Fréttablaðið - 09.07.2006, Blaðsíða 4
4 9. júlí 2006 SUNNUDAGUR
SJÁVARÚTVEGUR Komin eru um 280
þúsund tonn af kolmunna á land af
þeim 352 þúsund tonna kvóta sem
gefinn var út fyrir þessa vertíð.
Hvort þau tuttugu prósent sem
eftir eru af kvótanum nást fer
eftir því hvort veiðin á miðunum
glæðist, en botninn er dottinn úr
veiðinni að mestu.
Sturla Þórðarson, skipstjóri á
Berki NK-122, segir að veiðin hafi
farið vel af stað í apríl innan
íslensku fiskveiðilögsögunnar.
„Við færðum okkur síðan inn í
færeysku lögsöguna í ágætis veiði
en svo var veiðin á tímabili við
íslensku línuna. Það var ágætis
veiði þangað til fyrir um hálfum
mánuði að fór að draga úr þessu.
Ég held að langflestir bátar séu
komnir í land núna vegna aflaleysis
og hættir.“
Sturla segir að margir bátar sem
verið hafi á kolmunnaveiðum séu
að huga að því að fara á síld. Það sé
þó háð því hvort eitthvað verði að
frétta af aflabrögðum eftir helgi.
Aðal ástæðan fyrir því að skipin
hafa verið að reyna við kolmunna
þrátt fyrir litla veiði er að afurða-
verð er helmingi hærra en það var
á sama tíma í fyrra. Ástæðan er
einföld, skortur er á mjöli og lýsi í
heiminum. „Á sama tíma í fyrra
voru bátarnir löngu hættir í sama
fiskeríi því þá var ekkert verð á
afurðum. Nú hanga menn á þessu
út af verðinu,“ segir Sturla.
- shá
Botninn dottinn úr kolmunnaveiðinni:
Mörg skip að hætta veiðum
BÖRKUR NK-122 Hér er verið að landa
úr Berki í heimahöfn á Neskaupstað.
Kolmunnavertíðinni er senn lokið ef ekki
glæðist á miðunum.
LÖGREGLUMÁL Innbrotum í umdæmi
lögreglunnar í Reykjavík fjölgaði
töluvert í júní. Bæði voru innbrot
mun fleiri en mánuðina á undan og
sömuleiðis fleiri miðað við júní-
mánuð í fyrra.
Óvenju mörg innbrot voru á
heimili og í bifreiðar. Á vef
lögreglunnar kemur fram að
þjófar sækist meðal annars eftir
fartölvum, myndavélum, símum
og MP3 spilurum og er því beint
til fólks að hafa slíka hluti ekki
fyrir allra augum.
Jafnframt er ítrekað að fólk
gangi tryggilega frá heimilum
sínum þegar farið er í sumarleyfi.
- sdg
Lögreglan í Reykjavík:
Innbrotum
fjölgaði í júní
UMFERÐ Algengt er að bílum sé lagt
á hringtorg við Salalaug í Kópa-
vogi, en það er ólöglegt og stíflar
umferð strætisvagna. Þetta segir
vagnstjórinn Ragnar Þorláksson.
„Það er stoppistöð í hringtorginu,
en stundum er torgið alveg fullt af
bílum.“
Þetta hefur valdið vagnstjórum
miklum erfiðleikum. „Við á stærri
bílunum getum varla keyrt þarna,“
segir Ragnar. „Þarna er sundlaug,
skóli og íþróttahús og þar af leið-
andi fullt af börnum. Einnig er
mikið lagt í stæði fatlaðra við
laugina.“
„Við höfum talað við sundlaugina,
lögregluna og stjórnstöð Strætó
bs. en við sjáum engan árangur,“
bætir Ragnar við. -sgj
Bílum ólöglega lagt:
Truflar umferð
strætisvagna
HRINGTORGIÐ VIÐ SALALAUG Vagnstjórar
óttast umgang barna vegna erfiðs aksturs
strætisvagnanna um bílaþvöguna sem
myndast oft. FRÉTTABLAÐIÐ/VILHELM
BRETLAND, AP 62 ára gömul kona
varð á dögunum elsti Bretinn til
að fæða barn. Hún eignaðist heil-
brigðan son á miðvikudaginn síð-
asta sem tekinn var með keisara-
skurði.
Konan, sem heitir Patricia Rash-
brook, starfar sem barnasálfræð-
ingur og á þrjú uppkomin börn úr
fyrra hjónabandi. Þetta er hins
vegar fyrsta barn Patriciu og sex-
tíu ára eiginmanns hennar, Johns
Farrant. Patricia hafði gengist
undir tæknifrjóvgunaraðgerðir til
að verða barnshafandi. -mþþ
Nýbökuð bresk móðir:
Elsta konan til
að fæða barn
PÓLLAND, AP Líklega er það ein-
stætt í heiminum að tvíburar
gegni tveimur helstu valdastöðum
í einu landi samtímis. Sú staða er
þó að koma upp í Póllandi þegar
Jaroslaw Kaczynski tekur við
embætti forsætisráðherra af
Kazimierz Marcinkiewicz, sem
sagði af sér nú í vikunni.
Verðandi forsætisráðherra er
nefnilega tvíburabróðir forseta
landsins, sem heitir Lech Kaczyn-
sky. Jaroslaw, sá sem verður for-
sætisráðherra, er einnig leiðtogi
hins íhaldssama og umdeilda
stjórnmálaflokks þeirra bræðra,
Laga- og réttlætisflokksins, sem
sigraði í þingkosningunum í
Póllandi í september síðastliðnum
og hefur síðan farið með stjórn
landsins.
Marcinkiewicz, fráfarandi
forsætisráðherra, hefur hins
vegar sett stefnuna á borgar-
stjóraembættið í Varsjá. Hann
verður borgarstjóraefni Laga- og
réttlætisflokksins í borgarstjórnar-
kosningunum, sem haldnar verða
innan tíðar.
Jaroslaw Kazcynski viður-
kenndi á blaðamannafundi í gær
að það gæti vissulega valdið
ákveðnum vandræðum að tveir
valdamestu ráðamenn landsins
væru tvíburabræður og nauðalíkir,
en sagðist þó sannfærður um að
það myndi ekki verða þeim til
trafala þegar á reynir.
„Það fylgir því ákveðin áhætta
að forsetinn og forsætisráðherrann
séu bræður, það var megin hindr-
unin,“ sagði Kaczynski. „En af
ýmsum ástæðum komumst við að
þeirri niðurstöðu að í þetta skiptið
væri það verri leið út úr vandan-
um að koma með annan frambjóð-
anda, þótt við höfum marga góða,
heldur en að mæla með mér.“
Í Póllandi hafa menn reyndar
fyrir löngu vanist því að tvíbur-
arnir séu áberandi í þjóðlífinu.
Þeir urðu fyrst frægir í Póllandi
sem barnastjörnur árið 1962,
þegar þeir léku í vinsælli bíómynd
sem heitir „Tveir sem stálu tungl-
inu.“ Þeir léku þar tvo óknytta-
stráka, tvíbura að sjálfsögðu, sem
lögðu af stað í leiðangur til að
stela tunglinu, fara með það heim
og græða ósköpin öll á því að selja
það.
Ekkert framhald varð á frama
þeirra í skemmtanabransanum,
en pólitískur ferill þeirra hófst á
áttunda áratugnum þegar þeir
gengu til liðs við stjórnarandstæð-
inga í kommúnistaríkinu Póllandi.
Á níunda áratugnum voru þeir um
skeið ráðgjafar hjá Lech Walesa
meðan hann var forseti, en féllu
síðar í ónáð hjá honum.
Pólski stjórnmálaskýrandinn
Jacek Kucharczyk segir það
vissulega getað ruglað útlendinga
í ríminu hve bræðurnir eru líkir,
en í Póllandi sé það ekki lengur til
vandræða.
„Þetta var eins konar fagur-
fræðilegt vandamál í kosningun-
um, og sumum fannst það undar-
legt,“ sagði Kucharczyk. „En
aðalvandamálið er afrekaskrá
þeirra í stjórnmálum. Allar götur
síðan þeir sigruðu í kosningunum
hafa þeir grafið undan stöðug-
leika í pólskum stjórnmálum.
Ástandið núna er pólitísk
kreppa.“
Laga- og réttlætisflokkur
þeirra bræðra sigraði í þingkosn-
ingunum í september, en náði þó
ekki meirihluta á þingi þótt lítið
hafi vantað upp á. Flokkurinn
myndaði minnihlutastjórn í
október, en núna í maí gengu til
liðs við stjórnina tveir litlir flokkar
sem báðir eru afar tortryggnir á
Evrópusambandið.
gudsteinn@frettabladid.is
TVÍBURARNIR Vinstra megin á myndinni er Lech Kaczynski, sem er forseti Póllands, en hægra megin er bróðir hans, Jaroslaw, sem brátt
verður forsætisráðherra. FRÉTTABLAÐIÐ/AFP
MÓTMÆLENDUR Ungir Pólverjar lýsa
andstöðu sinni við tvíburana umdeildu og
flokk þeirra fyrir utan höfuðstöðvar Laga-
og réttlætisflokksins. FRÉTTABLAÐIÐ/AP
Tvíburar stjórna í Póllandi
Tvíburabræðurnir Jaroslaw og Lech Kaczynski eru valdamestu menn Póllands. Lech er forseti en Jaroslaw
verður forsætisráðherra, nú þegar Kazimierz Marcinkiewicz hefur sagt af sér sem forsætisráðherra.
GENGIÐ
GENGI GJALDMIÐLA 7.7 .2006
Bandaríkjadalur 75,54 75,9
Sterlingspund 139,06 139,74
Evra 96,47 97,01
Dönsk króna 12,931 13,007
Norsk króna 12,128 12,2
Sænsk króna 10,533 10,595
Japanskt jen 0,6578 0,6616
SDR 111,91 112,57
HEIMILD: Seðlabanki Íslands
KAUP SALA
133,1667
Gengisvísitala krónunnar