Tíminn - 30.04.1987, Blaðsíða 20

„Svo uppsker
hver sem sáir“
Gullbók
og
Metbók
rísa báðar undir nafni
BÚNADARBANKINN
TRAUSTUR BANKI
1917 /yj 1987
Á 13 A
Timinn

Innbrot í gullsmíðaverslun:
Fínkembdu verslunina
Eigandinn kom að aðaldyrunum í hálfa gátt um morguninn
í innbroti í fyrrinótt var öllu
steini léttara stoliö úr gullsmíða-
verslun Þorgríms Jónssonar gull-
smiðs á Laugavegi 20b. Ekki
tókst í gær að afla upplýsinga um
verðmæti þýfisins en talið er að
það hlaupi á hundruðum þús-
unda. Sá háttur er hafður á í
verslun Þorgríms að verðmætustu
hlutirnir eru settir í eldtraustan
skáp. Ekki var átt við hann í
innbrotinu.
Brotist var inn um aðaldyr
verslunarinnar og hurðarkarmur
svo að segja rifinn úr. Verknaður-
inn uppgötvaðist ekki fyrr en
Þorgrímur kom til vinnu sinnar
um klukkan 9:30 í gærmorgun. Þá
stóð hurðin opin í hálfa gátt.
Ekkert þjófavarnarkerfi er í versl-
uninni, en þetta er í annað skipti
sem brotist er inn í hana. Þor-
grímur sagði í samtali við Tímann
í gær að hann hefði orðið var við
innbrotstilraun um helgina, þá
hefði verið fiktað við hurðina en
án árangurs. Þorgrímur benti á að
löggæsla við Laugaveginn hlyti að
vera erfiðari þegar hann væri
lokaður vegna mikilla breytinga.
RLR hefur málið til rannsókn-
ar. Þar hafa verið gerðar „vana-
legar“ ráðstafanir eins og lög-
regluþjónn orðaði það, en taldi
ekki ástæðu til þess að fara nánar
út í þá sálma. - ES

Wy -y;.. ' ■' ****&&$

1 Það var tómlegt í búðinni þegar eigandinn
I mætti til vinnu sinnar. Hluti af hurðarkarm-
I inum liggur á gólfinu.
1 Hurðin var í hálfa gátt þegar Þorgrímur
| mætti til vinnu sinnar. límamymlir Pjelur
Kjarasamningar:
Bankamenn og
starfsmenn
RARIK sömdu
- viöræður standa yfir milli fulltrúa borgarinnar og
STFR um málefni fóstra
Bankamenn undirrituðu í gær nýj-
an kjarasamning hjá sáttasemjara.
Síðasta sáttafundi lauk á áttunda
tímanum í gærmorgun en undirritun
var frestað þar til síðdegis í gær, cftir
að samninganefnd Sambands banka-
manna hafði kynnt samninginn fyrir
formannafundi en hann situr stjórn,
varastjórn og formenn allra aðildar-
félaganna 18 ásamt samninganefnd.
Þar var samþykkt að skrifa undir
samninginn með fyrirvara um að
hann verði samþykktur í allsherjar-
atkvæðagreiðslu félagsmanna um
hann.
Samningurinn gildir til tveggja ára
og er á svipuðum nótum og aðrir
samningar sem gerðir hafa verið að
undanförnu, lágmarkslaun eru kr.
27.000,- en að meðaltali gefur samn-
ingurinn um 23 til 24% hækkun bæði
samningsárin. Rauð strik eru í samn-
ingnum fyrir árið 1987 en á árinu
1988 var samið um að ef meðalkaup-
KRUMMI
„Það eru
greinilega at
kæðamiklir
þjófar á ferð-
inni! “
máttur fer undir 6,5% miðað við
janúar til október 1987, er hægt að
endurskoða samninginn, en sama
uppsagnarákvæði gildir og háskóla-
menntaðir starfsmenn ríkisins hafa
fengið inn í sína samninga.
A laugardag verður samningurinn
kynntur félagsmönnum í Reykjavík
og síðan félagsmönnum víðs vegar á
landinu en alls tekur samningurinn
til um 3500 manna. Búist er við að
atkvæðagreiðsla fari fram fljótlega,
trúlega um miðja næstu viku.
Rafvirkjar og línumenn hjá Raf-
magnsveitum ríkisins undirrituðu
einnig nýjan kjarasamning seinni-
partinn á þriðjudag og gildir hann
fyrir 140 starfsmenn RARIK um
mest allt land. Samningurinn gildir
frá 1. febrúar sl. og til næstu ára-
móta. Lágmarkslaun eru þau sömu
og ASÍ og VSÍ sömdu um. Samning-
urinn verður sendur félagsmönnum
til umsagnar og eftir um hálfan
mánuð er búist við að ljóst verði
hvort samningurinn verður sam-
þykktur.
í nær allan gærdag stóðu yfir
fundir með fulltrúum borgarinnar,
fulltrúum Starfsmannafélags
Reykjavíkurborgar og fram-
kvæmdastjóra Dagvistunar Reykja-
víkurborgar um málefni fóstra. Búist
var við að viðræðum yrði fram
haldið í dag en uppsagnir fóstra taka
gildi 1. maí.
ABS
Stefnufesta skilyrði
stjórnarþátttöKu
- þingflokkur Framsóknar heimilar Steingrími Hermannssyni að
taka við umboði til stjórnarmyndunar
Sameiginlegur fundur þing-
flokks og framkvæmdastjórnar
Framsóknarflokksins var haldinn í
gær. Fundurinn,sem varvelsóttur,
var mjög árangursríkur.
Skipst var á skoðunum um niður-
stöðu kosninganna og lýstu rnenn
ánægju sinni með niðurstöðurnar
almennt. Útkoma flokksins sýndi
að fólk treysti honum einum til að
leiða íslensku þjóðina áfram á
þeirri braut sem mörkuð hefði
verið í starfstíð ríkisstjórnar
Steingríms Hermannssonar.
Voru fundarmenn sammála um
að bíða átekta þar til forseti
íslands, frú Vigdís Finnbogadóttir,
fæli einhverjum umboð til stjórn-
armyndunar. Framsóknarflokkur-
inn muni ekki taka þátt í neinum
uppákomum í þeim dúr sem Jón
Baldvin Hannibalsson formaður
Alþýðuflokksins hefur ástundað
undanfarna daga.
Fram kom að Framsóknarflokk-
urinn útilokar enga möguleika í
stjórnarmyndun. Hins vegar var
mjög tekið undir þá skoðun Stein-
gríms Hermannssonar forsætisráð-
herra að þriggja flokka stjórn væri
það mynstur sem æskilegast væri í
stöðunni og þá með Sjálfstæðis-
flokki og einhverjum þriðja aðila.
Heimildir Tímans herma að þar
hafi helst borið á góma Kvennalista
og Alþýðuflokk, án þess þó að
aðrir möguleikar væru þar út úr
myndinni.
Aldrei mætti þó hvika frá þeirri
meginstefnu, sem Framsóknar-
flokkurinn hefur haft forystu um
að framkvæma á síðasta kjörtíma-
bili. Ef það næst ekki fram þá lýstu
fundarmenn að stjórnarandstaða
væri eini valkosturinn.
Þingflokkurinn heimilaði síðan
formanni flokksins, Steingrími
Hermannssyni, að taka við umboði
til stjórnarmyndunar ef forseti ósk-
aði þess.
ÞÆÓ
Frá þingflokksfundi Framsóknar í gær.
Tímamynd: Pjelur.