Fréttablaðið - 25.04.2008, Blaðsíða 6
6 25. apríl 2008 FÖSTUDAGUR
RV
U
N
IQ
U
E
0
3
0
8
0
4
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Glerfínar gluggafilmur
- aukin vellíðan á vinnustað
3M gluggafilmur fyrir skóla, sjúkrahús, skrifstofur,
verslanir og aðra vinnustaðiFagmenn frá RV sjá um uppsetningu
DÓMSMÁL Tómas Kristjánsson, fyrrverandi starfs-
maður hraðsendingarfyrirtækisins UPS, er grunað-
ur um að hafa gegnt lykilhlutverki í smygli á ríflega
fimm kílóum af amfetamíni og kókaíni sem reynt
var að koma inn í landið 15. nóvember síðastliðinn.
Þetta kemur fram í gæsluvarðhaldsúrskurði
Héraðsdóms Reykjaness, sem maðurinn áfrýjaði til
Hæstaréttar. Hæstiréttur staðfesti úrskurð héraðs-
dóms þess efnis að Tómas skuli sitja í gæsluvarð-
haldi til 30. maí.
Í úrskurðargögnum kemur fram að Tómas hafi
verið ótrúverðugur og reikull í framburði. Tölvu-
gögn hans hafi verið rannsökuð og þyki meint aðild
hans það mikil að hann sé talinn tengjast skipulagn-
ingu, milligöngu og móttöku fíkniefnanna. Staða
hans þyki sambærileg stöðu sakborninga í öðrum
svipuðum málum þar sem þeim sé gert að sitja í
gæsluvarðhaldi fram að dómi. Þá kemur fram að
brot af þeirri stærðargráðu sem um ræðir í þessu
máli geti varðað allt að tólf ára fangelsi. Gæsluvarð-
hald sé nauðsynlegt með tilliti til almannahagsmuna.
- jss
HÆSTIRÉTTUR ÍSLANDS Úrskurður Héraðsdóms Reykjaness
um gæsluvarðhald yfir fyrrverandi starfsmanni UPS hefur verið
staðfestur.
Hæstiréttur staðfestir gæsluvarðhald vegna smygls á miklu magni fíkniefna:
Hraðsendingarmaður grunaður
SKOÐANAKÖNNUN Íslendingar eru
mun svartsýnni á þróun efnahags
fjölskyldunnar næsta árið en í lok
janúar. 39,4 prósent svarenda í
nýrri skoðanakönnun Fréttablaðs-
ins telja að staðan verði verri eftir
tólf mánuði en nú. Í janúar var
hlutfallið 23,3 prósent sem voru
svartsýn á þróun efnahags fjöl-
skyldunnar, en 19,2 prósent þegar
sama spurning var borin upp í
ágúst 2006.
Konur eru aðeins svartsýnni en
karlmenn nú; 41,5 prósent telja að
efnahagur fjölskyldunnar muni
versna á árinu, en 37,3 prósent
karla. Svartsýnin hefur hins vegar
aukist meira meðal karla en
kvenna frá því í janúar; um 17,5
prósentustig meðal karla og 14,7
prósentustig meðal kvenna.
Tæplega helmingur, eða 49,6
prósent, telur nú að efnahagur
fjölskyldunnar muni standa í stað
næstu tólf mánuðina. Ekki er
munur á afstöðu kynjanna, né
eftir búsetu. Þeim hefur fækkað
um tæp átta prósentustig sem
telja að staða fjölskyldunnar að
þessu leyti muni ekkert breytast á
árinu frá því 30. janúar og um
rúm níu prósentustig frá því í
ágúst 2006.
Ellefu prósent eru bjartsýn og
telja að efnahagur fjölskyldunnar
muni batna á árinu. Það voru
nokkuð fleiri í janúar sem deildu
bjartsýninni, eða 19,3 prósent. Í
apríl 2006 var það 21 prósent sem
taldi að efnahagur fjölskyldunnar
myndi batna á næstu tólf mánuð-
um.
Ef svörin eru greind eftir
afstöðu til flokka er framsóknar-
fólk bjartsýnast. 20,7 prósent
þeirra sem segjast styðja Fram-
sóknarflokkinn telja að efnahag-
urinn muni batna, 16,3 prósent
sjálfstæðismanna og rétt um eða
undir tíu prósentum stuðnings-
fólks annarra flokka.
Vinstri græn eru svartsýnust
og telja 53,8 prósent þeirra sem
styðja flokkinn að efnahagurinn
muni versna á árinu. Um fjörutíu
prósent kjósenda Frjálslynda
flokksins, Samfylkingar og þeirra
sem ekki gefa upp stuðning telja
að efnahagurinn fari versnandi.
Rúmlega 28 prósent sjálfstæðis-
fólks og sautján prósent kjósenda
Framsóknarflokksins eru sama
sinnis.
Svartsýnin hefur aukist mest
meðal kjósenda Sjálfstæðisflokks-
ins. Þrefalt fleiri sjálfstæðismenn
telja nú að efnahagurinn muni
versna á næsta ári en í janúar. Þá
hefur bjartsýnin einungis aukist
meðal stuðningsfólks Framsóknar-
flokksins, en tvöfalt fleiri fram-
sóknarmenn telja að efnahagur-
inn muni batna á næstu tólf
mánuðum en fyrir ári.
Hringt var í 800 manns laugar-
daginn 19. apríl og skiptust svar-
endur jafnt eftir kyni og hlutfalls-
lega eftir búsetu. Spurt var; telur
þú að efnahagur fjölskyldunnar
muni batna, versna eða standa í
stað á næstu tólf mánuðum? 94,3
prósent tóku afstöðu til spurningar-
innar. svanborg@frettabladid.is
Fjörutíu prósent telja
að efnahagur versni
Aukin svartsýni er á efnahag fjölskyldunnar, samkvæmt nýrri skoðanakönnun
Fréttablaðsins. Rúmlega helmingi fleiri telja nú, en í janúar, að efnahagurinn
muni versna á árinu. Þeim fækkar verulega sem telja að hann batni.
TELUR ÞÚ AÐ EFNAHAGUR FJÖLSKYLDU ÞINNAR MUNI
BATNA, VERSNA EÐA STANDA Í STAÐ NÆSTU MÁNUÐI?
60%
50%
40%
30%
20%
10%
0%
26. ÁGÚST 2006 30. JANÚAR 2008 19. APRÍL 2008
SKV. SKOÐANAKÖNNUN FRÉTTABLAÐSINS
■ Batna ■ Versna ■ Standa í stað
39,4%
49,6%
11,0%
23,3%
57,5%
19,3%21,0%
58,8%
25,5%
Þekkir þú kröfur bílstjóra?
Já 79,5%
Nei 20,5%
SPURNING DAGSINS Í DAG
Verður Eyþór, sigurvegari
Bandsins hans Bubba, stór-
stjarna?
Segðu skoðun þína á vísir.is
FINNLAND Matti Vanhanen,
forsætisráðherra Finnlands, er
reiðubúinn að endurskoða þátttöku
sína í vígsluhátíð Ólympíuleikanna
í Peking í haust ef eitthvað
alvarlegt gerist í Kína eða
stjórnmálaástandið breytist, að
því er fram kemur á á hbl.fi. „Ef
eitthvað gerist verður málið tekið
til endurskoðunar,“ sagði Vanhan-
en á finnska þinginu í gær.
Vanhanen hefur lýst þeirri
skoðun sinni að ekki eigi að blanda
saman íþróttum og stjórnmálum
og að Finnland reyni að hafa áhrif
á Kína með pólitískum hætti.
Hann segir að málefni Tíbet hafi
verið rætt á fundum utanríkisráð-
herra í vetur en ekki komi til
greina að hunsa Kínverja. - ghs
Forsætisráðherra Finna:
Kínaför í skoðun
KJÖRKASSINN
REYKJAVÍK Velferðarráð Reykja-
víkur borgar hefur ákveðið að
breyta almennum niðurgreiðslum
vegna félagslegs leiguhúsnæðis í
persónubundinn stuðning við leigj-
endur í formi sérstakra húsaleigu-
bóta. Breytingin öðlast gildi frá 1.
apríl en kemur til framkvæmda um
mánaðamótin maí-júní.
Í tilkynningu frá Velferðarráði
segir að með þessum breytingum
verði komið enn betur til móts við
þá leigjendur sem standa verr að
vígi fjárhagslega þar sem greiðslu-
byrði leigjenda muni taka mið af
persónubundnum aðstæðum hverju
sinni og leiða til betri nýtingar á
leiguhúsnæði Félags bústaða.
Jórunn Frímannsdóttir, for maður
Velferðarráðs, segir að breytingin
komi betur út fyrir suma en aðra.
Hún telur að margir fái mun hærri
stuðning en áður. Leigjendur
Félagsbústaða greiði raunleigu og
fái sérstakar húsaleigubætur eftir
því hvernig hagur þeirra er hverju
sinni og er því breytilegur eftir því
sem aðstæður breytast. Í heildina
komi þetta eins út fyrir Reykjavík-
urborg því að útgjöld borgarinnar
verði sambærileg.
Sérstakar húsaleigubætur eru
reiknaðar sem ákveðið hlutfall af
almennum húsaleigubótum, þó geta
húsaleigubætur og sérstakar húsa-
leigubætur aldrei numið hærri
fjárhæð en samtals 70 þúsund krón-
um og aldrei farið yfir 75 prósent
af leigufjárhæð. - ghs
MARGIR FÁ HÆRRI STUÐNING Jórunn
Frímannsdóttir, formaður Velferðarráðs,
segir misjafnt hvernig breytingin komi
út fyrir fólk en telur að margir fái hærri
greiðslu eftir breytinguna.
Velferðarráð borgarinnar breytir niðurgreiðslum vegna leiguhúsnæðis:
Persónulegar húsaleigubætur