Fréttablaðið - 30.04.2004, Side 48

30. apríl 2004 FÖSTUDAGUR
■ TÓNLIST
Opið um helgar
frá 10 -16
Dalvegi 6-8 · Kópavogi · Sími 535 3515
www.kraftvelaleigan.is
Eru framkvæmdir framundan ?
Við leigjum þér réttu tækin
Tónlistarsumarið mikla held-ur áfram að stækka. Nú
hefur breski plötusnúðurinn og
raftónlistarmaðurinn Sasha
bæst í hóp þeirra sem ætla að
heimsækja Ísland. Hann mun
skemmta gestum Nasa þann 19.
maí í heljarinnar gleðskap sem
útvarpsþátturinn Party Zone
stendur fyrir.
Sasha er líklegast einn þekkt-
asti raftónlistarmaðurinn og
plötusnúðurinn sem leikur það
sem kalla má eróbik-teknó, líkt
því sem leikið er stanslaust á
næturklúbbum Ibiza. Dá-
leiðandi, hart teknó sem fær
fólk til að gleyma sér í alsælu á
dansgólfinu.
Hann hefur átt mikilli vel-
gengni að fagna um allan heim
og plötur hans, sem gefnar eru
undir merkjum Global
Underground, seljast vel. Hann
vinnur nú að gerð nýrrar plötu
auk þess að troða upp á klúbbum
um alla Evrópu.
Forsala miða fer í gang 5. maí
í Þrumunni. ■
Það er óhætt að segja að rappar-inn Afu Ra hafi áhuga á and-
legum málefnum. Nafn hans þýðir
Líkami lífsorkunnar og hann
segist vera rastafari. Sem ein-
lægur aðdáandi karatemynda
kynntist hann taó- og búddisma.
Hann ber því virðingu fyrir öllu
lífríki og ráfar niður veginn æðru-
laus. Hann passaði þó upp á það að
geta varið sig fyrir hættum og er
með svarta beltið í Tai Chi.
Þessar heimsspekihugleiðing-
ar kappans rata í listsköpun hans
eins og sést á titlum tveggja
breiðskífna hans. Sú fyrri The
Body of the Life Force kom út
árið 2000 og sú nýrri The Life
Force Radio fylgdi í kjölfarið,
tveimur árum síðar.
Afu komst fyrst fyrir sjónir
hiphop-unnenda árið 1994 þegar
hann var gestur í lagi Jeru the
Damaja, Mental Stamina. Upp frá
því tókst honum að komast til met-
orða, var gestur hér og þar á plötum
annarra, og gaf loksins út sína fyrstu
smáskífu árið 1998. Hann hefur svo
verið meðlimur í Gangstarr Founda-
tion í einhvern tíma.
Afu-Ra kemur úr harðri senu
austurstranda rappara en textar
hans hafa alltaf þótt hafa skynlegt
og hlýtt yfirbragð. Vitsmunalegir
orðaleikir um lífið og tilveruna
fylgja jafnan.
Afu-Ra getur þó varla talist í
hóp stórskotamanna þó að hann sé
vel virtur í rappheimum. Hann
hefur m.a. unnið með mönnum á
borð við RZA og Dj Muggs úr
Cypress Hill.
Í kvöld fá svo íslenskir
hiphop-unnendur að heyra flæði
kappans en hiphop-þátturinn
Kronik stendur fyrir inn-
flutningi hans hingað. Gaukur-
inn opnar klukkan 20 og sjá
Original Melody, Nafnlausir og
Dj Danni Deluxe um upphitun.
Aldurstakmark er 18 ár og að-
gangseyrir er 1.500 krónur. ■
SASHA
Ef einhver kann að framkalla jafn
heita stemningu og þekkist á
Ibiza, þá er það þessi maður.
Sasha til Íslands
Búddarímur
Í SNERTINGU VIÐ TÓMIÐ
SÖNN SAGA
Valin besta breska myndin á BAFTA verðlaunahátíðinni
Frá Óskarsverðlaunahafanum Kevin MacDonald
“Það er óralangt síðan ég sá jafn skelfilega grípandi mynd og jafn frábærlega
unnið úr mismunandi stílbrögðum í heimildar- og kvikmyndagerð…
Guð minn góður þvílík snilldarsamsetning og mögnuð úrvinnsla hjá leikstjóranum
Kevin MacDonald. Þegar hremmingarnar hefjast þá er sem maður standi, falli og
brotni með fjallgöngumönnunum…
Án efa ein besta myndin í bíó í dag.”
KD, Fréttablaðið
„Stórkostlegt meistaraverk”
★★★★ ÓÖH, DV
★★★1/2 Skonrokk
★★★1/2 Mbl.
AFU RA
Gengur Veginn, og rappar á leiðinni í stað
þess að flauta.
MÚM
Fóru bara út að hjóla eftir að hafa lesið
umsögnina um nýjustu plötu sína
í Fréttablaðinu á dögunum.
Cannibal Corpse -
The Wretched Spawn
„Textarnir eru, eins og alltaf hjá Canni-
balnum, í sjúklegri kantinum enda hefur
það verið stefna þeirra frá upphafi að
syngja um neikvæða hluti sem nýtast
hlustandanum á jákvæðan hátt sam-
kvæmt liðsmönnum. Með þessari plötu er
mönnum gert ljóst að þrátt fyrir að æðið
fyrir dauðarokki hafi runnið sitt skeið, þá
er nóg að gerast tónlistarlega séð enda
vinsældir ekki mælikvarði á gæði.
Dauðarokk hefur aldrei verið sterkara en
einmitt í dag. Orð að sönnu.“ SJ
Von Bondies - Pawn
Shoppe Heart
„Að hlusta á þessa plötu er svolítið eins
og að neyðast til þess að kaupa 1944-
réttinn með indverska kjúklingnum bara
vegna þess að maður átti ekki efni á því
SMS
um nýjustu plöturnar
að fara á Austur Indíafélagið. Sem sagt,
maður gæti sætt sig við þetta í hallæri...
en ég myndi aldrei velja að setja þessa
plötu á fóninn með allar þær frábæru
rokkplötur sem eru í safninu mínu.“ BÖS
Gummi Jóns - Japl
„Ef þetta er allt sem Guðmundur hefur
fram að færa sem sólótónlistarmaður
hefði hann alveg mátt bíða í enn fleiri ár
eftir meiri innblæstri frá skáldagyðjunni.
Alls ekki nógu gott og eiginlega bara
slæmt.“ FB
Usher - Confessions
„Það er því svolítið kaldhæðnislegt að á
plötunni er Usher að tappa af hjartans-
málum sem tengjast því flest hversu illa
hann hefur farið af ráðum sínum í
kvennamálum. Textar plötunnar eru eitt
heljarinnar samviskubit þar sem hann
biður hina einu sönnu ást afsökunar á
því að hafa haldið fram hjá henni ítrekað,
barnað eina hjásvæfuna og ég veit ekki
hvað og hvað. Síðan áttar hann sig ekkert
á því af hverju hann er á bömmer!? En
hversu siðblindur sem Usher er í einka-
lífinu þá hefur það ekki áhrif á tónlistar-
getu hans, Confessions er hörkufín plata,
og stendur vel undir væntingum.“ BÖS
Múm - Summer Make Good
„Á Summer Make Good er lögð áhersla á
að hlustandinn upplifi plötuna sem eina
fallega heild og tekst það alveg prýðilega.
Platan er heillandi þegar best lætur en
þolir ekki að rúlla í spilaranum hvað eftir
annað. Þá kemur leiði í ljós og Múm
hættir að vera hrífandi. Á köflum óskar
maður þess að geta hrist hljómsveitina til
svo hún rokki aðeins, eða hætti allavega
þessu hvísli, en það er víst ekki hægt í
gegnum geislaspilarann.“ FB