Fréttablaðið - 11.10.2005, Blaðsíða 28
2 { hús og heimili } Lækjargötu 34c • 220 Hafnarfirði • S:553 4488
Dúndurútsala á flísum,
eigum nokkra
sturtuklefa á fínu verði
Nýtt baðherbergi
10 góð ráð fyrir þá sem hyggja á endurnýjun á baðinu.
1. Sæktu þér innblástur í blöð og tímarit og notaðu þau til að finna
þinn eigin stíl.
2. Það borgar sig að hafa baðherbergið rúmgott. Veltu því fyrir þér
hvort stækka megi baðherbergið á kostnað annarra herbergja eða
jafnvel flytja það yfir í stærra herbergi í íbúðinni.
3. Farðu yfir þarfirnar á heimilinu. Ef þið hafið til dæmis þörf fyrir
tvo vaska er nauðsynlegt að gera ráð fyrir því frá upphafi. Gott
baðherbergi er fyrst og fremst þénugt fyrir þá sem það nota.
4. Gættu þess að baðherbegið sé í stíl við íbúðina í heild, bæði í lita-
tónum og hönnun. Veldu endingargott efni.
5. Farðu yfir hversu mikinn tíma og fjármagn þú hefur til endurbót-
anna. Það er ekki víst að nauðsynlegt sé að endurnýja allt frá
grunni. Vel getur verið að hægt sé að nýta eitthvað af því sem
fyrir er.
6. Fátt er óþægilegra en ískalt baðherbergisgólf. Taktu því afstöðu
til þess hvort ætti að leggja hita í gólfið fyrst verið er að bram-
bolta á baðherberginu hvort sem er. Hafa ber í huga að hér á
landi er rekstrarkostnaður á svoleiðis lúxus til muna lægri en
annars staðar.
7. Viltu láta salernið standa á gólfinu eða hengja það á vegginn eins
og nú er orðið svo algengt. Hvort tveggja tekur álíka mikið pláss
en kosturinn við salerni sem hangir á vegg er að klósettkassinn
sést ekki og mun þægilegra er að þrífa gólfið við klósettið. Sömu-
leiðis getur orðið til hilla á veggnum fyrir ofan falda klósettkass-
ann en hana má nýta bæði til þess að geyma hluti sem þurfa að
vera á baðherberginu og jafnvel skrautmuni. Ef á að hengja sal-
erni á vegginn þarf að hafa í huga að veggurinn geti borið sal-
ernið og þá sem á því sitja.
8. Áður en fjárfest er í sturtuhaus með alls konar möguleikum á
mismunandi bunum þarf að yfirvega hversu líklegt er að allir
þessir valmöguleikarnir verði nýttir. Margir hafa varið miklum
peningum í lúxusbúnað sem er svo lítið sem ekkert notaður þeg-
ar upp er staðið.
9. Handklæðaofn er sniðugt fyrirbrigði, ekki bara til að þurrka
handklæði heldur einnig ef liggur á að láta þvott þorna. Eins og
með hitann í gólfinu ber að hafa í huga að slíkur ofn er ódýr í
rekstri fyrir okkur sem höfum hitaveituna.
10. Það er ótrúlega þægilegt að geyma handklæðin inni á baði.
Reyndu því að koma þar fyrir góðum handklæðaskáp, jafnvel
þótt ekki standi til að hafa stóra innréttingu.
Íva Rut Viðarsdóttir og Helga Nína
Aas hjá Byko segja baðherbergið
eiga að vera samspil þriggja þátta;
notagildis, fegurðar og vellíðunar.
„Nýjustu straumar og stefnur í dag
eru einföld og stílhrein baðherbergi
þar sem til dæmis sömu flísar eru
notaðar á gólf og veggi. Vinsælasta
flísastærðin í dag er 30x60 og flís-
ar með sléttu og möttu yfirborði í
ljósum gráum tónum í dröppuðum
litum eru mjög vinsælar,“ segja Íva
og Helga og bæta við að flísarnar
séu alltaf að stækka og nú fari
stærðin allt upp í 60x60 og 60x120.
Helga Nína segir höldulausar
innréttingar í hvítu háglans eða
hvíttaðri eik vera vinsælar í dag,
þar sem léttleikinn og einfaldleik-
inn ráða ríkjum. „Í hreinlætistækj-
um eru bæði kassalaga og hring-
laga form vinsæl eins og hönnunin
frá Duravit, Svedbergs og Villeroy
og Boch,“ segir Helga Nína. „Lýsing
inni á baði þarf að vera tvenns
konar, góð vinnulýsing og mjúk
óbein lýsing.“
Þorsteinn Jónmundsson, lærður
húsgagnasmiður hjá Axis, tekur í
sama streng. „Nú er minna um
þessa týpísku halógenlýsingu, sem
hefur aldrei verið hagkvæm. Ljósið
á að koma á mann sjálfan en ekki á
spegilinn,“ segir Þorsteinn og bætir
við að fólk sé meira með stóra og
mikla spegla og þá er lýsingin sett
inn í speglana. Hægt er að fá góða
lýsingu sem hentar hverju baðher-
bergi. „Í þrengri rýmum má láta
spegilinn vísa upp og lýsa ofan við
spegilinn. Annars er gott að fá
ílöng ljós hliðarmegin á spegilinn.
Miklu máli skiptir að fá gott ljós
sem kemur lárétt á spegilinn.“ Þor-
steinn segir spegla nú fara alveg
ofan í borðplötur og vaskana ofan
á borðplöturnar, sem til eru í mörg-
um útfærslum allt frá einföldum
skálum niður í þungar kantaðar
handlaugar. „Ein útfærslan er að
vaskurinn komi fram fyrir borð-
plötu, þá verður borðplássið minna
en innréttingin sjálf tekur minna
pláss,“ segir Þorsteinn. Eikin er
mjög vinsæl en einnig er núna á
markaðnum ölur (e. alder). Sá viður
hefur svipað yfirbragð og beyki en
er aðeins rauðari. Ölurinn er mjög
lifandi með dökku mynstri. Þor-
steinn segir að mikið hafi selst af
innréttingum í þessum viði til árs-
ins 2004 en eikin hafi leyst hann af.
Þorsteinn spáir því að tekkið eigi
eftir að sækja í sig veðrið, en það er
mitt á milli kirsjuberjaviðar og ma-
hónís.
Einar Sveinbjörnsson, innan-
hússarkitekt hjá Húsasmiðjunni,
segir fólk kjósa að hafa innrétting-
ar á baðherberginu. „Það er í tísku
að vera með lægri skápa og vask
sem stendur ofan á. Það hefur auk-
ist að fólk vilji hafa skúffur og
skápa og jafnvel að fólk hafi eins
innréttingar í allri íbúðinni,“ segir
Þorsteinn, sem telur að fólk sé far-
ið að leggja mun meira upp úr bað-
herberginu. „Í stærri baðherbergj-
um vill fólk hafa stærri veggskápa í
einföldum stíl við bað eða sturtu.
Nú er líka mikið í tísku að hafa
þykkar borðplötur og höldulausar
innréttingar með fræstu gripi.“ Þor-
steinn segir einnig að vinsælt sé að
fá sér stærri baðkör og hafa flísa-
lagðan kant í kringum baðið. „Þá
virkar kanturinn eins og trappa.
Baðkarið er ekki sett alveg upp við
vegg þannig að það myndast hilla í
kringum það sem er flísalögð.“ Þor-
steinn segir að fólk sé óhræddara
við að blanda saman stærðum og lit
í flísavali. „Nú eru gólf tekin upp á
veggi á kannski einum stað og
einnig vinsælt hjá þeim sem eru
með stór baðherbergi að sturtu-
botninn sé í sama stíl og gólfið
þannig að það myndist heild í öllu
herberginu.“
Óhætt er að segja að skemmti-
legt verk bíði þeirra sem eru að
undirbúa stórræði á baðherberginu
enda margar útfærslur í boði og af
nógu að taka.
Notagildi, fegurð og vellíðan
Nú er fólk sífellt farið að leggja meira í að gera baðherbergið fallegt. Áður var látið
nægja baðkar eða sturta, vaskur og skápur fyrir tannburstann. Nú er hugsað um heild-
ina, bæði útlitið sem og notagildið.
Húsasmiðjan. Vaskur ofan á einfaldri innréttingu. Skápurinn er lágur. Höldulausar skúffur. Upphengt klósett. Gólf og veggflísar í sömu
línu með uppbroti.
Axis. Mikið er lagt upp úr að lýsingin sé rétt, hér er hún fyrir ofan
spegilinn.
Byko. Starck Koop. Flatur sturtubotn.
HMMM, HVAR ER BUNAN?
Áður en baðherbergið er
endurnýjað er gott að
hugsa vel fyrir öllu.