Tíminn - 28.01.1988, Blaðsíða 12
Fimmtudagur 28. janúar 1988
12 Tíminn
FRÉTTAYFIRLIT
WASHINGTON - Hag
vöxtur í Bandaríkjunum varð
4,2% átímabilinu milli október
og desember sem þýddi að
hagvöxtur á árinu öllu var
2,9%. Þjóðarframleiðslan jókst
um 4,3% á tímabilinu milli júlí
og september en sérfraeðingar
höfðu búist við mun lægri tölu.,
Þessar niðurstöður sýndu að
ótti um að hagvöxtur myndi
snarlega minnka í kjölfar
hrunsins á verðbréfamörk-
uðunum í október var ekki á
rökum reistur.
TEL AVIV - Leiðtogar ísra- i
elsríkis frestuðu að vísa fimm i
Palestínumönnum í viðbót á|
brott frá herteknu svæðunum. j
Þetta gerðu þeir til að koma í j
vea fyrir frekari óeirðir og til að'
eyðileggja ekki enn frekar
ímynd Tsraelsríkis á alþjóða-
vettvangi. Fimmmenningarnir
eru sakaðir um að hafa kynt
undir mótmæli gegn ísraelsk-
um yfirráðum á herteknu
svæðunum, Gazasvæðinu og
Vesturbakkanum.
GAZA - ísraelskir hermenn ji
réðust að starfsmönnum
bandarísku sjónvarpsstöðvar-
innar CBS eftir að þeir höfðu
tekið myndir af hermönnunum
vera að berja á palestínsku
ungmenni.
BEIRÚT - Óþekktir byssu-j I
menn rændu vestur-þýskum
manni í Vestur-Beirút en þar
ræður Sýrlandsher lögum og
lofum.
DÚSSELDORF, Vest-
ur-Þýskalandi - Líbani
sem sakaður er um að hafa átt
aðild að flugráni neitaði að
bera vitni í réttarhöldunum yfir
bróður sínum. Bróðirinn er
sakaður um að hafa rænt
tveimur V-Þjóðverjum í Beirút.
GENF - Samningamaður •
Sovétríkjanna í afvopnunar-1
viðræðum stórveldanna í Genf
sagði að möguleikarnir á sam- j
komulagi um eyðingu efna-
vopna hefðu minnkað eftir aðj
Bandaríkjamenn tóku aftur til f
við framleiðslu á slíkum vopn-
um í síðasta mánuði. L'
MOSKVA - Viktor Karpov, j
helsti samningamaður Sovét- j
ríkjanna í afvopnunarviðræð- j
um stórveldanna og aðrir hátt-1
settir erindrekar Sovétstjórnar-
innar gerðu sér ferð til þeirra |
vopnaverksmiðja í landinu j.
sem bandarískir aðilar munu
skoða eftir að samningurinn
um eyðingu meðaldrægra og
skammdrægari kjarnorku-
flauga tekur gildi. Pravda,
dagblað kommúnistaflokksins,
skýrði frá þessu og hafði eftir
Karpov að skiljanlegt væri að
starfsmenn verksmiðjannaj
hefðu áhyggjur.
HONG KONG -Dómstóll íj
Hong Kong dæmdi tíu meðlimij
glæpahrings í fangelsi í aliti
upp í sjö og hálft ár. Dómurinn
var kveðinn upp í lok umfangs-
mestu réttarhalda yfir skipu-
lögðum glæpahópum sem far-
ið hafa fram í Hong Kong.
ÚTLÖND
Bretland:
Thatcher kannar
hvort heilbrigðis-
kerfið sé sjúkt
Hjúkrunarkonur á sjúkrahúsum
víða um landið hafa samþykkt að
taka þátt í sólarhringsverkfalli í
næstu viku til að mótmæla lágum
launum. Þetta verkfall gæti lamað
starfsemi stærstu sjúkrahúsanna og
þar á meðal þriggja stærstu spítala
Lundúnaborgar.
Thatcher átti fundi með John
Moore heilbrigðismálaráðherra og
fjármálaráðherranum Nigel Lawson
í gær og sögðu embættismenn að
rætt hefði verið um mögulegar breyt-
ingar á hinu ríkisrekna heilbrigðis-
kerfi. Hugmyndir um breytingar fel-
ast meðal annars í því að hækka
gjaldið fyrir sjúkrahúsvist og gera
einkarekstur í heilbrigðiskerfinu
auðveldari með ýmiskonar skatta-
undanþágum.
Thatcher lofaði í kosningabarátt-
unni á síðasta ári að engar slíkar
breytingar yrðu gerðar á heilbrigð-
iskerfinu.
Verkamannaflokkurinn hefur
fylkt sér að baki óánægðra starfs-
stétta í heilbrigðiskerfinu og hefur
formaður flokksins Neil Kinnock
sakað forsætisráðherrann um að
„loka dyrunum á andlit fólks“ sem
hefur mest allra vit á heilbrigðismál-
um.
Ríkisstjórnin jók fjárframlög til
NHS um 1,1 milljarð Sterlingspunda
í byrjun þessa árs og í heild er því
kerfið rekið fyrir 22 milljarða punda
á ári eða upphæð sem samsvarar
tæpum fimmtán hundruð milljörð-
um íslenskra króna.
Thatcher hefur neitað að láta
meira fé í rekstur heilbrigðiskerfisins
en yfirvöld heilbrigðismála segjast
þurfa 230 milljónir punda í viðbót til
að hægt sé að bjarga rekstrinum fyrir
horn á þessu ári. hb
Margrét Thatcher forsætisráð-
herra Bretlands hóf í gær að kanna
stöðu heilbrigðiskerfis landsins
(National Health Service eða NHS).
Thatcher og stjórn hennar hafa verið
gagnrýnd að undanförnu fyrir að
draga svo mjög úr framlögum til
heilbrigðismála að til vandræða
horfi.
Og sannarlega horfir til vandræða.
Margrét Thatcher forsætisráðherra Bretlands: Beinir spjótum sínum að
heilbrigðiskerfinu
SOVÉSKIR BORGARAR STÖÐVA
BYGGINGU KJARNORKUVERS
Mótmæli sovéskra borgara hafa
leitt til þess að í fyrsta skipti hefur
bygging kjarnorkuvers í Sovétríkj-
unum verið stöðvuð. Það var
dagblað eitt í landinu sem skýrði
frá þessu í gær.
Komsomolskaya Pravda sagði í
frétt að yfirvöld hefðu ákveðið
seint að síðasta ári að stöðva
byggingu kjarnorkuvers í Krasno-
dar, borg í norðurhluta Kákasus.
Blaðið sagði að slysið mikla í
kjarnorkuverinu í Tsjernóbíl í apr-
íl árið 1986 hefði leitt til mikilla
mótmæla almennings gegn bygg-
ingu kjarnorkuvera og stöðvun
byggingaframkvæmda í Krasnodar
væri afleiðing þessa.
Slysið í Tsjernóbíl í Úkraínu
varð 31 manni að bana og flytja
þurfti meira en 130 þúsund manns
frá heimilum sínum í nágrenni
kjarnorkuversins. Komsomols-
kaya Pravda sagði að slysið hefði
leitt til „keðjuverkandi" mótmæla
gegn kjarnorku.
Alþýða manna hefur verið dug-
leg að senda bréf til yfirvalda og
mótmæla kjarnorkuverum og í
Krasnodar hafði formaður bæjar-
stjórnarinnar farið í sjónvarp til að
lýsa ylir andstöðu sinni gegn bygg-
ingunni.
hb
Frá kjarnorkuveri í Sovétríkjunum: Almenningur hefur lagst gegn
byggingu slíkra eftir slysið í TsjernóbQ
Veðurblíða
í Evrópu
Mikið var að gera á kaffihúsum
við stræti Parísarborgar í gær,
fólk sat úti við og naut veðurblíð-
unnar. Parísarbúar sem og margir
aðrir íbúar Evrópu hafa lítið séð
af vetrarkuldum og raunar hefur
enn ekki fallið snjór á París.
Heitt loft frá suðlægari stöðum
hefur haldið hitanum vel yfir
meðallagi í frönsku höfuðborg-
inni síðustu sjö vikur. Veður-
fræðingar segja ástæðuna fyrir
blíðunni þá að Azoreyjahæðin sé
nú miklu norðar en vanalega þótt
þeir viðurkenni að vita ekki alveg
hvernig á því standi.
Meðalhitinn í París þessar vik-
urnar hefur verið 13 Celsíusgráð-
ur, nærri átta hitagráðum yfir
meðallagi.
Og met gætu fallið. Haldist
veðurblíðan út mánuðinn í París
gæti meðalhitinn í janúar farið
yfir 15,5 Celsíugráður. Það met
var mælt á fyrstu vikum ársins
Stríðið um
Nicaragua
fer fram í
Washington
Bandaríska þingið mun næstu
daga fjalla um beiðni Rónald Reag-
ans Bandaríkjaforseta um 36 mill-
jóna dala styrk til handa Contra
skæruliðunum í Nicaragua sem berj-
ast gegn hinni vinstrisinnuðu stjórn
þar. Þingmenn munu að líkindum
greiða atkvæði um beiðnina 3. og 4.
febrúar.
Óvíst þykir um afdrif þessarar
beiðni á þinginu og vitað er að mikil
andstaða er gegn auknum fjáraustri
til Contra skæruliðanna. Þeir telja
um tólf þúsund menn og hafa hingað
til treyst á fjárstuðning frá Banda-
ríkjastjóm til að halda uppi hernaði
sínum gegn stjóm Sandinista.
Stríðsaðilar í Nicaragua hafa að
vonum mikinn áhuga á gangi mála í
Washington, stjórn Daníels Ortega
vonar að beiðninni verði hafnað en
skæmliðamir telja framtíð sína vera
undir því komna að hún verði
samþykkt.
í dag munu fulltrúar Nicaragua-
stjómar og skæruliða koma saman
til fundar í San Jose í Costa Rica og
eru þetta fyrstu beinu viðræður þess-
ara aðila. Ekki er þó talið að friðar-
horfur í hinu sex ára gamla borgara-
stríði muni vænkast eftir fundarinn,
reyndar telja stjórnarerindrekar að
helsti tilgangur hinna stríðandi fylk-
inga með þessum fundi sé að reyna
að hafa áhrif á þingmenn í Washing-
ton.
hb
ÚTLÖND