Fréttablaðið - 22.08.2008, Blaðsíða 56

36 22. ágúst 2008 FÖSTUDAGUR
timamot@frettabladid.is
Landbúnaðarsýningin á Hellu hefst
í dag, en hún er haldin í tilefni af
hund rað ára afmæli Búnaðarsam-
bands Suðurlands.
Sýningin, sem verður ein sú stærsta
sinnar tegundar hér á landi, stend-
ur fram á sunnudag. Hlutverk henn-
ar er að sýna fram á þróun og tækni
í landbúnaði, ásamt því að kynna hlut-
verk og stöðu íslensks landbúnaðar í
þjóðfélaginu. Jóhannes Hr. Símonar-
son, framkvæmdastjóri sýningarinn-
ar segir sýninguna fyrst og fremst
vera fjölskyldusýningu. „Fjölskyldan
öll getur komið og kynnt sér íslenskan
landbúnað frá a-ö. Við verðum með til
sýnis allar tegundir búfjár sem til eru
í landinu. Dagsskráin okkar er fjöl-
breytt. Við verðum meðal annars með
töltmót, skeiðkeppni, hrútaþukl, lita-
sýningu sauðfjár og kúa- og kálfasýn-
ingu. Á henni munu bændur leiða fram
kýr sínar og keppa um hver þeirra sé
best. Börnin teyma fram kálfana til að
sýna hversu vel þau hafa staðið sig í að
temja þá,“ segir Jóhannes.
Sölu- og kynningarbásar verða einn-
ig á sýningunni. „Hér verða bæði
fyrir tæki sem þjónusta bændur og
fyrir tæki sem vilja ná til þeirra. Hér
verður líka heljarinnar vélasýning á
eins hektara svæði,“ segir Jóhannes.
Skipulagðir leikir verða fyrir börnin
og möguleiki á að veiða í tjörninni.
Rúmlega tuttugu ár eru síðan sam-
bærileg sýning var haldin hér á
landi, en það var í Víðidal árið 1987.
„Í tilefni sjötíu ára afmælis Búnaðar-
sambandsins, árið 1978, var líka haldin
vegleg landbúnaðarsýning á Selfossi,
og svo hafa minni sýningar verið
haldnar inn á milli,“ segir Jóhannes.
Að sögn hans hófst undirbúningur-
inn að sýningunni um áramótin. „Ég
fékk leyfi frá störfum og byrjaði sem
framkvæmdastjóri sýningarinnar í
janúar. Vinnan hefur farið sívaxandi
og varð að fullu starf í júlí,“ segir Jó-
hannes, en hann vinnur sem ráðunaut-
ur hjá Búnaðarsambandi Suðurlands.
Landbúnaðarsýningin á Hellu verð-
ur haldin í Reiðhöllinni þar sem Lands-
mót hestamanna var haldið í sumar og
opnar í dag klukkan tvö. Þeim sem
vilja kynna sér dagskrána betur er
bent á heimasíðuna www.landbunadar-
syning.is klara@frettabladid.is
LANDBÚNAÐARSÝNING: BÚNAÐARSAMBAND SUÐURLANDS HUNDRAÐ ÁRA
Allar tegundir búfénaðar
JÓHANNES HR. SÍMONARSON, FRAMKVÆMDASTJÓRI SÝNINGARINNAR, lofar glæsilegri sýningu þar sem fjölskyldan verður í fyrirrúmi.
MYND/GUÐMUNDUR KARL
MERKISATBURÐIR
1864 Tólf þjóðir skrifa undir
fyrsta Genfarsáttmál-
ann og Rauði krossinn er
stofnaður.
1902 Theodore Roosevelt ekur
fyrstur Bandaríkjaforseta í
bifreið.
1943 Um átta hundruð marsvín
rekur á land við Búlands-
höfða á Snæfellsnesi og í
nágrenni hans.
1950 Althea Gibson tekur þátt í
alþjóðlegri tenniskeppni,
fyrst þeldökkra kvenna.
1992 Vestnorrænu kvennaþingi
á Egilsstöðum lýkur með
því að hlaðin er varða úr
grjóti frá Grænlandi, Fær-
eyjum og Íslandi.
1993 Kristján Helgason, 19 ára,
verður heimsmeistari í
snóker í flokki 21 árs og
yngri á móti í Reykjavík.
ÞÝSKA KVIKMYNDAGERÐARKONAN
LENI RIEFENSTAHL FÆDDIST ÞENNAN
DAG ÁRIÐ 1902
„Ég er hugfangin af því sem er
fallegt, sterkt, heilbrigt og lif-
andi. Ég leitast eftir jafnvægi.“
Leni var fræg fyrir nýjungagirni í
sinni kvikmyndagerð, en hún vann
einnig sem dansari og leikkona.
Frægasta mynd hennar er áróðurs-
myndin Triumph of the Will sem hún
gerði árið 1934, en hún var góð vin-
kona Adolfs Hitler. Leni lést 101 árs
gömul árið 2003 í Þýskalandi.
SJÓMINJASAFNIÐ Dagskrá hefst klukkan 12 á morgun.
Á þessum degi árið 1858 var þró-
unarkenning Darwins fyrst gefin út
í tímaritinu The Journal of the Proc-
eedings of the Linnean Society of
London, ásamt svipuðum kenn-
ingum Alfred Russel Wallace um
sama efni.
Kenningar þeirra félaga vöktu
litla athygli þegar tímaritið kom út
og í uppgjöri yfir árið 1858 sagði
forseti Linnean félagsins að ekki
hefðu verið gerðar neinar mark-
verðar uppgötvanir né rannsókn-
ir á árinu.
Darwin vann hart að því að klára bók sína, On
the Origin of Species by Means of Natural Sel-
ection, or The Preservation of Favoured Races in
the Struggle for Life, sem kenningar þær er birt-
ust í tímaritinu voru byggðar á. Bókin kom út í
nóvember 1859. Bókin varð, öllum
að óvörum, metsölubók og fyrsta
upplagið seldist upp. Í bókinni setur
Darwin fram rök um nýstárslega
þróunarkenningu mannsins ásamt
nákvæmum athugunum og ályktun-
um. Charles Robert Darwon fæddist
tólfta febrúar 1809 í Englandi. Hann
var náttúrufræðingur, jarðfræðingur
og mikill safnari. Hann fékk áhuga á
náttúrufræði þegar hann var í lækn-
isfræði við háskólann í Edinborg og
síðar við guðfræðideildina við Cam-
brigde háskóla. Fyrir utan bók sína
On the Origin of Species gaf hann út bækurn-
ar The Descent of Man, and Selection in Relation
to Sex og The Expression of the Emotions in Man
and Animals. Einnig gaf hann út nokkrar bækur
um rannsóknir sínar á plöntum.
ÞETTA GERÐIST: 22. ÁGÚST 1858
Þróunarkenning Darwins gefin út
AFMÆLI
Söngkonan
Tori Amos
er 45 ára í dag.
Þórarinn Eld-
járn rithöfund-
ur er 59 ára í
dag.
Nafn: Guðrún Linda Péturs-
dóttir.
Starf / skóli: Nemi í Verzló.
Hverfi: Helgarhverfi á Völlunum
í Hafnarfirði og hef verið að
taka mikið af afleysingum.
Hvað hefur þú starfað lengi
sem blaðberi? Bara í sumar.
Lest þú Fréttablaðið? Já.
Ertu í þessu fyrir hreyfinguna
eða launin? Bæði, þetta er fínn
peningur fyrir smá göngutúr.
Ertu ein í þessu eða ertu
með aðstoðarmann/menn?
Mamma hjálpar nú stundum.
Hver voru þín viðbrögð þegar
þér var tilkynnt að þú værir
blaðberi mánaðarins? Ég fór
bara að hlæja, fannst það fynd-
ið.
Hvað er það skemmtilegasta
sem þú hefur séð/upplifað
á meðan þú berð út? Það er
svolítið fyndið þegar hundar rífa
blöðin úr lúgunni.
Hefur þú áður hlotið verð-
laun fyrir útburð á Frétta-
blaðinu? Nei, en ég hef unnið
í lottói.
Áhugamál? Körfubolti og að
vera með Gumma, kærastan-
um mínum.
BLAÐBERI MÁNAÐARINS: GUÐRÚN LINDA PÉTURSDÓTTIR
Fyndið þegar hundar rífa blöðin úr lúgunni
Í tengslum við menningar-
nótt verður dagskrá í Sjó-
minjasafninu á morgun. Hún
hefst klukkan 12 á við Félags-
miðstöðina Aflagranda 40
með söng og súpu í hádeginu.
Söguganga verður gengin frá
Örfirisey eftir Grandagarði
en forstöðukona Sjóminja-
safnsins, Sigrún Magnús-
dóttir, mun leiða gönguna.
Fjörugt bryggjuball verður
haldið niðri á Óðinsbryggju
og tekið verður á móti gest-
um í varðskipinu Óðni. Hægt
verður að bragða á skrínu-
kosti eyrarkarla eða rúg-
brauði með púðursykri og
svörtu kaffi. Dagskráin er
sniðin fyrir alla fjölskylduna.
Bryggjuball
Elskuleg eiginkona mín, móðir,
tengdamóðir og amma,
Guðný Grendal
Magnúsdóttir
Krossnesi,
lést á Landspítala Háskólasjúkrahúsi, Fossvogi,
þriðjudaginn 19. ágúst. Útförin verður auglýst síðar.
Jóhannes Magnús Þórðarson
Kolfinna Jóhannesdóttir Magnús Skúlason,
Jóhann Helgi Jóhannesson Ragnheiður Helen
Eðvarðsdóttir
Sigrún Grendal Jóhannesdóttir
Magnús Jóhannesson
Þorsteinn Jóhannesson
Bjarney Grendal Jóhannesdóttir Andrew Gosling
og barnabörn.
Elskulegi eiginmaður minn, faðir,
tengdafaðir, afi og langafi,
Ámundi Reynir Gíslason
Lækjarsmára 8, Kópavogi,
lést á hjúkrunarheimilinu Holtsbúð í Garðabæ mið-
vikudaginn 20. ágúst. Útförin verður auglýst síðar.
Inga Lovísa Guðmundsdóttir
Guðlaug Anna Ámundadóttir Snorri Böðvarsson
Gunnar Þorsteinsson
Ásdís Ámundadóttir Kjartan H. Bjarnason
Guðmundur Ámundason Elísabet Siemsen
Ámundi Ingi Ámundason Hanna G. Daníelsdóttir
Reynir Ámundason Guðrún H. Sigurðardóttir
barnabörn og barnabarnabörn.