Morgunblaðið - 05.04.2006, Blaðsíða 14

14 MIÐVIKUDAGUR 5. APRÍL 2006 MORGUNBLAÐIÐ
ERLENT
SÍÐARI sjónvarpskappræðum Silv-
ios Berlusconis, forsætisráðherra
hægristjórnarinnar á Ítalíu, og Rom-
anos Prodis, forsætisráðherraefnis
vinstri- og miðjumanna, lauk með
jafntefli í fyrrakvöld, að mati sér-
fræðinga í ítölskum stjórnmálum.
Þeir telja að Berlusconi hafi
tryggt sér jafntefli á síðustu stundu
með óvæntu loforði um að afnema
fasteignaskatta á íbúðarhúsnæði
Ítala. Má segja að loforðið komi á
lokaspretti kosningabaráttunnar, en
þingkosningar fara fram á Ítalíu á
sunnudag og mánudag.
Loforð forsætisráðherrans kom
þegar nokkrar sekúndur voru eftir
af kappræðunum og gat Prodi ekki
svarað þar sem tíminn rann út.
Andstæðingar Berlusconis lýstu
loforðinu sem lýðskrumi og sögðu að
afnám fasteignaskattsins myndi
gera hundruð sveitarfélaga gjald-
þrota. Tekjur ítalskra sveitarfélaga
af skattinum hafa numið 2,3 millj-
örðum evra, sem jafngildir um 200
milljörðum íslenskra króna.
Forsætisráðherrann kvaðst í gær
ekki skilja gagnrýni stjórnarand-
stöðunnar og sagði að auðvelt yrði að
bæta sveitarfélögunum upp afnám
fasteignaskattsins. Talið er að lof-
orðið geti haft talsverð áhrif í kosn-
ingunum, þar sem 70 til 80 prósent
Ítala búa í eigin húsnæði.
Samkvæmt síðustu skoðanakönn-
unum er bandalag Prodis með 3,5–5
prósentustiga forskot á hægriflokk-
ana. Stjórn Berlusconis hefur átt
undir högg að sækja vegna efna-
hagsstöðnunar. Hagvöxturinn á Ítal-
íu var 1,1 prósent árið 2004 en 0,0
prósent á síðasta ári.
Margir kjósendur óákveðnir
Prodi þótti standa sig mun betur í
fyrri sjónvarpskappræðunum en
Berlusconi sótti í sig veðrið fyrir síð-
ari kappræðurnar með harðri gagn-
rýni á skattastefnu vinstriflokkanna,
sem hann sagði myndu bitna á milli-
stéttarfólki. Um 25 prósent kjósenda
höfðu ekki gert upp hug sinn fyrir
síðari kappræðurnar, ef marka má
kannanirnar. Fréttaskýrendur töldu
ólíklegt að Berlusconi eða Prodi
hefði tekist að fá marga óákveðna
kjósendur á sitt band í kappræðun-
um.
Berlusconi sakaður um
lýðskrum í kappræðum
Forsætisráðherra Ítalíu lofaði afnámi fasteignaskatta á síðustu stundu
Silvio Berlusconi, forsætisráðherra
Ítalíu, beitti óspart handapati.
Romano Prodi, leiðtogi ítölsku
stjórnarandstöðunnar.
Eftir Boga Þór Arason
bogi@mbl.is
Teheran. AP, AFP. | Her Írans kvaðst
í gær hafa skotið nýrri eldflaug í til-
raunaskyni á heræfingu á Persa-
flóa. Yfirmaður úrvalssveita ír-
anska hersins sagði að Íranar væru
nú færir um að verjast innrás hvaða
ríkis sem væri og skírskotaði til
Bandaríkjanna.
Íranska ríkissjónvarpið sagði að
ný meðaldræg eldflaug Írana, sem
nefnist Kowsar, væri fjarstýrð og
ætluð til árása á skip. Eldflaugin
væri „torséð“, það er vart greinan-
leg á ratsjám.
Sjónvarpið sýndi einnig mynd af
nýrri flugvél sem væri ætluð til
árása á skip og greindist ekki á rat-
sjám.
Heræfingarnar hófust á föstu-
daginn var og íranski herinn sagði
að markmið þeirra væri að efla
varnir landsins til að verjast hugs-
anlegum árásum Bandaríkjanna
vegna deilunnar um kjarnorkuáætl-
un Írana.
Yfirmaður Byltingarvarðarins,
úrvalssveita Íranshers, sagði að
nýju vopnin tryggðu að Íranar gætu
varið strendur landsins og hrundið
innrás hvaða ríkis sem væri.
Íranar sögðust um helgina hafa
skotið annarri eldflaug, Fajr-3, sem
væri einnig torséð. Íranar hafa
einnig reynt tvær tegundir tundur-
skeyta sem þeir segja að séu nýjar.
Annað tundurskeytið var reynt
við Hormuz-sund á mánudag, en
siglingaleiðin um sundið er mikil-
væg fyrir olíuútflutningshafnir við
botn Persaflóa. Með tilrauninni
virtust Íranar senda Bandaríkja-
stjórn þau skilaboð að þeir gætu
lokað siglingaleiðinni hvenær sem
þeir vildu.
Hermálasérfræðingar í Moskvu
sögðu í gær að tundurskeytið, sem
kynnt var á mánudag, væri líklega
ekki smíðað í Íran. Þeir töldu að um
væri að ræða rússneskt tundur-
skeyti, VA-111 Shkval, hraðskreið-
asta tundurskeyti sem vitað er um í
heiminum. Sérfræðingarnir töldu
að Íranar hefðu fengið tundur-
skeytið frá Kína eða Kirgistan,
fyrrverandi sovétlýðveldi í Mið-As-
íu.
Segjast geta
hrundið hugs-
anlegri innrás
MÓTMÆLENDUR brjóta rúður í verslunum í Lille í Norður-Frakklandi í
aðgerðum gegn nýrri atvinnulöggjöf sem heimilar atvinnurekendum að
vísa starfsmönnum sem eru yngri en 26 ára úr starfi, að því tilskildu að
ástæða sé tilgreind.
Reuters
Mótmæla atvinnulöggjöf
Bagdad. AFP, AP. | Dómstóll í Írak
hefur tilkynnt um nýjar ákærur á
hendur Saddam Hussein, fyrrver-
andi forseta landsins, en þær víkja
að herferð stjórnvalda í Bagdad
gegn Kúrdum á níunda áratug síð-
ustu aldar, m.a. atburðum árið
1988 þegar gasi var dreift yfir bæ-
inn Halabja með þeim afleiðingum
að um 5.000 manns týndu lífi.
Um er að ræða ákærur um þjóð-
armorð og glæpi gegn mannkyni,
en mannréttindahópar hafa sagt að
Anfal-aðgerðin svokallaða hafi
kostað 180.000 óbreytta borgara
lífið. Saddam og sjö aðrir sæta
þegar réttarhöldum vegna morð-
anna á 148 manns í Dujail 1982,
sem fylgdu í kjölfar þess að gerð
var tilraun til að ráða Saddam af
dögum.
Auk Saddams eru sex aðrir nú
ákærðir, þ. á m. Ali Hassan Majid,
eða „eiturvopna-Ali“, sem svo hef-
ur verið nefndur, en hann stýrði
aðgerðunum í Halabja, sem margir
álíta versta einstaka glæpinn sem
framinn var í stjórnartíð Saddams.
Málið verður ekki sameinað því
sem nú er rekið gegn Saddam og
hans helstu samverkamönnum fyr-
ir dómstólum heldur má vænta
þess að önnur réttarhöld fari fram
vegna þessara ákæra.
Að minnsta kosti 21 týndi lífi í
árásum í Írak í gær, þ.á m. tíu þeg-
ar bílsprengja sprakk í sjítahverfi í
austurhluta Bagdad.
Nýjar ákærur
gegn Saddam
Reuters
Saddam Hussein, fyrrverandi forseti Íraks, í réttarsal.
Washington. AFP. | Tom Delay, hinn
umdeildi þingmaður repúblikana,
hefur ákveðið að draga sig í hlé frá
þingstörfum eftir að hafa verið
ákærður fyrir brot á lögum um öflun
fjár í kosningasjóði.
Delay, sem jafnan hefur verið kall-
aður „hamarinn“ vegna hörku sinn-
ar, tilkynnti þetta í viðtali á Fox
News-sjónvarpsstöðinni í gær. „Það
er kominn tími til að gera eitthvað
annað,“ sagði Delay.
Orð Delay þykja umskipti frá fyrri
yfirlýsingum hans um að sitja sem
fastast á þingi og berjast gegn ákær-
unum sem hann sagði vera af póli-
tískum meiði. Þingkosningar eru í
Bandaríkjunum í haust og Delay,
sem sækir umboð sitt til Texas, sagð-
ist óttast að ákæran yrði gerð að
meginmáli í kosningabaráttu sinni.
Delay hætt-
ur á þingi
Nýja-Delhí. AFP. | Eitthvað
vefst það fyrir yfirvöldum
skólamála í indverska sam-
bandsríkinu Rajastan að inn-
ræta nemendum jafnrétti
kynjanna. „Asni er eins og
eiginkona. En raunar er asn-
inn ívið betri vegna þess að
eiginkonan getur átt það til
að kvarta og fara aftur heim
til foreldranna en enginn
asni er nokkurn tíma ótrúr
herra sínum,“ segir í
kennslubók fyrir 14 ára
börn.
Flokkur þjóðernissinnaðra
hindúa, Bharatiya Janata, er
við völd í ríkinu og höfðu
fulltrúar hans lagt blessun
sína yfir umrædda bók. En
leiðtogi kvennadeildar
flokksins, Shimla Parasher,
hótaði mótmælum ef ummæl-
in um konur og asna yrðu
ekki fjarlægð.
Einn af talsmönnum
menntamálaráðuneytis Raj-
astan sagði að markmiðið
hefði verið að gera kennslu-
stundir skemmtilegri. „Sam-
anburðurinn var gerður á
gamansömum nótum,“ sagði
maðurinn en bætti því við að
umræddur texti yrði fjar-
lægður vegna mótmælanna.
Rajastan er þekkt fyrir
afturhaldssemi gagnvart
konum og þar eru konur
mun færri en karlar. Er
ástæðan einkum sú að al-
gengt er að notuð sé óm-
skoðun til að ganga úr
skugga um kyn fósturs og
reynist það vera kvenkyns er
oft gripið til fóstureyðingar.
Asna eða
eiginkonu?
DANSKA ríkisstjórnin kynnti í gær
tillögur um breytingar á velferðar-
kerfinu og lagði meðal annars til að
ellilífeyrisaldurinn yrði hækkaður úr
65 árum í 67 ár.
Stjórnin vill að ellilífeyrisaldurinn
hækki í 66 ár árið 2023 og 67 ár
tveimur árum síðar. Ennfremur er
gert ráð fyrir því að rétturinn til
greiðslna úr lífeyrissjóðum miðist
við 63 ár í stað 60 ára nú.
Stjórnin hyggst einnig beita sér
fyrir því að ungt fólk ljúki námi fyrr
en verið hefur. Þá hyggst hún auð-
velda vel menntuðum útlendingum
að fá dvalar- og atvinnuleyfi í Dan-
mörku. Gert er ráð fyrir því að þeir
fái hálfs árs dvalarleyfi í fyrstu til að
leita að starfi og það verði síðan
framlengt til þriggja ára í senn fái
þeir atvinnu.
Lífeyrisald-
urinn verði
hækkaður