Fréttablaðið - 12.04.2007, Síða 25

Stærstu úthlutun Menningarsjóðs
Landsbankans til þessa var úthlut-
að í gær þegar 75 milljónum króna
var úthlutað til 75 góðgerðarfélaga
og annarra málefna hér á landi. Í
gær var einnig dreift blaðinu
Leggðu góðu málefni lið sem
Landsbankinn gefur út.
Björgólfur Guðmundsson, for-
maður bankaráðs Landsbankans
og stjórnar Menningarsjóðs,
úthlutaði styrkjum að upphæð
einni milljón króna hverjum á
fundi í Iðnó árdegis í gær.
Jafnframt gefur Landsbankinn
fólki kost á að verða styrktaraðilar.
Félögin eru öll í styrktarþjónustu
bankans og vonast forsvarsmenn
hans að viðskiptavinir gerist
mánaðarlegir bakhjarlar þeirra.
Þeir velja þá góðgerðarfélag í
gegnum Einkabanka eða Fyrir-
tækjabanka Landsbankans og geta
styrkt þau um ákveðna upphæð á
mánuði.
Björgólfur segir Landsbankann í
þau 120 ár sem hann hafi starfað
lagt áherslu á að leggja sem mest
til samfélagsins og að með veglegri
afmælisúthlutun vilji bankinn
ítreka og staðfesta áhuga sinn á að
leggja góðum málefnum lið.
Sjötíu og fimm fá eina milljón hver
Þinglýstir kaupsamningar á
höfuðborgarsvæðinu í mars voru
fleiri en á sama tíma í fyrra. Séu
fyrstu ársfjórðungar áranna born-
ir saman er fjöldi þinglýstra kaup-
samninga nokkuð svipaður. Aukin
umsvif koma einnig fram í hús-
næðisverði, sem hækkaði á fyrstu
tveimur mánuðum ársins. Það var
2,6 prósentum hærra í febrúar en
í desember 2006.
Í Morgunkorni Glitnis kemur
fram að líklega verði áfram upp-
gangur á húsnæðismarkaði fram
eftir ári. Hægja taki á þegar líður
á árið, meðal annars vegna minni
kaupmáttaraukningar. Þá mun
hátt vaxtastig og mikið framboð
af nýju húsnæði að öllum líkind-
um hægja á hækkun húsnæðis-
verðs.
Mikil velta á
fasteignum
NovaCast Technologies var í gær
skráð í Kauphöllina í Stokkhólmi.
Félagið er það sjötta sem skráð er
á Nordic Exchange, aðallista OMX,
á þessu ári.
NovaCast Technologies þróar og
markaðssetur vörur og hugbúnað
fyrir ferli hjá framleiðendum bíla-
iðnaðarins og undirverktökum
þeirra, einkum málmsteypusmiðj-
um og tækjaframleiðendum. Félag-
ið var stofnað árið 1981 og er stað-
sett í Soft Center í Rönneby í
Suður-Svíþjóð.
Nordic Exchange er sameiginleg
þjónusta kauphallanna í Helsinki,
Kaupmannahöfn og Stokkhólmi,
Kauphallar Íslands og kauphall-
anna í Tallinn, Ríga og Vilníus.
Nýtt félag á
aðallista OMX
Fjárfestahóparnir CVC Capital
Partners, Blackstone Group og
TPG Capital, hættu í gær við að
leggja fram yfirtökutilboð í bresku
stórmarkaðakeðjuna Sainsbury.
Tvísýnt hefur verið um kaupin
um páskana þegar Sainsbury-
fjölskyldan, sem fer með átján
prósenta hlut í þessari þriðju
stærstu matvörukeðju Bretlands,
sagði það of lágt og myndi ekkert
tilboð undir 600 pensum á hlut
verða tekið til umfjöllunar.
Yfirtökutilboðið hljóðaði upp á
jafnvirði rúmra 1.300 milljarða
íslenskra króna. Hefði það gengið
í gegn hefði salan á Sainsbury
verið stærstu fyrirtækjakaup í
Bretlandi.
Gengi bréfa í matvörukeðjunni
hefur hríðfallið í vikunni vegna
þessa og stóð í 522 pensum á hlut í
gær.
Baráttunni
lokið í bili
Fimmtudagur 12. apríl
Kl. 14.00 Opið hús í Laugardalshöll.
Afhending fundargagna til kl. 16.30.
Kl. 16.00 Hljómsveitin Bardukha leikur létt lög í anddyri.
Kristján Guðmundsson spilar á píanó í sal.
Kl. 17.30 Setning fundarins.
Diddú og Jóhann Friðgeir syngja ásamt Léttsveit
Reykjavíkur.
Geir H. Haarde, formaður Sjálfstæðisflokksins,
flytur ræðu.
Kl. 19.00 Kvöldverður fyrir konur á landsfundi á vegum
Landssambands sjálfstæðiskvenna
í Félagsheimili Seltirninga við Suðurströnd.
Föstudagur 13. apríl
Kl. 10.00 Framsaga um stjórnmálaályktun.
Almennar umræður.
Kjör stjórnmálanefndar.
Kl. 11.00 Starfsemi Sjálfstæðisflokksins.
Skýrsla framkvæmdastjóra Sjálfstæðisflokksins,
Andra Óttarssonar, um flokksstarfið.
Umræður.
Kl. 12.00 Sameiginlegir hádegisverðir landsfundarfulltrúa
hvers kjördæmis.
Kl. 14.15 Fyrirspurnatími ráðherra Sjálfstæðisflokksins.
Geir H. Haarde, forsætisráðherra,
Þorgerður Katrín Gunnarsdóttir,
menntamálaráðherra,
Árni M. Mathiesen, fjármálaráðherra,
Björn Bjarnason, dóms- og kirkjumálaráðherra,
Einar Kristinn Guðfinnsson, sjávarútvegsráðherra,
Sturla Böðvarsson, samgönguráðherra.
Kl. 16.00 Fundir starfshópa.
Kl. 20.00 Fundur Sambands ungra sjálfstæðismanna með
ungu fólki á landsfundi í Þróttarheimilinu í Laugardal.
Kl. 21.00 Opið hús fyrir landsfundarfulltrúa í Þróttarheimilinu.
Laugardagur 14. apríl
Kl. 9.30 Fundir starfshópa.
Kl. 13.00 Skilafrestur framboða til miðstjórnar rennur út.
Kl. 13.00 Afgreiðsla ályktana.
Umræður.
Kl. 19.30 Landsfundarhóf.
Kvöldverður og dans á Broadway, Ármúla 9.
Nýir tímar - á traustum grunni
37. landsfundur Sjálfstæðisflokksins
Laugardalshöll 12.–15. apríl 2007
Sunnudagur 15. apríl
Kl. 10.00 Afgreiðsla ályktana.
Umræður.
Kosning miðstjórnar.
fgreiðsla stjórnmálaályktunar.
Kl. 13.00 Kosning formanns.
Kosning varaformanns.
Kl. 14.00 Ræða formanns Sjálfstæðisflokksins.
Fundarslit.
» Hægt er að fylgjast með landsfundinum á
heimasíðu Sjálfstæðisflokksins.
» Boðið er upp á barnagæslu.
» Athygli er vakin á því að hægt er að senda
fyrirspurnir til ráðherra á vef Sjálfstæðisflokksins
www.xd.is