram og Valur leikur við Gróttu/KR
að Hlíðarenda. „Leikir ÍR og Fram
hafa alltaf verið hörkuleikir en mig
minnir að ÍR-ingum hafi ekki gengið
vel í Framhúsinu. Ég hef samt trú á
ÍR-ingum í kvöld. Valsmenn eiga
sterkt, vel spilandi og skemmtilegt
lið og þeir tapa ekki oft að Hlíðar-
enda. Grótta/KR á hins vegar í vand-
ræðum vegna meiðsla lykilmanna,“
sagði Gunnar.
Haukar og HK leika á Ásvöllum í
kvöld en félögin unnu hvort sinn leik-
inn í suðurriðli Remaxdeildarinnar
fyrir áramót. „Það eru svo margir
óvissuþættir í þessum leik en ég held
að Haukarnir vinni,“ sagði Gunnar.
Íslandsmótið fer fram með nýju
fyrirkomulagi í vetur. Keppt var í
tveimur riðlum fyrir jól og fjögur
efstu félög hvors riðils keppa í úr-
valsdeild sem hefst í kvöld en önnur
félög í 1. deild. Keppni í úrvalsdeild-
inni lýkur 4. apríl en þá tekur við út-
sláttarkeppni átta félaga. „Reynsla
okkar af fyrirkomulaginu er mjög
góð. Leikirnir fyrir jól voru allir
rosalega mikilvægir. Við Víkingar
lékum til dæmis sjö úrslitaleiki í röð.
Þjálfarar og leikmenn skynja mikil-
vægi leikjanna og ég vona að áhorf-
endur skynja það líka,“ sagði Gunnar
Magnússon, þjálfari Víkinga. ■
FÓTBOLTI Dean Richards lék með
Tottenham sem tapaði 4-3 fyrir
Manchester City í bikarkeppninni á
miðvikudagskvöld. Tottenham
leiddi 3-0 í leikhléi en City svaraði
fjórum sinnum í seinni hálfleik.
Richards hefur tvisvar áður lent
í samskonar raunum, einu sinni í
deildarleik með Tottenham og einu
sinni í bikarleik með Southampton.
Richards skoraði í frumraun sinni
með Tottenham gegn Manchester
United í september 2001. Les
Ferdinand og Christian Ziege bættu
við mörkum og komu Spurs í 3-0
fyrir leikhlé. United svaraði með
mörkum Andy Cole, Laurent Blanc,
Ruud van Nistelrooy, Juan Sebasti-
an Veron og David Beckham í
seinni hálfleik og vann 5-3.
Í febrúar 2001 lék Richards með
Southampton gegn Tanmere í 5. um-
ferð bikarkeppninnar. Hassan
Kachloul, Jo Tessem og Richards
skoruðu fyrir Southampton í fyrri
hálfleik en þrenna frá Paul Rideout
og eitt mark frá Stuart Barlow
tryggði Tranmere 4-3 sigur. ■
STAFFAN OLSSON
Skoraði fimm mörk og átti mikinn þátt í
sigrinum gegn Wislander og félögum.
Þriggja marka forysta í vaskinn:
Í þriðja sinn
DEAN RICHARDS
Þriggja marka forysta í leikhléi virðist engin
trygging fyrir sigri.
STAÐAN Í ÚRVALSDEILDINNI
ÍR 8
Valur 8
KA 7
Fram 6
Stjarnan 6
Haukar 5
HK 5
Grótta/KR 3
Staðan í úrvalsdeildinni ræðst af þeim stig-
um sem félögin tóku með sér úr riðla-
keppninni fyrir áramót. Aðeins stigin í inn-
byrðis viðureignum félaga í úrvalsdeildinni
telja. ÍR-ingar taka til dæmis með sér stigin
úr leikjunum við Stjörnuna, Hauka og HK
sem leika í úrvalsdeildinni en ekki úr leikj-
unum gegn Selfossi, FH, Breiðablik og ÍBV
sem leika í 1. deild.
NÆSTU LEIKIR
Föstudagur 6. febrúar
Stjarnan - KA Ásgarður 19.15
Fram - ÍR Framhús 19.15
Haukar - HK Ásvellir 20.00
Valur - Grótta/KR Valsheimili 20.00
Sunnudagur 8. febrúar
HK - Stjarnan Digranes 19.15
KA - Fram KA-heimilið 17.00
Grótta/KR - ÍR Seltjarnarnes 19.15
Valur - Haukar Valsheimili 19.15
GUNNAR MAGNÚSSON
Telur reynsluna af nýja fyrirkomulagi
mótsins góða.