Morgunblaðið - 04.01.2008, Blaðsíða 17
MORGUNBLAÐIÐ FÖSTUDAGUR 4. JANÚAR 2008 17
AKUREYRI
RÚMRI einni milljón króna til 27
verkefna var úthlutað úr Spretti,
styrktarsjóði UÍA og Alcoa Fjarða-
áls fyrir áramót. Mest fór í ferða-
styrki, ríflega 600 þúsund, en einn-
ig var veitt til útbreiðslustarfsemi
og mótahalds. Hæsta styrkinn hlaut
Knattspyrnufélag Fjarðabyggðar,
175.000 krónur, vegna ferðakostn-
aðar.
Á seinasta ári var alls úthlutað
þremur milljónum króna úr sjóðn-
um í þremur úthlutunum. Sjóðurinn
var stofnaður árið 2005. Síðan hef-
ur um sjö milljónum króna verið út-
hlutað til ýmissa verkefna tengdra
íþrótta- og æskulýðsmálum á Aust-
urlandi.
Þriggja ára samningstímabil
rann út um áramótin. Samninga-
viðræður um áframhaldandi sam-
starf Alcoa Fjarðaáls og UÍA um
Sprett eru á lokastigi.
Sprettur leggur fé
í 27 íþróttaverk-
efni á Austurlandi
AUSTURLAND
Reyðarfjörður | Útsala hefur und-
anfarna daga staðið yfir á ýmsum
hlutum úr starfsmannaþorpinu við
Haga á Reyðarfirði. Hagi, sem er
um 1 km frá þéttbýlinu á Reyð-
arfirði, var til skamms tíma eitt fjöl-
mennasta þéttbýli Austurlandsfjórð-
ungs.
Allt er selt að undanskildum raf-
magnstækjum og húsgögnum sem
verða látin fylgja búðunum er þær
verða seldar.
Meðal þess sem hefur verið til
sölu eru ýmis tæki tengd þrifum,
sængurföt og rúmföt, rusladallar,
fatnaður, ljósabekkur, hitakassar
fyrir matvæli og hitakönnur.
Talsverður áhugi hefur verið á
sölu munanna á Haga og búið að
losa út mikið af því sem stóð til boða.
Lausamunir seldir
úr búðum Bechtel
Fjarðabyggð | Í aðalskipulagsvinnu
Fjarðabyggðar, sem nú stendur
sem hæst, er horft á Búðareyri,
þéttbýlið í Reyðarfirði, sem þróun-
arsvæði. Olíutankar, sementssíló og
fleiri iðnaðartengd mannvirki eru
þar á tímabundnum leyfum og
munu flytjast í stóriðjuhöfnina á
Mjóeyri. Helga Jónsdóttir, bæj-
arstjóri Fjarðabyggðar, segist sjá
fyrir sér mjög fallegan miðbæ á
Reyðarfirði þar sem endurnýjun
verði á byggðinni.
„Hér er raunverulegur möguleiki
á glæsilegum og hlýlegum miðbæj-
arkjarna,“ segir Helga. „Skipulags-
lega er hér einstakt tækifæri til að
gera miðbæ frá grunni, sem heldur
utan um alla þjónustu, en það er
augljós kostur. Reyðarfjörður yrði
þá miðkjarni Fjarðabyggðar.“
Horft er til þess að Reyð-
arfjörður verði miðstöð viðskipta,
þjónustu og stjórnsýslu sveitarfé-
lagsins. Hafnarstarfsemi verður
áberandi á svæðinu og vísindasetur
um álframleiðslu gæti orðið til þar.
Á Norðfirði verður hins vegar sam-
kvæmt hugmyndum aðalskipulags
miðstöð menntunar og heilbrigð-
isþjónustu, auk þess sem sjávar-
útvegur er þar sterkur þáttur.
Eskifjörður er gamli bærinn í
Fjarðabyggð og byggir á ferðaþjón-
ustu, afþreyingu og lifandi safn-
astarfsemi, auk heilsutengdrar
ferðaþjónustu. Á Fáskrúðsfirði sjá
menn fyrir sér eftirsóttan byggða-
kjarna sem hýsi rólegt og fjöl-
skylduvænt samfélag.
Hlutverk Mjóafjarðar í framtíð-
inni veltur á göngum til Seyð-
isfjarðar og Héraðs. Óvíst þykir
hvort byggð helst þar til langframa,
en fiskeldishugmyndir hafa ekki
verið gefnar upp á bátinn þótt lax-
eldi sé nú fyrir bí í firðinum. Frið-
sæld og möguleikar til útivistar ein-
kenni staðinn. Stöðvarfjörður er svo
útvörður og andlit Fjarðabyggðar í
suðri, með staðbundna ferðaþjón-
ustu og blómlega liststarfsemi.
Morgunblaðið/ÞÖK
Miðbær Búðareyri við Reyðarfjörð hefur eflst mikið og tekur senn við sem
miðkjarni Fjarðabyggðar allrar samkvæmt aðalskipulagi sem er í vinnslu.
Miðkjarni Fjarða-
byggðar skapaður
Neskaupstaður | Bræðsla Síld-
arvinnslunnar í Neskaupstað
hlaut nýlega viðurkenningu frá
Vinnueftirliti fyrir að ljúka
áhættumati á vinnustaðnum.
Þar með er Síldarvinnslan fyrst
fyrirtækja á Austurlandi til að
komist í svokallaðan A-flokk fyr-
irtækja. Það þýðir að í framtíð-
inni mun Vinnueftirlitið ekki
koma til að taka út vinnustaðinn,
heldur sér Síldarvinnslan sjálf
um úttektir á öryggi í bræðslu
sinni.
Það var Guðjón B. Magnússon
viðhaldsstjóri hjá SVN sem stýrði
vinnu við áhættumatið, en að
hans sögn er matið sterkt og gott
tæki til að koma öryggismálum í
lag í fyrirtækjum. Allir starfs-
menn vinnustaðarins tóku þátt í
vinnu við gerð áhættumatsins.
Öryggi gott hjá SVN
Morgunblaðið/Kristín Ágústsdóttir
Öryggi Fulltrúi Vinnueftirlitsins afhendir SVN öryggisvottun fyrir bræðslu.
Neskaupstaður | Nýlega var undir-
ritaður verksamningur milli sveitar-
félagsins Fjarðabyggðar og Nestaks
ehf. á Norðfirði vegna stækkunar á
verkkennsluhúsi Verkmenntaskóla
Austurlands.
Byggt verður ofan á þak fyrstu
hæðar eldri hluta hússins. Mun ný-
byggingin skaga út fyrir hæðina og
standa þar á steyptum súlum og vegg.
Veggir aðalhluta byggingarinnar
verða steyptir. Þak aðalbyggingar-
innar mun verða klætt með stáli og
borið uppi af límtrjám. Húsið verður
einangrað að utan og klætt með
trefjaplötum.
Gólfflötur viðbyggingarinnar verð-
ur 300 fm að stærð.
Stefnt er að því að framkvæmdir
við bygginguna hefjist í mars á þess
ári og eru áætluð verklok í desember
nk.
Byggt við hús VA
HVORKI púkar, tröll né jólasveinar
verða á sveimi á félagssvæði
íþróttafélagsins Þórs á þrett-
ándanum. Stjórn Þórs hefur ákveð-
ið að halda ekki þrettándagleði, en
slík skemmtun hefur verið reglu-
lega á vegum félagsins síðan 1934.
Sigfús Ólafur Helgason, formað-
ur Þórs, segir ástæðu fyrir ákvörð-
un stjórnar félagsins þá að miklar
framkvæmdir standi yfir á fé-
lagssvæðinu, þess vegna sé nær
ómögulegt að halda skemmtunina
utandyra og erfitt sé að halda hana
inni í Boganum án þess að jarð-
vegur berist þangað inn og í gervi-
grasið vegna framkvæmdanna.
Formaður Þórs tók skýrt fram í
gær að ekki væri verið að slá sam-
komuna af til frambúðar. Þrett-
ándagleðin hefði verið býsna vel
sótt, en farið yrði yfir stöðuna og
athugað hvort e.t.v. sé ástæðu til
þess að endurskoða samkomuna að
einhverju leyti fyrir næsta ár.
Morgunblaðið/Kristján
Þórsarar
aflýsa þrett-
ándagleði
HÓTEL verður rekið í byggingu
sem rís á næstu misserum á svæð-
inu neðan við Sparisjóð Norðlend-
inga í miðbæ Akureyrar. Stefnt er
að því að á hótelinu verði um 70 her-
bergi, a.m.k. til að byrja með, en ráð
gert fyrir möguleika á því að þeim
megi fjölga ef ástæða þykir til. Fjár-
festar hafa viðrað hugmyndir um
annað hótel í næsta nágrenni, skv.
áreiðanlegum heimildum Morgun-
blaðsins, en líkur á því að þær verði
að veruleika eru sagðar hverfandi.
Deiliskipulag í vinnslu
Svæðið þar sem nýja byggingin
rís er svokallaður Glerárgötureitur
nyrðri, einn fimm reita sem bæj-
aryfirvöld ákváðu fyrir nokkru að
skipulagðir yrðu á næstu árum, í
tengslum við þær gríðarlegu breyt-
ingar sem fyrirhugaðar eru á miðbæ
Akureyrar skv. alþjóðlegri sam-
keppni sem fram fór. Það var skosk-
ur arkitekt, Graeme Massie, sem
átti verðlaunatillöguna.
Vinna við deiliskipulag Glerárgöt-
ureits nyrðri stendur nú yfir og lýk-
ur að öllum líkindum í lok næsta
mánaðar eða í byrjun mars. Fljót-
lega eftir það ætti að skýrast hve-
nær framkvæmdir geta hafist.
Það er félagið Njarðarnes ehf.
sem hefur byggingarrétt á svæðinu,
en félagið er að fullu í eigu Spari-
sjóðs Norðlendinga og eina verkefni
þess þróun á umræddum bygging-
arreit.
Í byggingunni verður, auk hótels-
ins, ýmiss konar starfsemi, verslun,
þjónusta og hugsanlega veitinga-
rekstur, auk hefðbundinna íbúða. Þá
verður í húsinu bílakjallari og Morg-
unblaðið veit að til skoðunar er
möguleiki á því að göng verði úr
bílakjallaranum, undir Glerárgötu
yfir í Hof, menningarhúsið sem nú
rís handan götunnar. Ekki er gert
ráð fyrir sérstökum bílastæðum við
Hof, heldur að stæði í nágrenninu
verði nýtt, m.a. vestan Glerárgöt-
unnar og þess vegna þykja göng
geta verið mjög hentug.
Vildu hótelturn við Hof
Svo virðist sem töluverð trú sé á
aukinni ferðaþjónustu í höfuðstað
Norðurlands því aðrir fjárfestar
hafa sýnt því áhuga að reisa hótel
þarna skammt frá; hótelturn niðri
við sjóinn á milli Hofs, menningar-
hússins nýja, og líkamsræktarstöðv-
arinnar Átaks. Hugmyndin um hót-
elturninn hefur verið lauslega
viðruð við bæjaryfirvöld, en þar á
bæ þykja áformin vart raunhæf og
ekki gert ráð fyrir því að þetta mál
fari í formlegt ferli í kerfinu á næst-
unni.
Nýtt 70 herbergja hót-
el og áhugi fyrir öðru
Morgunblaðið/Skapti Hallgrímsson
Miðbærinn Fyrirhugað hótel verður í húsi sem rís við Sparisjóðinn, sem
blasir við fyrir miðju. Myndin er tekin úr menningarhúsinu Hofi sem nú rís.
Í HNOTSKURN
»Á Akureyri eru a.m.k. 140hótelherbergi. Að auki eru í
bænum nokkur gistiheimili og
mikill fjöldi íbúða í eigu verka-
lýðsfélaga. Þegar menningar-
húsið Hof verður tekið í notkun
standa vonir til þess að þar verði
ráðstefnur og slíkir viðburðir
þannig að spurn eftir gistirými
eykst væntanlega.
Göng undir Glerárgötu úr bílakjallara nýbyggingar og í Hof?
FJÁRHAGSÁÆTLUN sveitarfé-
lagsins Fjallabyggðar fyrir árið 2008
gerir ráð fyrir því að rekstrarniður-
staða verði jákvæð um 104 milljónir
króna. Áætlað er að handbært fé
verði 366 milljónir í lok þessa árs,
sem er 23% af heildartekjum. Áætl-
aðar eru framkvæmdir fyrir um 244
milljónir í sveitarfélaginu á árinu.
Sveitarfélagið Fjallabyggð varð til
við sameiningu Ólafsfjarðarbæjar og
Siglufjarðarkaupstaðar árið 2006.
Á þessu ári á að ljúka við stækkun
leikskólans í Ólafsfirði og kaupa á
snjótroðara fyrir skíðasvæðið á
Siglufirði. Þá á að halda á áfram
framkvæmdum við gatnagerð,
vatnsveitu, fráveitu, hafnir, auk við-
halds og uppbyggingu á ýmsum
eignum bæjarins.
Framkvæmdir við
framhaldsskóla
Stærsti einstaki þátturinn innan
áætlunarinnar eru 65 miljónir sem
ætlaðar eru til byggingafram-
kvæmda við framhaldsskóla með
höfuðstöðvar í Ólafsfirði. Nýverið
auglýsti menntamálaráðuneytið eftir
verkefnisstjóra sem ætlað er að
vinna að undirbúningi að stofnun
framhaldsskólans í samvinnu við
stýrihóp sem menntamálaráðherra
skipaði á árinu 2007.
Í tilkynningu frá sveitarfélaginu
Fjallabyggð segir: „Áætlun ársins
2008 ber með sér að sveitarfélagið er
að auka verulega við framkvæmdir
frá árinu 2007 og er það m.a. gert til
eflingar atvinnulífs í Fjallabyggð en
áhrifa kvótaskerðingar er þegar far-
ið að gæta á atvinnumarkaði Fjalla-
byggðar.“
Framkvæma
á fyrir 224
milljónir kr. í
Fjallabyggð