Fréttablaðið - 30.07.2007, Blaðsíða 2

„Einkaþotur eru
afgreiddar á svokölluðu aðgreindu
flugvallarsvæði. Um það gilda
aðrar reglur en almennt farþega-
flug,“ segir Hrafnhildur Brynja
Stefánsdóttir, upplýsingafulltrúi
hjá Flugstoðum.
Þar sem einkaþotur eru afgreidd-
ar á aðgreindu flugvallarsvæði
eiga farþegarnir að fara í gegnum
sérstaka öryggisleit í því landi
sem vélin lendir samkvæmt upp-
lýsingum frá Flugstoðum. Þegar
einkaþota kemur til landsins er
hún tollskoðuð af Tollgæslunni og
eftirlitsdeild lögreglunnar sér um
vegabréfaskoðun. Enginn sér um
þessa sérstöku öryggisleit.
Þegar einkaþota yfirgefur land-
ið veita fulltrúar Tollgæslunnar
brottfararleyfi og fulltrúar lög-
reglu sjá um vegabréfaeftirlit.
„Við fylgjumst með því hvað menn
eru að taka með sér. Oft er þetta
bara skjalataska en ef það er frakt
þá skoðum við hana að sjálfsögðu,“
segir Guðni Markús Sigmundsson,
yfirtollvörður hjá Tollgæslunni.
Eftirlitsdeild innan lögreglunn-
ar sér um vegabréfaeftirlit. „Eftir
að Schengen-samkomulagið kom
til er eftirlitinu öðruvísi háttað. Í
dag þarf fólk bara löggild persónu-
skilríki til að ferðast innan svæðis-
ins,“ segir Þórður Eric Hilmars-
son, rannsóknarlögreglumaður í
eftirlitsdeild lögreglunnar sem sér
um landamæravörslu.
Komum einkaflugvéla til Íslands
hefur fjölgað mikið eins og fjallað
hefur verið um í fjölmiðlum. Guðni
segir að vissulega þýði þetta aukið
álag á Tollgæsluna. „Við höfum
ekki bætt við mönnum sérstaklega
út af einkafluginu. Það tekur til-
tölulega skamman tíma að afgreiða
hverja vél þar sem um fáa farþega
er að ræða,“ segir hann. Á fyrstu
sex mánuðum síðasta árs voru
1.135 vélar í millilandaflugi tollaf-
greiddar á Reykjavíkurflugvelli.
Á þessu ári voru þær 1.506 fyrstu
sex mánuðina sem jafngildir ríf-
lega þrjátíu prósenta aukningu. Að
sögn Guðna hefur ferjuflugvélum,
sem stoppa til að taka eldsneyti,
fækkað á milli ára. Því er fjölgun í
öðru flugi, til dæmis hjá einkaþot-
um, meiri en tölurnar gefa til
kynna.
Ekkert vopnaeftirlit á sér stað í flugi einkaþotna til og frá Reykjavík því aðrar
reglur gilda um það en um almennt farþegaflug. Við komuna til Reykjavíkur
fer fram tollafgreiðsla og vegabréfaeftirlit. 30 prósenta aukning í tollafgreiðslu.
Ekkert öryggiseftir-
lit með einkaþotum
Vélhjólamaður lést þegar
hann lenti í árekstri við jeppa á
Biskupstungnabraut til móts við
verslunina Minni-Borg í Gríms-
nesi á laugardagskvöld. Þetta er
fimmta banaslysið í umferðinni á
þessu ári.
Samkvæmt upplýsingum frá
lögreglunni á Selfossi ók maður-
inn aftan á hægra horn jeppa sem
var að beygja í átt að versluninni,
féll við það af hjólinu og slasaðist.
Hann var fluttur á slysadeild
Landspítalans í Fossvogi þar sem
hann var úrskurðaður látinn. Ekki
er hægt að greina frá nafni hans
að svo stöddu.
Vélhjólamaður
lést í Grímsnesi
Ölvaður maður fór í
sjóinn skammt frá Keflavíkur-
höfn um klukkan ellefu á
laugardagskvöld. Tveir lögreglu-
menn og slökkviliðsmaður frá
Brunavörnum Suðurnesja fóru á
eftir honum syndandi og náðu
honum um þrjú hundruð metra
frá landi.
Maðurinn var fluttur með
sjúkrabíl á Heilbrigðisstofnun
Suðurnesja þar sem hann var
skoðaður af lækni. Samkvæmt
upplýsingum frá lögreglu hefði
hann ekki þolað margar mínútur í
viðbót í sjónum vegna kulda. Ekki
liggur fyrir hvers vegna maður-
inn fór á sund.
Ölvaður maður
synti í sjónum
Fangelsisyfirvöld í
Mexíkóborg hafa nú ákveðið að
leyfa samkynhneigðum föngum
að fá makaheimsóknir. Er þetta
gert til að verða við ráðlegging-
um mannréttindanefndar
Mexíkó.
Ákvörðunin kom í kjölfar
kvörtunar manns sem vildi fá
heimsókn fá félaga sínum í
Santa Martha Acatitla-fangelsið
í austurhluta borgarinnar.
Í flestum fangelsum í Mexíkó
er mökum leyft að heimsækja
fanga og er ekki gerð krafa um
giftingu.
Fá makaheim-
sókn í Mexíkó
Ölóður karlmaður á
fimmtugsaldri hélt konu sinni í
gíslingu með hótunum um ofbeldi
og ógnaði gestum í skála í Básum
í Þórsmörk í fyrrakvöld. Lög-
regla handtók hann þegar hann
reyndi að komast undan akandi,
og veitti maðurinn lögreglu mót-
spyrnu við handtöku.
Að sögn varðstjóra lögreglunn-
ar á Hvolsvelli fékk hún tilkynn-
ingu frá skálaverði á staðnum um
að maður sem væri viti sínu fjær
af ölvun léti öllum illum látum á
svæðinu, hefði beitt konu sína
ofbeldi, héldi henni í gíslingu,
ógnaði öðrum gestum líkams-
meiðingum og væri nú á leið upp
bíl og hygðist aka ölvaður á brott
í gegnum fjölmennt tjaldstæði.
Lögregla segir athæfi manns-
ins tvímælalaust hafa verið til
þess fallið að vekja ótta meðal
gesta. „Ég held að það sé ekki
nokkur einasti vafi,“ segir varð-
stjóri.
Tveir lögreglubílar voru sendir
í forgangsakstri á staðinn og við
komuna mætti maðurinn þeim
undir stýri á bíl þeirra hjóna.
Hann var stöðvaður en hlýddi
ekki fyrirmælum lögreglu og var
hegðun hans með ólíkindum, að
sögn varðstjóra. Maðurinn var
ökuleyfislaus þar sem hann hafði
verið sviptur réttindum.
Hann var látinn sofa úr sér
áfengisvímuna í fangaklefa á Sel-
fossi og var yfirheyrður í gær-
morgun. Honum var sleppt að því
loknu.
Fréttablaðið hefur gert samning
við efnisveituna Project Syndi-
cate um birtingu á greinum eftir
nokkra af þekktustu pennum
heims á sínu sviði.
Meðal þeirra sem munu skrifa
reglulega í Fréttablaðið eru
Joseph E. Stiglitz, Nóbelsverð-
launahafi og einn áhrifamesti
hagfræðingur samtímans, og
kollegi hans Jeffrey D. Sachs,
stjórnandi Earth Institute í
hinum virta Columbia-háskóla í
New York og einn háværasti
gagnrýnandi aðgerða Alþjóða-
gjaldeyrissjóðsins í málefnum
þróunarlandanna.
Það er Jeffrey D. Sachs sem
ríður á vaðið í Fréttablaðinu í
dag á blaðsíðu 18.
Álitsgjafar í
heimsklassa
Stærsta sundhöll landsins er að rísa á
Ásvöllum í Hafnarfirði og er áætlað að taka
hana í notkun næsta sumar. Einnig er verið að
útbúa aðstöðu til sjóbaða við gömlu sundhöll-
ina í vesturbæ Hafnarfjarðar.
Ingvar Jónsson, íþróttafulltrúi í Hafnar-
firði, segir að í sundhöllinni nýju verði 50
metra laug, kennslulaug, fjórir heitir pottar
og vatnsrennibraut. „Svo er líka gert ráð fyrir
25 metra útilaug við sundhöllina en ekki er
ákveðið hvenær ráðist verða í þær fram-
kvæmdir. Þetta verður sundlaugagarður og
þar er líka gert ráð fyrir vatnsrennibraut.“
Framkvæmdir ganga vel og er áætlað að opna
sundhöllina um næstu páska.
Möguleikar Hafnfirðinga verða þó ekki tak-
markaðir við sundlaugar í landi í framtíðinni
því aðstaða til sjóbaða er einnig í smíðum á
vegum bæjarins. „Við erum að smíða bryggu
úti af gömlu sundhöllinni og meiningin er að
þeir sem hafa áhuga á að stunda sjósund geti
nýtt sér aðstöðuna þar. Menn komast þá í góða
sturtu eða heitan pott eftir sjóbaðið.“
Ingvar segir að með nýjum mannvirkjum sé
í raun um byltingu fyrir Hafnfirðinga að
ræða. „Keppnissundlaug hefur ekki verið til
staðar hingað til. Það verður svo hægt að upp-
fylla þörf grunnskólanna fyrir sundkennslu
auk þess sem sund er vaxandi sem dægradvöl
hjá almenningi.“
Heilsuræktaraðstaða verður byggð upp
samhliða í 600 fermetra sal en sundhöllin er
um 6.000 fermetrar að gólffleti.
Hafnfirðingar stinga sér í sjóinn
Guðmundur, hafnaði tæknin
íslensku talsetningunni?