Tíminn - 21.08.1983, Blaðsíða 5

SUNNUDAGUR 21. ÁGÚST 1983
Ctmitm
auðkýfingi. Hann seldi vopn til Argen-
tínu, og komst þá í kynni við Juan Peron
hershöfðingja og forseta þar. Þau við-
kynni styrktu mjög stöðu hans í ítölskum
undirheimum, og urðu til þess að honum
var boðið að gerast félagi í leynilegustu
reglu ítalskra frímúrara, reglu þar sem
menn sáu ástæðu til að skýla andlit sín
svörtum hettum á fundum.
Áhrif Gellis innan P2, sem upphaflega
hafði verið stofnuð fyrir einni öld í því
skyni að berjast gegn erlendum áhrifum
á Ítalíu, jukust smátt og smátt og hann
varð leiðtogi reglunnar. í forystutíð
hans var skipulega unnið að því að fá til
liðs við regluna háttsetta stjórnmála-
menn, jafnt úr röðum hægri sem vinstri
manna. Ef menn féllust ekki á að ganga
í hópinn með góðu, voru önnur meðul
notuð, m.a. fjárkúgun og hótanir.
„bankastjóri
GUÐS“ FESTIST í
NETI GELLIS
í hópi þeirra sem Gelli tókst að festa
í netinu var Roberto Calvi, bankastjóri
Banco Ambrosiano, sem vegna fjár-
málalegra tengsla við Páfagarð gekk
undir nafninu „bankastjóri Guðs.“
Calvi tók þátt í hundruð milljóna
dollara fjársvikum til að efla hag banka
síns, sem er í einkaeign, og Gelli beitti
áhrifum sínum meðal valdamanna til að
hindra að upp kæmist um svikin.
Um nokkurt skeið blómstraði svika-
starfsemin, og Banco Ambrosiano, sem
hafði verið nær gjaldþrota, varð öflugur
og vaxandi banki á ný. Hlutabréf bank-
ans jukust að verðgildi meir en dæmi
voru til um áður. Tilraunir Seðlabanka
Ítalíu til að kanna málefni bankans urðu
að engu vegna þess að einhver áhrifa-
mikill aðili kippti í spotta.
Lögreglan komst á slóðir frímúrara-
stúkunnar P2 þegar hún var að rannsaka
önnur fjársvikamál og hermdarverk,
m.a. hryðjuverk hægri manna á járn-
brautarstöð í Bologna 1980. í Ijós kom
að Licio Gelli hafði náin tengsl við
hermdarverkamennina.
FLÓTTI ÚR LANDI
Gelli sjálfur komst úr landi áður en
hann var handtekinn, en skjöl á heimili
hans leiddu, sem fyrr segir, í ljós tilveru
P2, fjársvik Calvi bankastjóra og fleira.
Talið er fullvíst að Gelli hafi þó tekist að
hafa á brott með sér ýmis skjöl og gögn,
sem varpa kynnu ljósi á ýmis helstu
hneykslismál á Ítalíu eftir stríð.
Handtaka Gellis í Genf í fyrra, þar
sem hann ferðaðist á fölsku argentísku
vegabréfi, vakti vonir um að spillingin í
stjórnmála- og fjármálalífi ftalíu yrði nú
afhjúpuð rækilega. Menn vonuðu líka
að hann gæti varpað ljósi á hvernig
Roberto Calvi bankastjóri lést, en hann
fannst hengdur undir brú við Tempsá í
Lundúnum eftir flótta þangað í fyrra-
sumar. Upphaflega var talið að Calvi
hefði fyrirfarið sér, en nú er talið
sennilegra að hann hafi verið myrtur.
Enginn vafi leikur á því að Gelli
þekkir til mála Calvis. Reikningurinn
sem hann var að reyna að taka út úr 120
milljónir dollara er hann var handtekinn,
var stofnaður af Calvi.
Á meðan á vistinni í Champ Dollon
fangelsinu stóð var Gelli þögull sem
gröfin, væntanlega í þeirri vissu að hinir
áhrifamiklu vinir hans á Ítalíu mundu
brátt launa þagmælsku hans og koma
honum undan réttvísinni. Sú virðist líka
hafa orðið raunin.
5
HVAÐ MEÐ MG?
Nú fer að líða að síðustu ferðunum,
rigningin látlaus og ekki eftir neinu að bíða.
Síðustu ferðir báðar leiðir,
úr landi og heim aftur, hefjast héðan
þann 31. ágúst og 7. september.
Uppselt er í ferðina 24. ágúst.
Við bjóðum sæludaga á sjó
Svo sem allir landsmenn vita er mikið um dýrðir
um borð. Matur góður, verðlag lágt og valinkunnir
íslenskir skemmtikraftar jafnan í för auk hinnar
ágætu föstu danshljómsveitar skipsins.
Framfarir hafa orðið miklar frá tímum Nóaút-
ge'-ða^'inar, enda langt um liðið og bíllinn flýtur
að sjálfsögðu ókeypis með.
Má bjóða þér hringsól
Hringsólir þú með Eddunni eina ferð: Reykjavík -
Newcastle - Bremerhaven og til baka, lifir þú í
vellystingum með glæsibrag. Morgunverður og
kvöldverður er innifalinn í fargjaldi: Kr. 9.730
Ýmsar sérferðir
Flug og sigling
Þú getur flogið úr landi, eða heim og notið siglingar
um borð í ms. Eddu hina leiðina. Á milli hafnarborgar
og þess flugvallar, sem þú kýst að nota ferð þú á
þann hátt sem þér best hentar.
Við getum t.d. útvegað þér bílaleigubíl á hagstæðu
verði i Bremerhaven. Honum máttu skila í Luxemborg.
Bílinn heim síðar
Þeir sem fara utan með síðustu ferðum ms. Eddu
geta tekið bílinn sinn með, þótt þeir fljúgi sjálfir heim.
Eimskip og Hafskip bjóða þessum farþegum að flytja
bílinn heim í áætlunarferðum skipafélaganna
á sérstöku afsláttarverði
Ennfremur
Við minnum á að auk þessa auglýsa eftirtaldar
ferðaskrifstofur margs konar ferðir tengdar
áætlunarferðum Eddu:____________________________
Ferðaskrifstofa FÍB Flugferðir - Sólarferðir
Ferðaskrifstofa Stúdenta Samvinnuferðir, Landsýn.
Ferðaskrifstofan Atlantic
Ýmsar sérferðir bjóðast þér einnig, t.d.:
Verslunarferð til Newcastle á kr. 8.800 Gisting í
tvær nætur á þriggja stjörnu Swallow hóteli
er innifalin í fargjaldi.
Litasjónvarp og bað fylgir hverju herbergi.
Golfhelgi í Gosforth Park á kr. 9.780 fyrir ferðir,
vallargjald og gistingu, þ.á.m. tvær nætur á
Gosforth Park Hotel ásamt morgunverði þar og
kvöldverði. Gosforth Park er 5 stjörnu hótel.
r
/Ifbragðsgóð greiðslukjör
Gengi 15.8 '83
FARSKIP
AÐALSTRÆTI 7 REYKJAVlK SIMI 2 5166
HAflN MOI KARUm VISSIHVAÐ HATÍPi SOHG
Gylmir