Réttur - 01.05.1937, Qupperneq 44

við þetta stórveldi, sem eitt hefir máttinn til að brjóta.
á bak aftur hið voðalega vald Bandaríkjaauðvaldsins..
Sjálfstæðisbarátta Indverja.
Barátta Indverja fyrir sjálfstæði sínu er að komast
á nýtt stig, eins og atburðir síðustu tíma þar í landi
benda til. Bretar höfðu neyðzt til að gefa Indverjum
stjórnarskrá, sem heitir landinu sjálfstjórn að nafn-
inu til. Landið hefir, samkvæmt henni, sitt eigið þing
og stjórn, og sama er að segja um hvert hinna 11 hér-
aða, sem landið skiptist í, auk furstadæmanna. En
hinsvegar eru þessi réttindi að miklu leyti ónýtt með
sakleysislegu ákvæði um, að fylkisstjórarnir brezku
skuli hafa úrslitavald umfram fylkisstjórnirnar um
þau mál, er snerta ,,innanlandsöryggið“. Með þessu
ákvæði er þeim í rauninni fengið lögregluvaldið í
hendur, það er að segja hið raunverulega vald. Þannig:
geta þeir, hvenær sem Bretum sýnist, sigað herliði á
landslýðinn og kúgað hann til hlýðni, því að innan-
landsöryggið er teygjanlegt hugtak.
Kongressflokkurinn, sem hefir á stefnuskrá sinni
fullt sjálfstæði Indlands, hefir við kosningar til þing-
anna samkvæmt stjórnarskrá þessari hlotið meiri
hluta atkvæða í 6 af íylkjunum. En síðan hefir flokk-
urinn neitað að mynda stjórn í fylkjum þessum, nema
því aðeins,að brezku fylkisstjórarnir afsöluðu sér rétti
sínum til að grípa fram fyrir hendurnar á fylkis-
stjórnunum í ákveðnum málum, og af þeim ástæðum
munu nú minnihlutastjórnirnar fara með völdin, að
minnsta kosti fyrst um sinn.
Það er auðvitað, að brezka drottinstefnan gengur
ekki með góðu að þessum kröfum, því að þar með væri
tilgangur stjórnarskrárinnar ónýttur, sá að sætta
Indverja við þjóðerniskúgun sína með því að veita
þeim stjórnarbót í orði kveðnu. Baráttan er hafin.
Kongressflokkurinn stofnaði til mótmæladags gegn
stjtórnarskránni 31. marz, lýst var yfir allsherjar-
124