Morgunblaðið - 30.06.2007, Qupperneq 1
REYKVÍKINGAR tóku blíðunni í gær fagnandi og þyrptust út á göturnar
að heilsa sólinni. Sundlaugarnar iðuðu af lífi, raðir voru út úr dyrum í ís-
búðum bæjarins og á hverjum grasbletti mátti finna firnahamingjusama
sóldýrkendur. Á Austurvelli virtist meira að segja Jón forseti reigja sig
mót sólu á meðan æska landsins hljóp skríkjandi fyrir fótum hans.
Veðurstofan spáir áframhaldandi blíðviðri á höfuðborgarsvæðinu um
helgina og vel inn í næstu viku, bjartviðri víðast um land og 10-20 stiga
hita.
Í logninu er upplagt að bregða sér í spássitúra um framandi hverfi, sinna
skammarlega vanræktum garðinum eða blása bara sápukúlur í sólskininu
og hlæja með ástvinum sínum.
Í miðbæ Reykjavíkur brá Götuleikhúsið á leik, en það er löngu orðið
órofa hluti af reykvísku sumri. Í hóp með því slógust svo hinir ýmsu skap-
andi sumarhópar Hins hússins, en í þeim má meðal annars finna dansara,
fatahönnuði, djasstónlistarmenn, leikara, vísnasöngvara, vídeólistamenn
og fleiri orkubolta sem engin leið er að draga í dilka.
Hið unga listafólk gladdi vegfarendur og glæddi sumardaginn auknu lífi
þegar það bauð almenningi að bergja á sköpunarkrafti sínum og lífsþrótti.
Morgunblaðið/Ásdís
Líf og fjör í miðborginni
STOFNAÐ 1913 176. TBL. 95. ÁRG. LAUGARDAGUR 30. JÚNÍ 2007 PRENTSMIÐJA MORGUNBLAÐSINS mbl.is
Í FERÐALAGIÐ
ÓMISSANDI GEISLADISKAR OG
NAUÐSYNLEGAR BÆKUR >> 48
GERÐUR G. ÓSKARS-
DÓTTIR NÝTUR LÍFSINS
Í SVEITINNI
INNLIT Í SUMARHÚS >> 30
FRÉTTASKÝRING
Eftir Ómar Friðriksson
omfr@mbl.is
MJÖG skiptar skoðanir eru innan
verkalýðshreyfingarinnar á þeim
hugmyndum um gjörbreytingar og
samræmingu á veikindarétti og hlut-
verki sjúkrasjóða sem rætt er um á
milli ASÍ og Samtaka atvinnulífsins.
Fram hefur komið að rætt er um
breytingu sem felur m.a. í sér að
launamaður njóti tveggja mánaða
veikindaréttar hjá fyrirtæki og síðan
taki við sérstakur áfallatrygg-
ingasjóður, með aðild sjúkrasjóða,
framlagi vinnuveitenda og lífeyr-
issjóða, sem greiði framfærsluna í
allt að fimm ár. Mikil áhersla yrði
lögð á starfsendurhæfingu.
Réttindin eru mismunandi í dag.
Vinnuveitendur greiða 1% af launum
í sjúkrasjóðina og þegar greiðslum
launagreiðanda til launþega vegna
veikinda lýkur taka félögin við og
greiða sjúkradagpeninga úr sjúkra-
sjóðunum. Auk þess veita sjóðirnir
ýmsa styrki, m.a. vegna kaupa á
gleraugum, ferðakostnaðar vegna
veikinda og útfararstyrki.
Ber sérstaklega á tortryggni í
garð hugmynda um breytingar á
þessu fyrirkomulagi innan félaga í
Starfsgreinasambandinu (SGS).
,,Menn eru mjög á varðbergi gagn-
vart þessu,“ segir forystumaður í
stéttarfélagi. Búast má við að tekist
verði á um þessi mál þegar nið-
urstöður úr viðræðunum verða lagð-
ar fyrir í haust. Nokkur stór verka-
lýðsfélög hafa komið saman og rætt
málið og lýstu í kjölfarið yfir að þau
teldu fráleitt að setja stærstan hluta
veikindaréttar félagsmanna í einn
sjóð. Nokkur minni stéttarfélög hafa
nú bæst í þennan hóp og er stefnt að
fundi 6. júlí. „Við erum hlynnt starfs-
endurhæfingunni en það þarf ekki
alla þessa umbyltingu til að koma
henni á,“ segir forystumaður í stóru
félagi á landsbyggðinni. „Ég er
þeirrar skoðunar að menn séu fyrst
og fremst að horfa til þess að lífeyr-
issjóðirnir þurfi á aðstoð að halda
vegna þess að örorkubyrðin hefur
stóraukist á síðustu árum. Minna sé
hugsað um hvernig þetta mun koma
út fyrir fólkið sjálft,“ segir annar.
Morgunblaðið/RAX
Verkalýðsforingjar hafa efasemdir
um breytingar á veikindarétti.
Ágrein-
ingur rist-
ir djúpt
Áform um umbylt-
ingu veikindarétt-
ar gagnrýnd
STOÐIR hf. hafa lagt fram kauptil-
boð í allt hlutafé danska fasteigna-
félagsins Keops og gangi hluthafar
að því verða Stoðir stærsta fast-
eignafélagið á Norðurlöndum með
eignir upp á liðlega 350 milljarða ís-
lenskra króna.
Tilboð Stoða er upp á 24 danskar
krónur á hlut og greiðist í reiðufé eða
með bréfum í Stoðum. Miðað við það
gengi er markaðsverðmæti Keops
hátt í 50 milljarðar íslenskra króna
en Baugur Group og Fons Eignar-
haldsfélag eiga til samans um 62% í
Keops og hafa þegar gengið að til-
boðinu og fá greitt með bréfum í
Stoðum. Danskir fjölmiðlar telja lík-
legt að aðrir smærri hluthafar taki
tilboði Stoða. Mikið veltur þó á því að
Niels Thygesen, fyrrverandi fram-
kvæmdastjóri hjá Keops, gangi að
tilboðinu, en hann á 7,5% hlut, en til-
boð Stoða er háð því að félagið eign-
ist 90% hlutafjár og atkvæðamagns í
Keops. | 12
Stoðir
stækka
GUNNAR Svavarsson, forseti bæj-
arstjórnar Hafnarfjarðar og fulltrúi í
stjórn Hitaveitu Suðurnesja hf. (HS),
segist gera ráð fyrir að bærinn muni
nýta sér forkaupsrétt á 15,2% eign-
arhlut ríkisins í HS, sem ríkið sam-
þykkti að selja Geysi Green Energy
eftir útboðið í vor. Gunnar sagðist í
gærkvöldi jafnframt gera ráð fyrir að
Hafnarfjarðarbær myndi nýta sér
forkaupsrétt á eignarhlutum sem
Geysir Green Energy keypti í gær af
sjö sveitarfélögum í HS, fyrir um 15
milljarða kr. Alls nema kaup Geysis í
HS 22,6 milljörðum kr. Tilboð Geysis
í hlut ríkisins var á genginu 6,72 og
söluandvirðið 7,6 milljarðar kr.
Geysir keypti svo 28,4% af sveitar-
félögunum í gær á genginu 7,10 kr. á
hlut en aðrir eigendur hafa tvo mán-
uði ef þeir vilja nýta forkaupsrétt
vegna þeirra viðskipta.
„Mér sýnist Reykjanesbær fagna
[kaupum Geysis á hlut sveitarfélag-
anna] og ekki gera ráð fyrir því að
þeir nýti sér forkaupsréttinn. Þá
stefnir bara í það að Hafnarfjarðar-
bær eignist 60% í Hitaveitunni,“ seg-
ir Gunnar. Spurður hvort kaup af
þessari stærðargráðu séu ekki of stór
biti fyrir bæinn svaraði Gunnar því
neitandi. „Við höfum fínt bakland og
fjölmargir kaupendur hafa haft sam-
band við okkur, þannig að við munum
auðvitað bara horfa á þetta eins og
aðrir. Við eigum þolinmótt fé.“ Gunn-
ar sagði bæinn hafa verið annan
stærsta eiganda HS, bærinn vildi
vera áfram aðili að HS og hún væri
gott fjárfestingartækifæri. „Við horf-
um til þess að fjárfesta í fölum hlut-
um. 15% voru föl og nú voru að bæt-
ast við 30%. Fyrir eigum við 15%
þannig að ég get ekki séð annað en að
við séum að fara að fjárfesta þannig
að við eignumst 60% í félaginu.“
Geysir Green Energy undirritaði í
gær samninga um kaup á hlutum í
HS af Vestmannaeyjabæ, Árborg,
Kópavogi, Vogum, Sandgerði,
Grindavík og Garði. | 4
„Stefnir bara í að Hafnar-
fjörður eignist 60% í HS“
Í HNOTSKURN
»Geysir keypti í gær um28,4% hlut í Hitaveitu Suð-
urnesja hf. af 7 sveitarfélögum
fyrir 15 milljarða kr.
»Frestur til að nýta for-kaupsrétt vegna sölu á
15,2% hlut ríkisins í HS rennur
út næstkomandi þriðjudag.
»Reykjanesbær á tæp 39,8%í HS og Hafnarfjörður
15,4%. Önnur sveitarfélög
hafa selt, nema hvað sveit-
arfélögin á Suðurnesjum
halda eftir um 1,25% hlut.
Eftir Ómar Friðriksson
omfr@mbl.is
Brugðið á leik í brakandi blíðunni