Fréttablaðið - 10.07.2005, Blaðsíða 8
1Hversu langan dóm hlaut MagnúsEinarsson fyrir að myrða eiginkonu
sína?
2Hvaða stórfyrirtæki hélt hluthafafundí gær?
3Hvaða erlendi söngvari heldur tón-leika í Laugardalshöll 21. september
næstkomandi?
Svörin eru á bls. 34
VEISTU SVARIÐ?
8 10. júlí 2005 SUNNUDAGUR
HRYÐJUVERK Sendiráðspresturinn í
Lundúnum segir að mestu sam-
stöðuna sýni fólk með því að halda
sínu striki.
Í kjölfar hryðjuverkanna á
fimmtudaginn heimsótti séra Sig-
urður Arnarson, sendiráðsprestur
í Lundúnum, sjúkrahús borgarinn-
ar þangað sem slasaðir höfðu verið
fluttir til að ganga úr skugga um að
Íslendingar væru ekki þar á meðal.
„Fyrst reyndum við að senda fax á
spítalana en það gekk ekkert, sím-
ar voru alltaf á tali og því varð ég
hreinlega að fara á spítalana til að
leita af mér allan grun.“
Á fimmtudaginn kom svo til
umræðu að halda bænastund í
sendiráðinu en af því varð hins
vegar ekki. „Það var til dæmis
vegna þess að fólki hafði verið
hvatt til að halda kyrru fyrir. Þar
fyrir utan þá felst mesta samstað-
an hreinlega í að koma hlutunum í
eðlilegt horf á ný. En fólk er auð-
vitað bæði skelkað og hissa, það
hefur kannski verið þarna á vett-
vangi rétt áður sprengjurnar
sprungu eða misst af lestunum
sem lentu í þessu. Því líður ekki
vel og á eftir að vera lengi að jafna
sig.“ - shg
HRYÐJUVERK Eftir því sem meira
kemur í ljós um illvirkin sem unnin
voru í Lundúnaborg á fimmtudags-
kvöldið á maður erfiðara með að
skilja þau. Hvers vegna kýs nokkur
maður að grípa til þess ráðs að
skilja eftir tifandi tímasprengju í
rútu eða lest fullri af saklausu fólki?
Við þeirri spurningu er að líkindum
ekki til neitt rökrétt svar.
Ekki í okkar nafni
Á vissan hátt færa árásirnar í Lund-
únum okkur nær veruleika sem
fjöldi manns í fjarlægari löndum
þarf að búa við daglega. Þannig er
sagt frá því í dagblaðinu Guardian í
dag að aldrei þessu vant hafi fólk í
Bagdad hringt til Lundúna til að at-
huga um afdrif ættingja sinna.
Greinin minnir okkur líka á að þrátt
fyrir að kenna sig við tiltekin trúar-
brögð þá fóru tilræðismennirnir
ekki í manngreinarálit í árásum sín-
um, múslimar jafnt sem aðrir týndu
lífi í lestunum og strætisvagninum
á fimmtudaginn.
Ein sprengingin varð í lest sem
var á leiðinni frá Aldgate að Liver-
pool Street stöðinni og fórust sjö í
því tilræði. Aldgate-hverfið telst
seint til fínustu hverfa Lundúna-
borgar en þar býr fólk sem hefur al-
mennt lágar tekjur og litla mennt-
un. Orð Ken Livingstone, borgar-
stjóra Lundúna, á fimmtudaginn um
að árásinni hafi ekki verið beint að
þeim sterku eiga því vel við hér. Í
hverfinu er jafnframt fjölmennt
múslimasamfélag, þar er stór
moska og menningarmiðstöð, að-
eins steinsnar frá neðanjarðarlest-
arstöðinni sem enn er lokuð. Ef
öfgafullir múslimar voru að verki á
fimmtudaginn hikuðu þeir greini-
lega ekki við að ráðast gegn hóf-
samari trúbræðrum sínum.
Í gær voru í miðstöðinni saman-
komnir ungir múslimar víða af
landinu til að ræða sambúð ólíkra
trúarhópa, ráðstefna sem hafði ver-
ið ákveðin löngu fyrir tilræðin.
Tveir unglingspiltar frá Manchest-
er, Mohammed og Walled, standa
reykjandi undir húsvegg og taka
blaðamanni nokkuð vel þótt þungt
sé í þeim hljóðið. „Þetta er villi-
mennska sem á ekkert skylt við trú-
arbrögð,“ segir Mohammed um til-
ræðin. „Allir múslimar fordæma
þau harðlega.“ Þrátt fyrir að sumir
hafi spáð því að múslimar í Bret-
landi verði fyrir aðkasti í kjölfar
árásanna telja þeir félagar það frek-
ar ólíklegt. „Ég held að flestir geri
sér grein fyrir því að þessar árásir
voru framdar af brjálæðingum,“
segir Walled.
Ástvinar leitað
Fyrir utan Konunglega sjúkrahúsið
í Lundúnum aðeins lengra í burtu
stendur hópur blaðamanna og bíður
fregna. Lögregla tryggir að aðeins
þeir sem eiga erindi á sjúkrahúsið
komist inn en þangað voru margir
slasaðir fluttir í kjölfar sprenging-
anna.
Tvær konur eru í örvæntingar-
fullri leit að vinkonu sinni sem ekk-
ert hefur spurst til síðan morguninn
örlagaríka. Þær óttast að hún hafi
verið í lestarvagninum sem sprakk
nærri Kingís Cross stöðinni en þar
er enn verið að reyna að ná líkum
út. Aðstæður eru afar erfiðar.
Piccadilly-línan liggur mjög djúpt
ofan í jörðinni og sjálf lestargöngin
eru níðþröng. Aðeins 15 sentímetrar
skilja að þak lestarinnar og ganga-
loftið.
„Ég bara vona að hún sé á lífi,“
segir Elena Law, móðir Connie Law
sem hefur gengið á milli helstu
sjúkrahúsa borgarinnar og leitað að
bestu vinkonu sinni, Mihaelu Ottou.
Mihaela er (eða var?) 47 ára gömul,
ættuð frá Rúmeníu, fráskilin og
vann á tannlæknastofu í Norður-
Lundúnum. „Mamma hennar átti 78
ára afmæli um síðustu helgi og þá
var hún svo glöð. Í gær grét hún
hins vegar allan daginn,“ bætir El-
ena við grátklökk.
„Þegar tannlæknirinn hringdi á
fimmtudagsmorguninn að spyrjast
fyrir um Mihaelu vissi ég strax að
eitthvað hlyti að vera að. Síðan þá
hef ég varla tekið mér hvíld heldur
leitað og leitað án árangurs. En eng-
ar fréttir eru líka góðar fréttir, ég
hef ekki gefið upp vonina,“ segir
Connie. Þær mæðgur tala hins veg-
ar um Mihaelu í þátíð eins og hún sé
þegar dáin, von þeirra virðist í
besta falli veik.
Stundum hættir okkur til að líta
á þá sem deyja eða slasast í slíkum
árásum sem andlitslaus nöfn, jafn-
vel tölfræði. Að standa frammi fyr-
ir þeim sem raunverulega syrgja
færir manni hins vegar heim sann-
inn um að hvert einasta dauðsfall er
mannlegur harmleikur. Á bak við
andlitslausu nöfnin eru mæður, feð-
ur, systur, bræður, dætur, synir og
vinir. Tilvera alls þessa fólks leggst
í rúst þegar slíkt áfall dynur yfir –
og það af manna völdum. Það er
ekki síst þess vegna sem manni er
ómögulegt að skilja þær hvatir sem
búa að baki hryðjuverkum á borð
við þau sem voru framin í Lundún-
um í vikunni sem leið. ■
LÁTINNA MINNST Fjöldi fólks hefur lagt
blómvendi við King's Cross lestarstöðina í
virðingarskyni við hina látnu.
Minningarathöfn:
Stutt flögn í
Lundúnum
HRYÐJUVERK Breska stjórnin hefur
farið þess á leit við Breta að þeir
virði tveggja mínútna þögn til
minningar um þá sem létust í
hryðjuverkaárásunum á fimmtu-
dag.
Þagnarstundin verður á hádegi
á fimmtudag, þegar vika er liðin
frá árásunum sem kostuðu minnst
49 einstaklinga lífið. ■
Hryðjuverkaógnin:
Mikil áhrif á
íflróttavi›bur›i
HRYÐJUVERK Árásirnar í London
hafa orðið til þess að hert hefur
verið á öryggisráðstöfunum víða í
Bretlandi. Þetta hefur meðal ann-
ars áhrif á íþróttaviðburði þar
sem búast má við að fjöldi fólks
verði viðstaddur.
Stjórnendur Silverstone-
kappakstursins í Formúlu 1 sem
hefst í dag hafa aukið öryggisráð-
stafanir. Sprengjuleitarhundar
eru nú látnir þefa af öllum töskum
og pokum sem áhorfendur hafa
með sér á viðburðinn.
Einnar mínútu þögn verður
áður en kappaksturinn hefst.
Öryggisráðstafanir hafa einnig
verið endurskoðaðar á Lord's-
vellinum þar sem England og
Ástralía eigast við í krikket í dag
og á morgun. ■
Árásarmennirnir:
Tveir eigna sér
árásirnar
HRYÐJUVERK Abu Hafs al Masri
hersveitin, sem segist tengjast al-
Kaída, hefur lýst ábyrgð á hendur
sér á hryðjuverkunum í Lundún-
um. Sannleiksgildið hefur þó ekki
fengist staðfest og leggja sér-
fræðingar í hryðjuverkamálum
lítinn trúnað á tilkynninguna þar
sem hópurinn hefur áður eignað
sér verk sem hann hefur ekki
staðið fyrir.
Meðal þess sem hópurinn hef-
ur áður sagst hafa afrekað er að
valda rafmagnsleysi á stóru
landssvæði í Bandaríkjunum árið
2003. Rannsókn leiddi í ljós að bil-
un í raforkukerfinu og skipulags-
laus uppbygging þess hefði verið
valdur að rafmagnsleysinu.
Annar hópur, Leynileg samtök
al-Kaída í Evrópu, höfðu áður lýst
ábyrgð á hendur sér en það hefur
heldur ekki verið sannreynt. ■ UNGIR MÚSLIMAR Mohammed Yousaf og Walled Mialy segja hryðjuverkin viðurstyggileg.
LOKAÐ UM ÓÁKVEÐINN TÍMA Aldgate lest-
arstöðvunum var lokað á fimmtudaginn en
ekki liggur fyrir hvenær þær verða opnaðar
á ný.
ÖRVÆNTINGARFULL LEIT Connie og Elena Law hafa leitað að Mihaelu Ottou síðan á fimmtudaginn. Hér ræða þær við blaðamenn.
FR
ÉT
TA
B
LA
Ð
IÐ
/S
VE
IN
N
G
U
Ð
M
AR
SS
O
N
SVEINN GUÐMARSSON
SKRIFAR FRÁ LONDON
Á VETTVANGI
HRYÐJUVERK Í
HÖFUÐBORG
BRETLANDS
Hvert einasta dau›sfall er
mannlegur harmleikur
Í fla› minnsta fimmtíu fórust í sprengjutilræ›unum í Lundúnum á fimmtudaginn. Lögreglan leitar log-
andi ljósi a› illvirkjunum sem taldir eru tilheyra al-Kaída sellu en á me›an reyna borgarbúar a› koma lífi
sínu í e›lilegt horf.
M
YN
D
/A
P
SIGURÐUR ARNARSON Sigurður fór á sjúkrahús þangað sem særðir og látnir voru fluttir
og gekk úr skugga um að Íslendingar væru ekki í þeim hópi.
Sendiráðspresturinn í Lundúnum:
Fólk er bæ›i
skelka› og hissa