Morgunblaðið - 30.06.2007, Side 2
2 LAUGARDAGUR 30. JÚNÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
JÁKVÆÐ viðbrögð Afríkuríkja við
framboði Íslands til Öryggisráðs
Sameinuðu þjóðanna eru óvænt að
sögn Ingibjargar Sólrúnar Gísla-
dóttur utanríkisráðherra. „Það kem-
ur mér á óvart að þau leggja áherslu
á það að við gætum haft ríkara hlut-
verki að gegna hér í Afríku heldur en
við höfum gert,“ segir Ingibjörg.
Hún hefur nú átt tvíhliða fundi með
utanríkisráðherrum nokkurra Afr-
íkuríkja.
Ingibjörg segist hafa notað tæki-
færið til að fræðast um málefni Afr-
íkuríkja og með hvaða hætti Íslend-
ingar geti aðstoðað við þróunarstörf,
ekki síst í þeim ríkjum sem búa yfir
jarðhita sem gæti verið nýtanlegur,
enda geti Ísland miðlað sérfræði-
þekkingu á því sviði. Aðalumræðu-
efni fundarins er þó að sögn Ingi-
bjargar þróun Afríkusambandsins í
átt að því að geta komið fram sem
heild. Ingibjörg hefur þó einnig get-
að nýtt tímann til að kynna framboð
Íslands til Öryggisráðsins og segir
hún að almennt sé vel tekið í það. „Þó
hefur réttilega verið bent á að nær-
vera okkar hefur ekki verið mikil í
Afríku til þessa, en samt er í þeirra
hugum ýmislegt sem mælir með Ís-
landi í þetta hlutverk.“
Þar megi fyrst nefna að Ísland sé
smáríki, líkt og mörg Afríkuríki eru,
og því þurfi ekki að óttast ógn eða af-
skiptasemi af hálfu Íslendinga, eins
og svo gjarnan hefur verið með
stærri Evrópuþjóðir. Í öðru lagi sé
litið til þess hve stutt er í raun síðan
Ísland var sjálft þróunarríki auk
þess sem það hafi, eitt fárra Evrópu-
landa, gengið í gegnum þá reynslu að
vera nýlenda. Allt þetta stuðli að já-
kvæðu viðhorfi gagnvart veru Ís-
lands í Öryggisráðinu, „vegna þess
að við höfum ekkert á samviskunni
gagnvart Afríku á sama hátt og svo
mörg Evrópuríki gera“.
Ísland gæti haft viðameira
hlutverki að gegna í Afríku
Ingibjörg Sólrún Gísladóttir er stödd á leiðtogafundi Afríkusambandsins í Gana
Kollegar Antoinette Batumubwira, utanríkisráðherra Búrúndí, ásamt Ingi-
björgu Sólrúnu sem segir umræður fundanna hafa verið mjög fróðlegar.
ÞAÐ var stöðug, jöfn umferð út úr höfuðborginni í
góða veðrinu í gærkvöldi. Að sögn lögreglunnar á Sel-
fossi gekk umferðin vel og engar tafir urðu. Sam-
kvæmt upplýsingum Vegagerðarinnar óku yfir 50.000
bílar um Vesturlandsveg ofan Ártúnsbrekku í gær og
ríflega 10.000 fóru yfir Hellisheiði.
Fyrsta helgin í júlí er jafnan mikil ferðahelgi en ekki
er örgrannt um að í blíðviðrinu hugsi sumir sér til
hreyfings sem annars hefðu heima setið.
Löggæsla á vegum verður efld um helgina. Lög-
reglan mun í samstarfi við Landhelgisgæsluna og Um-
ferðarstofu vera með umferðareftirlit úr lofti við
helstu umferðaræðar í og við höfuðborgina, austur í
Árnessýslu og til Borgarfjarðar. Eftirlitið mun standa
yfir frá föstudegi til sunnudags og miðað er við að
áframhald verði á þessu samstarfi í sumar.
Morgunblaðið/Sverrir
Í sólskininu kviknar ferðalöngunin
ÓSKAÐ hefur verið eftir gjald-
þrotaskiptum rækjuvinnslunnar
Miðfells hf. á Ísafirði en dómari
Héraðsdóms Vestfjarða krafðist
frekari gagna og var veittur frestur
til að skila þeim til þriðjudags.
Miðfell hætti rækjuvinnslu ótíma-
bundið síðastliðinn mánudag og á
fimmtudag greindu stjórnendur
fyrirtækisins starfsfólkinu frá því
að ákveðið hefði verið á hluthafa-
fundi að óska eftir gjaldþrotaskipt-
um félagsins. Um 40 manns vinna
hjá Miðfelli.
Finnbogi Sveinbjörnsson, for-
maður Verkalýðsfélags Vestfirð-
inga, segir að fresturinn þýði að
ekki sé búið að úrskurða félagið
gjaldþrota og vonandi boði það eitt-
hvað gott. Fyrstu viðbrögð hafi ver-
ið að hvetja starfsfólkið til að skrá
sig hjá Svæðisvinnumiðlun Vest-
fjarða og það ætli að hittast á skrif-
stofu Verkalýðsfélagsins á mánu-
dag.
Miklir erfiðleikar hafa verið hjá
fyrirtækjum í rækjuvinnslu.
Frestur
í máli
Miðfells
40 starfsmenn í
óvissu um vinnu
HELGI Laxdal,
formaður VM, fé-
lags vélstjóra og
málmtækni-
manna, segir að
verði þorskkvóti
skertur um 30%
og byggðarlög og
útgerðir fái sér-
tækar lausnir
muni félagsmenn
VM krefjast þess að þeir fái sam-
bærilegan stuðning.
Þar sem skerðing hefur ekki verið
ákveðin segir Helgi að ekki sé búið
að útfæra neinar kröfur, en ljóst sé
að félagar VM sætti sig ekki við að
verða settir til hliðar verði öðrum
bætt upp tekjutap. „Þá munum við
fara fram á hliðstæðar bætur til
handa okkar mönnum,“ segir Helgi.
VM vill
sama stuðning
og aðrir
Helgi Laxdal
♦♦♦
21 LAUMUFARÞEGA, 18 körlum
og þremur konum, var bjargað úr
flotkvíum um borð í íslenska rækju-
togarann Eyborgu frá Hrísey á
fimmtudagsmorgun þegar skipið var
á leið til Möltu.
Eyborgin er skráð í Litháen og
hefur verið í ýmsum verkefnum á
Miðjarðarhafinu undanfarin tvö ár.
Hún hafði að þessu sinni verið send
að landhelgi Líbýu til að aðstoða skip
við að draga flotkvíar sem notaðar
eru við túnfiskveiðar. Hitt skipið var
of kraftlítið til að draga kvíarnar sem
eru grindarbúr sem mara hálf í kafi.
Þegar Eyborgin var hálfnuð á leið
sinni til Möltu með flotkvíarnar í togi
er talið að annað skip hafi siglt upp
að kvíunum og losað sig þar við
flóttafólkið í skjóli nætur. Einn úr
hópnum var látinn þegar fólkinu var
bjargað. Flóttafólkið er talið vera frá
Norður-Afríku.
Um borð í Eyborginni er níu
manna áhöfn en einungis skipstjór-
inn er íslenskur.
Samkvæmt fréttavef Fiskifrétta,
www.skip.is, var Eyborgin við veiðar
á rækju á Flæmingjagrunni áður en
hún hélt til Miðjarðarhafsins þar
sem heimahöfn hennar er Valletta á
Möltu.
Birgir Sigurjónsson, útgerðar-
maður og eigandi skipsins, vildi ekki
tjá sig um málið í gær og sagði hann
það vera orðið að milliríkjamáli sem
hann væri svo ógæfusamur að vera
orðinn milliliður í.
Fólkið var í túnfiskflotkvíum
Áhöfn Eyborgar bjargaði 21 flóttamanni á Miðjarðarhafinu og siglir til hafnar
á Möltu Einn flóttamannanna var látinn þegar fólkinu var komið til bjargar
Ljósmynd/Guðmundur St. Valdimarsson
Björgun Eyborgin tók 21 flóttamann um borð en einn var látinn.
EKKI liggur fyrir hverjir mögu-
leikar Íslendinga eru á að fá upplýs-
ingar um meint
fangaflug banda-
rísku leyniþjón-
ustunnar í ís-
lenskri lofthelgi,
að sögn Ingi-
bjargar Sólrúnar
Gísladóttur utan-
ríkisráðherra.
Hún segir rann-
sóknina enn á
frumstigi og enn
óljóst hvernig
henni verður háttað.
„Ég hef beðið sendiherra okkar í
Strasbourg að setja sig í samband
við mannréttinda- og laganefnd
þings Evrópuráðsins og fá leiðsögn
frá þeim um hvernig við getum stað-
ið að rannsókninni,“ segir Ingibjörg.
Hún segir að fundað verði með
nefndinni eftir helgi og ættu málin
því að skýrast á næstu dögum.
Rannsóknin
á frumstigi
Ingibjörg Sólrún
Gísladóttir
Afla upplýsinga
um fangaflugið
SAMNINGUR um eflingu og vernd
fjárfestinga á milli Íslands og Ind-
lands var undirritaður í gær. P.
Chidambaram, fjármálaráðherra
Indlands, er á landinu í tveggja
daga heimsókn og undirritaði
samninginn ásamt Árna M. Mathie-
sen fjármálaráðherra.
Chidambaram sagði við það tæki-
færi að í raun væri samningurinn
formsatriði, enda væru bæði Ind-
land og Ísland réttarríki, en hins-
vegar mætti líta á samninginn sem
nokkurskonar „hughreystingu“ fyr-
ir fjárfesta í báðum löndum.
Hann segir viðræðum lokið um
tvísköttunarsamning á milli Ind-
lands og Íslands og að drög liggi
fyrir. „Það ferli klárast á næstu
tveimur til þremur mánuðum og
samningurinn ætti að verða tilbúinn
til undirritunar í september eða
október. Ég hef boðið Árna M.
Mathiesen fjármálaráðherra í heim-
sókn til Indlands og sagði að við
myndum undirrita samninginn við
það tækifæri.“
Chidambaram er hér á landi til
að liðka fyrir viðskiptum milli land-
anna og fundaði m.a. með Geir H.
Haarde forsætisráðherra og
frammámönnum úr viðskiptalífinu.
Samningar
við Indland
♦♦♦