Fréttablaðið - 22.08.2008, Blaðsíða 70

50 22. ágúst 2008 FÖSTUDAGUR
sport@frettabla-
HANDBOLTI Margir leikmenn
íslenska handboltalandsliðsins
hafa verið að spila frábærlega á
Ólympíuleikunum og þessi aukna
breidd í sókninni auk góðs
varnarleiks á mikinn þátt í að
Ísland á möguleika á verðlaunum.
Þetta kemur vel fram í tölfræði
fyrstu sex leikjanna en Kínverjar
halda saman ítarlegri tölfræði um
þróun mála í leikjunum.
Ísland á bæði markahæsta
leikmanninn (Snorri Steinn
Guðjónsson) sem og þann sem
hefur gefið flestar stoðsendingar
(Arnór Atlason). Auk þeirra eru
þeir Guðjón Valur Sigurðsson og
Ólafur Stefánsson báðir meðal
átta marksæknustu leikmanna
leikanna það er leikmenn sem
hafa komið að flestum mörkum
annaðhvort með því að skora þau
eða eiga stoðsendingu.
Alexander Petersson kemst
einnig á listann en hann er í 25.
sæti en allir þessir fimm leikmenn
eru að skora meira en þrjú mörk
að meðaltali í leik.
Snorri Steinn Guðjónsson hefur
skorað flest mörk á mótinu eða 38
í sex leikjum en hann deilir
reyndar efsta sætinu með
Þjóðverjanum Michael Kraus.
Guðjón Valur Sigurðsson er í
fjórða sæti fimm mörkum á eftir
þeim félögum. Alexander
Petersson kemst einnig inn á topp
tíu lista markahæstu manna en
hann er í 8. sætinu.
Arnór Atlason hefur gefið
flestar stoðsendingar ásamt
Frakkanum Nikola Karabatic eða
27 í 6 leikjum en Ólafur
Stefánssonn, sem hefur átti 17
stoðsendingar í síðustu tveimur
leikjum, kemur í 3. sæti aðeins
einni stoðsendingu á eftir þeim
félögum.
Karabatic er efstur á listanum
yfir marksæknustu leikmenn
leikanna með 53 sköpuð mörk en í
öðru sæti er Kraus. Besti
Spánverjinn, sem eru mótherjar
íslenska liðsins í dag, er Juan
Garcia sem er í 8. sætinu ásamt
Guðjóni Vali Sigurðssyni. - óój
Ísland á fjóra af átta marksæknustu leikmönnunum í handboltakeppni Ólympíuleikanna í Peking:
Fjórir íslenskir leikmenn í fremstu röð
GUÐJÓN VALUR SIGURÐSS. 8. SÆTI
42 SKÖPUÐ MÖRK
33 MÖRK 9 STOÐSENDINGAR
ÓLAFUR STEFÁNSSON 5. SÆTI
45 SKÖPUÐ MÖRK
19 MÖRK 26 STOÐSENDINGAR
ARNÓR ATLASON 3. SÆTI
48 SKÖPUÐ MÖRK
21 MARK 27 STOÐSENDINGAR
SNORRI STEINN GUÐJÓNSS. 5. SÆTI
45 SKÖPUÐ MÖRK
38 MÖRK 7 STOÐSENDINGAR
Varnarleikur íslenska handboltlalandsliðsins hefur
verið frábær í Peking og á stóran þátt í því að liðið
er komið alla leið í undanúrslit. Þar hafa farið
fremstir í flokki Eyfirðingurinn Sverre Jakobs-
son og Breiðhyltingurinn Ingimundur
Ingimundarson.
„Þegar maður sér stóra drauminn
rétt fyrir framan sig er maður til í að
leggja ansi mikið á sig til þess að komast
alla leið í úrslitaleikinn. Maður horfir
bara á eitt og það er sigur,” sagði Sverre
Jakobsson en hann er ánægður með sam-
vinnu sína og Ingimundar. Segir gaman að
spila með honum.
„Það er búið að ganga einsog í lygasögu
hjá okkur. Höfðum ekki spilað mikið
saman áður. Við fundum strax að við
værum á svipaðri línu. Okkur finnst
gaman að fara út og vera í smá
villimennsku. Við höfum náð geðveikinni upp fyrir
flesta leiki og ætlum að ná henni upp fyrir þennan
leik. Það er alveg klárt,” sagði Sverre ákveðinn
Sverre er í 2. sæti yfir flest varin skot eftir sex
fyrstu leikina á Ólympíuleikunum en hann
hefur alls varið þrettán skot í þessum leikj-
um. Sverre er sex skotum á eftir Spánverj-
anum Carlos Prieto sem er efstur.
Sverre hefur einnig látið finna vel
fyrir sér því það eru aðeins tveir „gróf-
ari“ leikmenn á leikunum ef marka
má listann yfir flest refsistig.
Sverre hitti Frakkann Nikola
Karabatic fyrir viku síðan og sagði
þá við hann að þeir myndu sjást
aftur í úrslitunum. „Vonandi get
ég hitt hann fyrir úrslitaleikinn
og sagt: Hvað sagði ég við þig,
kallinn minn?”.
VARNARTRÖLLIÐ SVERRE JAKOBSSON: Í ÖÐRU SÆTI YFIR FLEST VARIN SKOT Á ÓLYMPÍULEIKUNUM
Okkur finnst gaman að vera í smá villimennsku
PEKING 2008 Íslenska hand-
boltalandsliðið spilar einn sinn
stærsta leik í áraraðir í dag er það
mætir Spánverjum í undanúrslit-
um Ólympíuleikanna. Þetta er í
þriðja sinn sem Ísland kemst í
undanúrslit á stórmóti en aldrei
áður hefur Íslandi tekist að fara
alla leið í úrslit.
„Tilfinningin er mjög góð. Þessi
dagur sem við fáum á milli leikja
er lífsnauðsynlegur fyrir okkur
sem og gæði handboltans. Spenn-
an er búin að vera mikil allt mótið.
Við lögðum dæmið þannig upp að
við ætluðum að komast í átta liða
úrslit og þar byrjuðu síðan bikar-
úrslitin,“ sagði Guðjón Valur Sig-
urðsson við Fréttablaðið í gær en
hann hefur farið mikinn á mótinu
eftir að hafa setið hjá í fyrsta leik
sökum meiðsla. „Líkamlegt ástand
manna er mjög gott og andlega
erum við í toppstandi.“
Aðeins Guðjón Valur, Sigfús Sig-
urðsson og Ólafur Stefánsson hafa
upplifað þessa stöðu áður en þeir
voru í liðinu sem fór í undanúrslit
á EM 2002. Guðjón segir menn vel
gera sér grein fyrir þessu ein-
staka tækifæri sem þeir standa
frammi fyrir.
Ætla að nýta tækifærið
„Við ætlum heldur betur að nýta
þetta tækifæri. Við vitum í fyrsta
lagi ekkert um það hvort við kom-
umst aftur á Ólympíuleika. Það er
ekkert sjálfsagt. Svo erum við
ekki með á næsta stórmóti þannig
að það er alls óvíst hvort við fáum
slíkt tækifæri aftur. Við ætlum að
gera allt sem í okkar valdi stendur
til þess að ná árangri,“ sagði Guð-
jón Valur en hann segir sjálfs-
traustið í liðinu vera gríðarlega
gott.
„Við höfum líka ýtt öllum
hræðsluáróðri og draugum fortíð-
arinnar frá okkur. Það er alltaf
verið að tönnlast á því að við séum
bara 300 þúsund manns og annað.
Það er alveg fáránlegt að vera að
fela sig á bak við eitthvað slíkt.
Við erum einfaldlega þeir sem við
erum. Fulltrúar þjóðarinnar en þó
fyrst og fremst lið. Erum tilbúnir
að gera allt hver fyrir annan og
við leggjum þetta upp sem stríð.
Erum tilbúnir að deyja fyrir það
sem við trúum á núna í augnablik-
inu. Við munum gera allt sem
getum til þess að fá fallegan málm
um hálsinn og um leið snúa öllu á
haus á lítilli eyju úti á ballarhafi,”
sagði Guðjón ákveðinn.
Deyjum fyrir það sem við trúum á
Guðjón Valur Sigurðsson segir strákana okkar vera meðvitaða um það einstaka tækifæri sem þeir standa
frammi fyrir í dag. Hann segir liðið ætla að nýta það tækifæri og er allt fyrir fallegan málm um hálsinn.
KÁTUR Guðjón Valur Sigurðsson fór ekki leynt með gleði sína eftir sigurinn á Pólverjum í átta liða úrslitum. FRÉTTABLAÐIÐ/VILHELM
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 „Mönnum líður mjög
vel. Þetta hafa verið eintómir
stórleikir og þetta verða því ekki
mikil viðbrigði fyrir okkur held
ég,“ sagði línumaðurinn sterki
Róbert Gunnarsson en hann hefur
átt frábært mót líkt og félagar
hans. „Menn eru í fínu standi. Eru
duglegir að fara í nudd og halda
sér við. Annars er engin þreyta í
mönnum þegar þeir eru komnir í
undanúrslit á Ólympíuleikum.
Það liggur við að maður gæti
spilað fótbrotinn,“ sagði Róbert
léttur. - hbg
Róbert Gunnarsson:
Gæti nánast
spilað fótbrotinn
Á GÓÐRI STUNDU Línumaðurinn Róbert
Gunnarsson. FRÉTTABLAÐIÐ/VILHELM
PEKING 2008 Margir íþróttamenn í
Ólympíuþorpinu eiga það til að
leiðast við að hanga þar svo
dögum skiptir. Er því margt
brallað í húsunum til að drepa
tímann. Menn spila á spil, lesa og
horfa svo á sjónvarpið meðal
annars.
„Við erum mikið að horfa á
Fóstbræður. Þeir eru að koma
sterkir inn. Venni Páer er
eitthvað sem ég hafði ekki séð
áður en það er alveg frábært
dæmi. Hann hittir naglann með
höfðinu líkt og hann sagði í
þáttunum,“ sagði Snorri Steinn
Guðjónsson kátur. - hbg
Vinsæl afþreying strákanna:
Fóstbræður og
Venni Páer
PEKING 2008 Undanúrslitaleikur
Íslands og Spánar í dag verður
leikinn í stærri höll en riðla-
keppnin og átta liða úrslitin fóru
fram í. Þá var spilað í Olympic
Sports Center Gymnasium sem er
fín höll og tekur 6.000 manns í
sæti. Undanúrslit og úrslitaleik-
irnir munu draga að fleiri
áhorfendur og því verður nú
spilað í National Indoor Stadium
en í þeirri höll hefur fimleika-
keppnin farið fram.Sú höll er
einkar glæsileg og tekur 20.000
manns í sæti - hbg
Undanúrslitaleikurinn:
Spilaður í mun
stærri höll
FYLGST MEÐ Það var áður keppt í fim-
leikum í höllinni. NORDICPHOTOS/AFP
>Báðir undanúrslitaleikirnir hafa tapast
Íslenska handboltalandsliðið hefur tvisvar spilað
undanúrslitaleik á stórmóti, fyrst á Ólympíuleikunum í
Barcelona 1992 og svo á Evrópumótinu í Svíþjóð 2002.
Íslensku strákarnir þurftu að sætta sig við tap í bæði
skiptin. Ísland tapaði 19-23 fyrir Samveldinu fyrir sextán
árum og svo 22-33 fyrir heimamönnum á EM fyrir
sex árum. Ísland var 16-15 yfir í seinni hálfleik á móti
Samveldinu en gaf eftir í lokin. Valdimar
Grímsson var markahæstur með 6
mörk og Geir Sveinsson gerði 5 mörk.
Ísland gaf eftir í seinni hálfleik á móti
Svíum 2002 og tapaði honum 10-19.
Ólafur Stefánsson var markahæstur
með 6 mörk en Sigfús Sigurðsson
skoraði fjögur.