Morgunblaðið - 16.12.2006, Blaðsíða 24
24 LAUGARDAGUR 16. DESEMBER 2006 MORGUNBLAÐIÐ
MENNING
Fyrsti konsert er frír SÍMI 545 2500 ::: WWW.SINFONIA.IS
Jólatónleikar
Í DAG, LAUGARDAG KL.14.00 – ÖRFÁ SÆTI LAUS
Í DAG, LAUGARDAG KL.17.00*– ÖRFÁ SÆTI LAUS
Hljómsveitarstjóri ::: Bernharður Wilkinson
Einleikari ::: Hulda Jónsdóttir
Kór ::: Gradualekór Langholtskirkju
tónsprotinn í háskólabíói
Leroy Anderson ::: Jólaforleikur
Pjotr Tsjajkovskíj ::: Hnotubrjóturinn, 6 þættir
Henryk Wieniawski ::: Polonaise brillante
Franz Xaver Gruber ::: Heims um ból
Jórunn Viðar ::: Það á að gefa börnum brauð
Jórunn Viðar ::: Jól
Hrafnkell Orri Egilsson ::: Jólasyrpa
í boði FL Group og Sinfóníuhljómsveitarinnar
*tónleikar utan áskrifta
TENÓRINN Ro-
berto Alagna,
sem strunsaði í
fússi af sviði
Scala-óperunnar
í Mílanó í síðustu
viku í kjölfar
þess að áhorf-
endur púuðu á
hann, setti á svið
sína eigin sýn-
ingu á torginu fyrir utan óperu-
húsið á fimmtudaginn. Alagna söng
nokkrar nótur úr Madame Butt-
erfly á torginu – „sottovoce“ að eig-
in sögn – og tók í framhaldinu
mynd af húsinu á farsímann sinn.
Hann sagði við ítölsku fréttastofuna
Ansa að hann hefði komið til að ná
sér í minjagrip og bætti því við að
það væri allsendis óvíst hvenær
hann myndi berja hið fræga óperu-
hús augum næst.
Eins og sagt hefur verið frá yf-
irgaf Alagna sviðið í miðjum flutn-
ingi óperunnar Aidu. Í framhaldi
var samningi Alagna rift þar sem
„óbrúanleg gjá“ hefði myndast milli
hans og áhorfenda.
Ekki sungið í marga daga
„Ég elskaði þetta hús innilega,“
sagði Alagna við viðstadda og
kvaðst jafnframt harma hvernig
málin hefðu þróast. Hann bætti því
við að þetta hefði verið erfið reynsla
og að hann hefði ekki getað sungið í
marga daga. „Ég hef misst löng-
unina. Aldrei fyrr á ævi minni hafa
liðið meira en tveir dagar án þess
að ég syngi,“ útsýrði hann.
Með trefil um hálsinn og rós í
hendi veifaði hann til viðstaddra
þegar hann yfirgaf torgið.
„Erfið
reynsla“
Alagna kveður Scala
með trega og söng
Roberto Alagna
HIN léttleikandi hljómsveit
Spaðar mun flytja efni af nýút-
kominni geislaplötu sinni, sem
nefnist Stundaglasaglaumur, í
verslun 12 tóna á Skólavörðu-
stíg 15 í dag. Tónleikarnir hefj-
ast klukkan 16 og eru allir vel-
komnir.
Spaðar eiga sér ríflega tutt-
ugu ára sögu og er Stunda-
glasaglaumur þeirra fjórða
geislaplata. Meðlimir sveit-
arinnar eru: Guðmundur Andri Thorsson, dr.
Gunnar Helgi Kristinsson, Aðalgeir Arason, Guð-
mundur Pálsson, Magnús Haraldsson, Guð-
mundur Ingólfsson og Sigurður G. Valgeirsson.
Tónlist
Spaðar leika og
syngja í 12 tónum
Sigurður G.
Valgeirsson
BRAGI Ólafsson les upp úr
bók sinni Sendiherranum í há-
deginu í dag í Þjóðmenning-
arhúsinu. Uppákoman er hluti
af upplestraröðinni Jólahrollur
í hádeginu sem hófst sl. þriðju-
dag en í hennar nafni er boðið
upp á upplestur úr nýútkomn-
um, íslenskum spennusögum á
hverjum degi fram að jólum.
Lesturinn hefst klukkan 12.15
alla dagana en að honum loknum býðst áhlýð-
endum súputilboð í veitingastofu Þjóðmenning-
arhússins.
Á morgun, sunnudag, mun Einar Hjartarson
lesa upp úr bók sinni Nehéz.
Upplestur
Bragi les í Þjóð-
menningarhúsinu
Bragi Ólafsson
Í KVÖLD klukkan 21 verða
haldnir tónleikar á Græna
hattinum á Akureyri. Þar kem-
ur fram hin umtalaða tónlist-
arkona Lay Low og norð-
anmaðurinn Ívar Bjarklind
ásamt hljómsveit.
Gagnrýnendur hafa farið lof-
samlegum orðum um fyrstu
breiðskífu Lay Low, Please
Don’t Hate Me, auk þess sem
tónlistarkonan er tilnefnd til Íslensku tónlist-
arverðlaunanna í fjórum flokkum.
Ívar Bjarklind hefur einnig gefið út sína fyrstu
plötu, Blóm eru smá, sem hefur vakið mikla at-
hygli fyrir einlæg efnistök.
Tónlist
Lay Low og Ívar
á Græna hattinum
Ívar Bjarklind
Eftir Jóhann Bjarna Kolbeinsson
jbk@mbl.is
JENS-ERWIN Siemssen, leikstjóri
og forsprakki þýska leikhópsins Das
Letzte Kleinod, er staddur hér á
landi, en hann er að undirbúa upp-
setningu á leikriti um þorskastríðin.
Um er að ræða heimildarleikrit sem
þó mun innihalda ákveðinn sögu-
þráð.
„Ég tek viðtöl við fyrrverandi
skipstjóra frá Þýskalandi og ég er
hér til þess að taka viðtöl við gamla
íslenska sjómenn og fyrrverandi
skipherra hjá strandgæslunni,“ seg-
ir Siemssen. „Ég er líka að leita að
leikurum á Íslandi því mig langar að
bjóða þeim til Þýskalands til þess að
taka þátt í uppfræslu í Cuxhaven
sem er vinabær Hafnarfjarðar. Svo
ætlum við líka að setja verkið upp í
Bremerhaven og í Hafnarfirði í vor.“
Ótrúlegt stríð
Aðspurður um ástæðu þess að
leikfélagið ætli að ráðast í uppsetn-
ingu á leikriti um þorskastríðin segir
Siemssen að sér þyki þau ein-
staklega áhugaverð.
„Bæði langar okkur að setja upp
verk um sjómannslíf og svo var
þetta í mínum huga alveg ótrúlegt
stríð. Þetta hefur greinilega verið
mjög erfitt fyrir þá sem að þessu
komu á hafi úti, þannig að við erum
þegar með mjög góða sögu í hönd-
unum,“ segir leikstjórinn, sem nú
þegar hefur tekið viðtöl við Íslend-
inga sem voru í eldlínunni. „Ég er
líka alltaf að fjalla um árekstra af
einhverju tagi og þarna varð árekst-
ur á milli Íslendinga og Vestur-
Þjóðverja. Mér finnst þetta mjög
heillandi efni og það er mjög áhuga-
vert að heyra sögur frá báðum hlið-
um.“
Siemssen segir að vissulega hafi
þorskastríðin fyrst og fremst verið
milli Íslendinga og Breta, en einnig
hafi komið til árekstra á milli ís-
lensku landhelgisgæslunnar og vest-
ur-þýskra togara sem voru að veið-
um innan íslenskrar lögsögu um og
upp úr 1972.
Leikritið verður óvenjulegt að því
leyti að þrjú tungumál verða töluð,
þýska, enska og íslenska, en Siems-
sen segist stefna að því að ráða tvo
íslenska leikara til þess að fara með
hlutverk skipsmanna landhelg-
isgæslunnar.
Verkið verður sett upp í gamalli
nótagerð við höfnina í Cuxhaven í
vor og skömmu síðar við hina svo-
kölluðu Íslandsbryggju í Bremer-
haven. Þá verður verkið sett upp á
fiskmarkaðnum í Hafnarfirði dag-
ana 16. til 21. apríl og segir Siems-
sen að um þrjár sýningar verði að
ræða, og líklega eina sem sér-
staklega verður ætluð börnum.
Á söguslóðum
Das Letzte Kleinod, eða Síðasti
fjársjóðurinn, er rótgróið leikfélag
sem hóf starfsemi árið 1991. Félagið
hefur sett upp leikrit út um allan
heim og sem dæmi má nefna að á
síðasta ári setti hópurinn upp leikrit
sem fjallaði um innflytjendur í
Þýskalandi og í Kanada. „Við
vinnum alltaf með sögulega atburði
og reynum að setja verkin upp þar
sem atburðirnir áttu sér stað,“ segir
Siemssen.
Félagið er m.a. styrkt af menning-
armálayfirvöldum í Þýskalandi.
Þýskt leikrit um þorskastríðin
Verkið verður bæði sett upp í Þýskalandi og á Íslandi
Morgunblaðið/Sverrir
Við Reykjavíkurhöfn Siemssen segir mjög áhugavert að heyra tvær hliðar
á sömu sögunni, en hann hefur bæði rætt við Íslendinga og Þjóðverja.
Í HNOTSKURN
»Þýski leikstjórinn Jens-Erwin Siemssen vinnur að
uppsetningu á leikriti um
þorskastríðin.
»Hann hefur tekið viðtöl viðfjölda Íslendinga og Þjóð-
verja sem voru í eldlínunni í
stríðinu.
»Leikritið verður á þýsku,íslensku og ensku.
»Verkið verður sett á svið íÞýskalandi í vor og í Hafn-
arfirði í apríl.
www.das-letzte-kleinod.de
Eftir Bergþóru Jónsdóttur
begga@mbl.is
UM fjórtán íslensk fyrirtæki taka
þátt í Midem tónlistarstefnunni sem
verður haldin í 41. sinn í Cannes í
Frakklandi í 21.–25. janúar. Midem
er langstærsta tónlistarkaupstefna
sem haldin er, og þangað sækja nær
allir sem starfa að tónlistarútgáfu og
fjölmörgum tengdum greinum.
Útflutningsráð hefur þrjú und-
anfarin ár starfrækt íslenskan bás á
kaupstefnunni og haldið utan um
þátttöku Íslendinga þar, en íslenskir
útgefendur hafa tekið þátt í Midem í
vel á annan áratug. Lengi vel voru
íslensku þátttakendurnir hýstir á
bási Dana en með aðild Útflutnings-
ráðs og utanumhaldi, hefur aðstaða
íslensku þátttakendanna gjörbreyst.
Berglind Steindórsdóttir for-
stöðumaður sýningasviðs Útflutn-
ingsráðs hefur umsjón með verkefn-
inu í ár og segir að þegar hafi um
fjórtán íslensk fyrirtæki og ein-
staklingar skráð sig til þátttöku.
Slagorð íslenska bássins er „Hear
Iceland!“ og til að fullkomna slag-
orðið gefst gestum Midem einmitt
tækifæri til að hlusta á lifandi tónlist
frá Íslandi, í einni af fjölmörgum
tónlistaruppákomum hátíðarinnar,
Buzz Bands, sem er sérstök kynning
á efnilegum nýliðum. „Um 150 sóttu
um að komast að í Buzz Bands, en
einungis átta eru valdir. Þar af eru
tveir frá Íslandi, Lay Low og hljóm-
sveitin Reykjavík!“ segir Berglind.
„Höfuðborgarstofa, fyrir hönd
Reykjavíkur, tekur nú þátt í Midem
í fyrsta sinn til að kynna Reykjavík
sem tónlistarborg, með tónlistarhúsi
sem senn mun rísa. Þetta er mjög
spennandi því Höfuðborgarstofa
verður með sérstaka kynningu og
móttöku fyrir gesti. Kaupstefnan
teygir sig því því út fyrir tónlist-
argeirann í tengdar greinar eins og
þátttaka höfuðborgarstofu sýnir.“
Höfuðborgarstofa á Midem
Efnileg Lay Low er ein af átta tón-
listarmönnum sem komust að í sér-
staka kynningu Midem á ungu
hæfileikafólki í tónlistinni.
HINN 1. janúar nk. tekur Svíinn
Max Dager við framkvæmdastjórn
Norræna hússins í Reykjavík. Dag-
er, sem er menningarfræðingur að
mennt, hefur langa reynslu af sviði
menningarmála og hefur um margra
ára skeið komið að uppsetningu
sviðslistar út um allan heim. Er hann
m.a. einn af stofnendum sænska nú-
tímasirkussins Cirkus Cirkör.
Sem stendur starfar Max sem
verkefnastjóri við uppsetningu
menningar- og fræðasetursins Garð-
arshólma á Húsavík.
Max segir að Norræna húsið eigi
að vera brú milli heimsins og Íslands
og sýningarstaður fyrir íslenska og
norræna list.
Max Dager í
Norræna húsið
♦♦♦