Tíminn - 07.07.1992, Blaðsíða 8

8 Tíminn
Þriöjudagur 7. júlí 1992
Hlfii MINNING
Sigurður Einarsson
frá Kárastöðum
Látinn er á áttræðisaldri vinur
minn til áratuga, Sigurður Einars-
son, sem oftast var kallaður Siggi á
Kárastöðum. Okkar leiðir lágu fyrst
saman í Bretavinnu á stríðsárunum,
en Siggi starfaði þar um tíma sem
túlkur fyrir hernámsliðið. Ensku
kunni hann vel og hafði lært hana í
barnaskóla og svo héraðsskóla á
Laugarvatni, en þó líklega mest af
því að hafa stundað siglingar með
fisk til Bretlands. Og íslenskumaður
var Sigurður svo að af bar og var
fljótur að reka ambögumar ofan í
menn. Eftir Bretavinnuna héldum
við saman í vinnu austur í Kaldaðar-
nesi í Flóa, síðan gerðumst við báðir
bílstjórar í Reykjavík og vorum
meðal annars starfsfélagar á Hreyfli
í þrjátíu ár.
Þessi Iöngu kynni við Sigga á
Kárastöðum voru einkar ánægjuleg,
enda fór okkur aldrei styggðaryrði á
milli, þótt margt drifi á dagana, því
að Siggi var vandaður maður og
orðvar. Hitt var þó ekki síðra að
hann var sérlega orðheppinn og
skemmtilegur, enda bráðvel gefinn
og menntaður í lífsins skóla, sögu-
maður góður og unnandi skáldskap-
ar, og einn af þeim bílstjórum af
gamla skólanum sem alltaf voru
með bók í bflnum til að lesa er
stundir gáfust á milli túra.
Það vantar mikið þe|ar það vantar
Sigga á Kárastöðum. Eg kveð góðan
vin með virðingu og söknuði.
Kári Cunnarsson
Áskriftarloforð
Cerist hér með áskrifandi að greina- og ritgerðasafni Þórarins Þórarinssonar fyrrv.
ritstjóra og alþingismanns samkvæmt skilmálum sem greinir í kynningarbréfi.
Nafn og nafnnúmer ______________________________________________
Heimilisfang ___________________________________________________
Sími ____________________
Ath.: Sendist Skrifstofu Framsóknarflokksins
Hafnarstræti 20 101 Reykjavík
Sími (91) 624480
Lúðrasveit Reykj avíkur
70 ára
í dag, 7. júlí, er Lúðrasveit
Reykjavíkur 70 ára. Lúðrasveitin
var stofnuð sumarið 1922, og varð
þessi elsta starfandi lúðrasveit
landsins til við samruna tveggja
lúðrasveita sem störfuðu í Reykja-
vík fram að þeim tíma. Þær hétu
Harpa og Gígja.
Mikill kraftur var í stofnendunum
í upphafi, sem meðal annars má sjá
af því að auk þess að hefja æfingar
umsvifalaust, var strax hafist handa
við að reisa Hljómskálann, hús sem
allir íslendingar þekkja. Byggingin
tók ekki langan tíma og strax vetur-
inn eftir var leikið í skálanum í
fyrsta sinn. Síðan hefur Hljómskál-
inn verið aðsetur sveitarinnar.
Fyrsti stjórnandi Lúðrasveitar
Reykjavíkur hét Otto Bötcher, og
var fenginn til landsins frá Þýska-
landi. Hann starfaði hér við góöan
orðstír í 3 ár, en þá tók Páll ísóifsson
við og var stjómandi sveitarinnar
um áratug. Síðan hafa margir frá-
bærir tónlistarmenn haldið um tón-
sprotann, en lengst allra Páll Pamp-
ichler Pálsson, sem Lúðrasveitin
fékk til íslands frá Austurríki árið
1949. Hann var stjórnandi allt til ár-
ins 1975, eða lengst allra, og hafði
mikil áhrif á tónlistarlíf hér á landi.
Núverandi stjórnandi er Eiríkur
Stephensen, en formaður er Jón
Kristinn Snorrason.
Fyrstu áratugina var Lúðrasveit
Reykjavíkur í fararbroddi þeirra,
sem auka vildu iðkun hljóðfæratón-
listar í landinu, og ól upp marga
góða tónlistarmenn. Tónlistarskól-
inn í Reykjavík var í fyrstu til húsa í
Hljómskálanum, og félagar í Lúðra-
sveit Reykjavíkur komu víða við
sögu þar sem lagður var grunnur-
inn að því ótrúlega auðuga tónlist-
arlífi sem stundað er á íslandi í dag.
Öll þessi sjötíu ár hefur Lúðra-
sveit Reykjavíkur starfað af fullum
krafti og æft reglulega 9-10 mánuði
ársins. Síðari ár hefur framboð á
tónlist hins vegar verið svo mikið að
oft getur reynst erfitt að ná eyrum
fólks. Við hátíðleg tækifæri og á
stórum stundum í lífi þjóðarinnar
finnst fólki hins vegar að lúðrasveit
megi ekki vanta. Þær eru því orðnar
margar hátíðastundirnar sem
Lúðrasveit Reykjavíkur hefur tekið
þátt í með Reykvíkingum og öðrum
landsmönnum. Alþingishátíðin á
Þingvöllum 1930 kom fyrst, en síð-
an ein af annarri. Lúðrasveit
Reykjavíkur hefur oft leikið við alls
konar íþróttaviðburði, svo sem
landsleiki í knattspyrnu eða hand-
knattleik; þá má nefna heimsóknir
erlendra þjóðhöfðingja, vígslur
mannvirkja og svo mætti lengi telja.
Fimm sinnum hefur Lúðrasveit
Reykjavíkur farið í tónleikaferðir til
útlanda. Þar eru merkastar þrjár
ferðir til Vesturheims. Tónleikaferð-
ir innanlands voru tíðar fyrstu ára-
tugina, og eru enn farnar. T.d. var
LR meðal þátttakenda á landsmóti
lúðrasveita, sem haldið var á Höfn í
Homafirði í júní.
Lúðrasveitarmenn vona að lands-
menn eigi eftir að njóta þeirrar tón-
listar, sem þeir hafa fram að færa,
um ókomna áratugi og eru ákveðn-
ir í að gera sitt til þess að þessi
merkilega og vinsæla grein tónlist-
arinnar haldi hlut sínum í drengi-
legri samkeppni við aðrar.
(Fréttatilkynning)
11«
lll
Sumartími skrifstofu
Framsóknarflokksins
Frá 18. mal er skrifstofa okkar I Hafnarstræti 20, III. hæð, opin frá kl. 8.00 til 16.00
mánudaga-föstudaga.
Verið velkomin.
Framsóknarflokkurinn.
Sumarhappdrætti
Framsóknarflokksins 1992
Drætti 1 Sumarhappdrætti Framsóknarflokksins hefur verið frestað til 10. júll n.k. Vel-
unnarar flokksins, sem enn eiga ógreidda miða, eru hvattir til að greiða heimsenda
glróseðla fyrir þann tima.
Allar frekari upplýsingar veittar á skrifstofu flokksins eða I slma 91-624480.
Framsóknarfíokkurinn
Framsóknarkonur
Landssamband framsóknarkvenna gengst fyrir hópferð á Kvennaþingið á Egils-
stöðum 20.-23. ágúst n.k.
Vinsamlegast látið skrá ykkur strax hjá Jafnréttisráöi, slmi 91-27420, og á skrifstofu
Framsóknarflokksins, slmi 91-624480.
Framkvæmdastjóm L.F.K.
Sumarferð
framsóknarmanna
Farið verður Kjöl að Blönduvirkjun laugardaginn 8. ágúst.
Nánar auglyst slðar.
Fulltrúariðið.
GARÐSLATTUR
Tökum að okkur að slá garða.
Kantklippum og fjarlægjnm heyið.
Komum, skoðum og gerum verðtilboð.
Upplýsingar í síma 41224, eftir kl. 18.00.
Ritgerðasafn
Þórarins
Þórarinssonar
Útgefendur ritgerðasafns Þórarins
Þórarinssonar, fyrrv. ritstjóra og
alþm., beina þeim vinsamíegu til-
mælum til væntanlegra áskrifenda
að bókinni að þeir staðfesti áskrift
sína svo fljótt sem við verður komið
og ekki síðar en 10. ágúst nk.
Ef nafn áskrifanda á að birtast í
heillaóskaskrá, er þetta tímamark
nauðsynlegt, því að fyrirhugað er að
bókin komi út um 20. september nk.
Er verð hennar áætlað kr. 2500-kr.
2900 og ræðst af endanlegum út-
gáfukostnaði og áskriftarloforðum.
Gert er ráð fyrir að áskriftargjald
verði innheimt með gíróseðli, nema
um annað semjist.
Heimilisfang útgáfunnar er:
Skrifstofa Framsóknarflokksins,
Hafnarstræti 20, 101 Reykjavík.
Sími (91) 624480.
Um leið og þessi tilmæli eru hér
borin fram, vænta útgefendur þess
að vel verði við brugðist, ef leitað
verður til væntanlegra áskrifenda
símleiðis vegna þessa máls.
Til hægðarauka er hér birt eyðu-
Þórarinn Þórarinsson.
blað um áskriftarloforð. Er þess
vænst að sem flestir taki þátt í að
heiðra Þórarin Þórarinsson með því
að gerast áskrifendur að bók hans
svo tímanlega, að nöfn þeirra verði á
heillaóskaskrá.
(Fri útgáfunefnd)
Alþýðuflokkurinn
skilgreindur á ný
•í forustugrein Alþýðublaðsins 16.
júní sl. komst Jón Baldvin Hannibals-
son svo að orði um flokk sinn: „Hann
hafnar ríkisforsjá og forræðishyggju í
efnahags- og atvinnumálum. Hann
vill opið þjóðfélag og aukna sam-
keppni í þágu almennings, neytenda."
Það ætti að vera hverjum manni
Ijóst, að þetta er ekki stefna jafnaðar-
mannaflokka (sósíaldemókrata), eins
og hún er túlkuð af slíkum flokkum á
Norðurlöndum, í Bretlandi, Þýska-
landi og víðar. Þetta er skilgreining á
flokki frjálshyggjunnar, sem er
þröngur hópur hægri manna innan
Sjálfstæðisflokksins. Jafnaðarmanna-
flokkar í Evrópu boða Iýðræðislegan
sósíalisma enn í dag, þrátt fyrir hrun
kommúnismans, sem var kerfi ein-
ræðis og kúgunar, ekki jafnaðar-
mennsku.
Formanni Alþýðuflokksins á ís-
landi er ekki treystandi á neinu sviði
stjómmála. Landsmenn hafa gert sér
grein fyrir því, að hann hefir leikið
tveim skjöldum í samningunum við
EB. Lengstum var haldið, að hann
veitti viðnám gegn frjálshyggjudekri
Jóns Sigurðssonar og þjónkun hans
við peningavaldið. Nú hefir hann
lagst á sveif með nafna sínum. Þá hef-
ir hann látið aðstoðarmann sinn
Þröst Ólafsson, gamlan kommúnista
sem leiddi KRON til gjaldþrots, semja
við sægreifana um áframhald kvóta-
keriisins, sem veldur byggðaröskun.
Þar með hefir hann brugðist stefnu-
máli flokks síns um þjóðareign auð-
linda og veiðileyfagjald. Hann er trúr
þeirri einu hugsjón sinni að koma ís-
lenskum landbúnaði á kné. Þegar
frystitogarar sægreifanna hafa þurrk-
að upp fiskimiðin, verður kjöt ekki
heldur fáanlegt hér, ef Jón fær að
ráða.
Engan þarf að undra þetta, ef vel er
að gáð. Hannibal Valdimarsson, faðir
Jóns Baldvins, var að vísu ólíkt svip-
meiri persónuleiki en sonurinn, en
hann var ærið brokkgengur í pólitík-
inni. Hann gerði flokk úr flokki og
stofnaði að auki eigin stjómmálasam-
tök, sem entust í tæpan áratug. Bróð-
ir Hannibals, Finnbogi Rútur, sem
var greindastur þeirra frænda, átti
líka leið milli flokka. Jón Baldvin sker
sig úr að því leyti, að hann beitir
flokksmenn sína, sem efnilegir eru,
harðræði. Þess vegna er óstöðuglyndi
hans og hringlandaháttur hættulegri
en hjá föður og föðurbróður. Jón
Baldvin heldur bestu mönnum Al-
þýðuflokksins niðri, stjakar þeim frá
kjöri í flokksstjóm og gefur þeim ekki
færi á að hafa áhrif á stefhumótun.
Hótun er beitt, ef annað dugar ekki,
eins og berlega kom fram á nýafstöðu
flokksþingi. Þess vegna á Alþýðu-
flokkurinn sér ekki uppreisnar von,
meðan Jón Baldvin situr í forsæti.
Það var skaði fyrir flokkinn — og enn
meiri fyrir alþýðu þessa lands — að
ekki tókst að velta honum úr sessi á
vordögum.
Félagshyggjumaður