Morgunblaðið - 22.06.2008, Blaðsíða 15

árs gamlar fréttir þar sem hann eys
eldi og brennisteini yfir NATO og
hyllir talibana og að vera svo með
honum á fundum í dag þar sem
hann eys eldi og brennisteini yfir
talibana og fordæmir illvirki þeirra
sem hann áður lofaði.“
Brennivín og byssuburður
Eftir hádegi hrindir Börkur því í
verk sem ákveðið var á samhæfing-
arfundinum eða er í símanum „að
leiðrétta fréttir eða finna út hver sé
höfundur einhverrar fréttar sem
manni finnst vafasöm“. Frá því fyrir
skömmu fór mikill tími hjá honum í
að teikna upp landslag fjölmiðlanna,
búa til skrá þar sem koma fram
upplýsingar um stefnu fjölmiðilsins,
áhrif hans, gæði og símanúmer á
helstu forsvarsmenn. „Fyrir vikið
fór ég á fund margra þeirra og hef
kynnst mörgum blaða- og sjón-
varpsmönnum vel.“
– Er eitthvað hversdagslegt við
þessa tilveru?
„Já, þetta er eiginlega mjög
hversdagsleg tilvera. Með öllu sem
því tilheyrir, viðhaldi á líkamanum,
tannburstun, þvotti, áti, vinnu fyrir
framan tölvuna, gríni og spjalli við
samstarfsfélagana og ekki frá-
brugðið eðlilegum dögum heima á
Íslandi, ef undan er skilið að menn
ganga ekki um með vélbyssur á
bakinu í Lækjargötunni. Það eru
líka sjaldséð skilti fyrir utan kaffi-
húsin á Laugaveginum þar sem
stendur að bannað sé að drekka
áfengi ef maður er vopnaður.
Brennivín samhliða byssuburði er
ekki vinsælt hér.“
– Hefurðu komist í hann krapp-
an?
„Nei, ég hef ekki komist í hann
krappan.“
– Gera Íslendingar gagn í Afgan-
istan?
„Já, þeir gera gagn og eru yf-
irleitt mjög vel liðnir. Það eru um
átta Íslendingar á flugvellinum sem
gegna mikilvægu hlutverki í rekstri
vallarins. Í Meymanar eru nokkrir
Íslendingar sem hafa þó nokkurt fé
til umráða í þróunaruppbyggingu
svæðisins og leggja fé og vinnu í
ýmiskonar verkefni eins og að
byggja brunna, efla skólastarfið og
annað aðkallandi fyrir Afganana í
Meymanar. Hér í höfuðstöðvunum
erum við nokkur sem leggjum fjöl-
miðladeild NATO lið og ég hef ekki
orðið var við neitt nema mikla
ánægju með framlag okkar.“
Kvikmynd á kvöldin
Börkur vinnur að kvikmynd með-
fram störfum sínum í Afganistan, en
prufutökur fóru fram í fyrrahaust
og ætlar hann að taka hana upp í lok
sumars. Hann segir vel hægt að
gefa sér tíma til að vinna að mynd-
inni meðfram störfunum
„Já það er hægt. Ég reyni að vera
ekki í vinnunni á kvöldin og næ þá
yfirleitt tveimur til þremur tímum í
vinnu í handritinu áður en ég fer að
sofa. Það er ekki svo erfitt að þvinga
sig til þess. Hvað ætti maður svo-
sem að gera annað hérna? Það eru 2
þúsund manns í þessum búðum og
af því eru aðeins rúmlega 100 stelp-
ur. Hlutföllin eru sem sagt 20 strák-
ar á hverja stelpu. Samkeppnisað-
ilar um athygli stúlknanna eru síðan
fílefldir karlmenn á milli tvítugs og
þrítugs sem gætu hæglega hlaupið
tvö til þrjú maraþon fyrir hádegi,
lyft og sveiflað lóðum eins og þau
væru tannstönglar og eru líklegir til
að bryðja grjót í hádegismat til að
herða sig.“
Börkur grettir sig.
„Maður eyðir ekki tíma í að glápa
á stelpur í svona vonlausum að-
stæðum og bíður bara með það
þangað til maður kemur heim. Það
er mun betra að eyða kvöldinu með
stelpunum í handritinu mínu þar
sem þær láta mun betur að stjórn
og gráta eða hlæja þegar ég ákveð
að láta þær gera það, annað en þess-
ar raunverulegu hérna í búðunum
sem hlæja að annarra manna brönd-
urum og glápa á allt aðra stráka
heldur en mig. Svo eru þær flestar
vopnaðar vélbyssum hérna þannig
að maður tekur enga áhættu í þess-
um fáu viðreynslutilraunum sínum;
þær myndu ekki láta sér nægja að
slá mann utan undir ef maður
myndi móðga þær.“
Kvikmyndin var raunar ástæðan
fyrir því að Börkur fór til Afganist-
an, því hann fjármagnar hana að
hluta til sjálfur. „Ég hef það alltaf
fyrir sið að fara í stríð til að fjár-
magna kvikmyndir mínar,“ segir
hann og hlær. „Fyrsta bíómyndin
mín, Sterkt kaffi, var borguð með
dvöl minni í Bagdad. Og nú kemur
NATO sterkt inn með því að greiða
mér góð laun og fjármagna þannig
næstu bíómynd.“
Misalvarleg vandræði
Hugmyndin að kvikmyndinni
kviknaði fyrir einu og hálfu ári og
hefur Börkur síðan unnið að hand-
ritinu og æft með leikurum, en í
burðarhlutverkum eru Jón Páll
Eyjólfsson, Björn Thors, Edda
Heiðrún Bachman, Halldór Gylfa-
son, Maríanna Clara Lúthersdóttir
og Guðrún Bjarnadóttir.
„Þetta er gamanmynd um tvö pör
sem eiga í misalvarlegum vandræð-
um með að ná saman og hvernig þau
vinna sig út úr þeim vandræðum
eða vinna sig inn í enn meiri vand-
ræði, eftir því hvaða dæmi úr mynd-
inni við tökum.“
– Svo ertu með skáldsögu í burð-
arliðnum?
„Já, ég var langt kominn með
hana áður en ég kom hingað út en er
núna búinn með hana. Hún kemur
út í haust og nefnist „Hvernig ég
hertók höll Saddams“. Þetta er lýs-
ing á frægðarför íslenska hersins til
Írak, ástum hersins, örlögum, mór-
ölsku niðurbroti og loks skipulegu
undanhaldi mínu úr sprengjuregn-
inu í Bagdad. Það er mjög afslapp-
andi að geta eytt síðustu klukkutím-
unum fyrir svefninn í að laga
setningar í sögunni.“
– Hvers saknarðu á Íslandi?
„Flestalls, ég sakna þess að geta
ekki daðrað við afgreiðslustúlkur,
ég sakna ferska loftsins, tuðsins í
félögum mínum, nálægðarinnar við
fjölskylduna og þá sem maður elsk-
ar; ég sakna plássins, að geta verið
einn einhvers staðar, að geta hreyft
sig í herberginu sínu án þess að rek-
ast í skápa eða ókunnugt fólk sem
plantað er í herbergið mitt – eini
staðurinn þar sem maður getur ver-
ið einn í Kabúl er þegar maður fer
að kúka.“ pebl@mbl.is
Rigning Halldór Gylfason og Björn Thors í tökum.
MORGUNBLAÐIÐ SUNNUDAGUR 22. JÚNÍ 2008 15
Krókhálsi 5 - 110 Reykjavík - Sími 517 8050 - Sportbudin.is
Ha, útsala?
Já, 10 daga útsala
á eldri stangaveiðibúnaði
í Sportbúðinni,
Krókhálsi 5 hefst í dag.
Opið í dag frá 12 til 16
30 til 60% afsláttur
Öndunarvöðlur á hálfvirði
Veiðijakkar á hálfvirði
Kaststangir á hálfvirði
Flugustangir á hálfvirði
Kasthjól á hálfvirði
Fluguhjól á hálfvirði
Misstir þú af síðustu útsölu Sportbúðarinnar?
Þessari sem allir eru að tala um.
Ætlarðu líka að missa af þessari?
Renndu við og gerðu góðan díl í sumarbyrjun
Takmarkað magn og aðeins í 10 daga!