Morgunblaðið - 25.09.2008, Blaðsíða 15
MORGUNBLAÐIÐ FIMMTUDAGUR 25. SEPTEMBER 2008 15
FRÉTTIR
Eftir Helga Bjarnason
helgi@mbl.is
Eyjafjöll | Ungmennafélag Íslands
hefur hug á því að stofna ung-
mennabúðir í húsnæði Héraðsskól-
ans í Skógum undir Eyjafjöllum.
Starfsemin verður í anda ung-
mennabúða UMFÍ á Laugum í Sæ-
lingsdal nema hvað lögð verður
áhersla á þjónustu við framhalds-
skólanema. Hugsanlegt er að starf-
semin þróist í áttina að óformlegum
lýðháskóla sem yrði opinn fyrir er-
lend ungmenni.
Byggðasafnið í Skógum tók hús-
næði Héraðsskólans í Skógum á
leigu, fyrir hönd sveitarfélaganna,
eftir að framhaldsskóli lagðist þar
af. Edduhótelin hafa verið þar með
starfsemi á sumrin. Forystumenn
Rangárþings eystra buðu Ung-
mennafélagi Íslands aðstöðu fyrir
ungmennabúðir og hefur hug-
myndin verið að þróast síðustu ár.
Auglýst eftir forstöðumanni
Auglýst verður eftir forstöðu-
manni búðanna á næstunni, að sögn
Sæmundar Runólfssonar, fram-
kvæmdastjóra UMFÍ, og mun hann
vinna úr þeim hugmyndum sem fyr-
ir liggja um starfsemina ásamt
nefnd sem stjórnar verkefninu.
„Starfsemi okkar á Laugum hefur
gengið mjög vel og aukist ár frá ári.
Þangað koma nú tæplega tvö þús-
und nemendur á ári,“ segir Sæ-
mundur. Þar er tekið á móti 9. bekk-
ingum og þeir fræddir um forvarnir
og hvattir til þátttöku í félagsstarfi
og tómstundastarfi af ýmsu tagi.
Hugmyndin um ungmennabúðir í
Skógum hefur þróast út í að bjóða
þar upp á starfsemi fyrir nemendur
á framhaldsskólaaldri og að lögð
verði áhersla á forvarnir með svip-
uðum hætti og í ungmennabúðum
grunnskólanemenda á Laugum.
UMFÍ hefur sótt um stuðning rík-
isins við þetta nýja verkefni.
Sæmundur segir að aðstaðan í
Skógum henti vel fyrir slíka starf-
semi. UMFÍ er í samvinnu við
danska lýðháskóla og þangað fer
fjöldi íslenskra ungmenna. Sæ-
mundur telur góða möguleika á að
þróa starfsemina í Skógum frekar í
framtíðinni, í áttina að starfsemi
lýðháskóla að norrænni fyrirmynd
og fá þangað nemendum frá Norð-
urlöndunum.
„Við höfum áhuga á að koma lífi í
þennan gamla skólastað á ný. Þarna
er heilmikil aðstaða sem mætti nýta
meira,“ segir Elvar Eyvindsson,
starfandi sveitarstjóri Rangárþings
eystra. Hann segir þörf fyrir þessa
starfsemi og treystir UMFÍ til að
vinna verkið á réttan hátt. Þónokk-
ur störf verða við búðirnar.
Morgunblaðið/Jónas Erlendsson
Forn frægð Héraðsskóli og framhaldsskóli voru í Skógum í fimmtíu ár. Skólahaldi var hætt fyrir níu árum.
Líf í héraðsskólann
UMFÍ og heimamenn undirbúa stofnun ungmennabúða
í húsnæði Héraðsskólans í Skógum undir Eyjafjöllum
Eftir Dag Gunnarsson
dagur@mbl.is
EVRÓPUNEFND ríkisstjórnarinn-
ar fundaði í gærmorgun með Joa-
quín Almunia, framkvæmdastjóra
gengis- og efnahagsmála innan ESB,
og sagði hann að Íslendingar ættu
ekki kost á öðru en að ganga í ESB
til að geta tekið upp evruna.
Ágúst Ólafur Ágústsson, og Illugi
Gunnarsson, formenn Evrópunefnd-
arinnar, segja að íslenska nefndin
hafi fengið alveg skýr svör um að
Almunia teldi að breyta þyrfti lögum
ESB til að Íslendingar gætu tekið
upp evru án inngöngu og að fyrir því
væri ekki pólitískur vilji.
„Almunia sagði að lagalega væri
ekki möguleiki að fara þessa leið og
að menn yrðu einfaldlega að vera að-
ilar ef þeir ætluðu að taka upp evr-
una,“ sagði Ágúst Ólafur í samtali
við mbl.is. „Hann sagði að ekki væri
hægt að líta til þeirra smáríkja sem
hafa tekið upp evruna, eins og An-
dorra, Mónakó, San Marínó og Vat-
íkansins, með sama hætti og við
myndum gera því þau ríki voru auð-
vitað með gömlu myntir aðildarríkja
Evrópusambandsins, líru, franka
eða peseta og þessi ríki hefðu ekki
sjálfstæða peningamálastefnu, hefðu
ekki seðlabanka, þannig að það væri
ekkert hald í þeim fordæmum.“
Illugi Gunnarsson sagði að afstaða
Almunia kæmi ekki á óvart. „Alm-
unia túlkar lög ESB sem heimila
öðrum ríkjum að nota evruna mjög
þröngt. Þetta eru lög sem menn hafa
notað til að semja við önnur ríki um
notkun á evrunni og Almunia telur
að þeim þyrfti að breyta ef þau ættu
að ná yfir Ísland og hann telur póli-
tískt útilokað að gera slíkt.“
„Ferðin hefur verið mjög gagnleg.
Það hefur allt gengið mjög vel og nú
höfum við einnig fengið mjög afger-
andi svör embættismanna hvað varð-
ar upptöku evrunnar. Síðan leggja
íslensk stjórnvöld sitt mat á þetta
þegar þau fara að velta framtíðar-
skipan mála fyrir sér,“ sagði Illugi að
lokum.
Upptaka evru útilokuð
Evrópunefnd ríkisstjórnarinnar fundaði með Joaquín Alm-
unia og hafði hann sömu afstöðu og aðrir embættismenn ESB
Ágúst Ólafur
Ágústsson
Illugi
Gunnarsson
HÉRAÐSSKÓLI tók til starfa í
Skógum á árinu 1949 eftir að
Rangárvalla- og Vestur-Skafta-
fellssýslur tóku við stórum hluta
jarðarinnar Ytri-Skóga í Austur-
Eyjafjallahreppi að gjöf. Eigendur
jarðarinnar gáfu landið í þeim til-
gangi að stofnaður yrði skóli á
staðnum. Héraðsskóli og síðar
framhaldsskóli var þar í fimmtíu
ár.
Framhaldsdeild var stofnuð við
Héraðsskólann í Skógum árið 1974
í samstarfi við Menntaskólann á
Laugarvatni. Fjölbrautaskóli Suð-
urlands var stofnaður á Selfossi
árið 1981 á grunni margra skóla á
Suðurlandi. Þá var tekið upp
áfangakerfi í Skógum og frá 1991
voru þar aðeins tveir fyrstu bekkir
framhaldsskóla. Nemendum fór
fækkandi og þegar ríkið hætti
rekstri Skógaskóla 1989 tóku
heimamenn byggingarnar á leigu í
þeim tilgangi að reka hann áfram
sem einkaskóla með nýjum náms-
brautum. Skólahald lagðist síðan
alveg af árið eftir.
Skóli í héraði í hálfa öld
Á MIÐVIKUDAG náðist samkomu-
lag um að Kaj Leo Johannesen, leið-
togi Sambandsflokksin, yrði nýr
lögmaður Færeyja. Hann tekur við
af Jóannesi Eidesgaard sem hefur
gegnt því starfi í rúm fjögur ár.
Utanríkisráðherra verður Jørg-
en Niclasen, leiðtogi Fólkaflokks-
ins, og að sögn færeyska útvarpsins
þykir líklegt að Eidesgaard taki
embætti fjármálaráðherra.
Jafnaðarflokkurinn fær einnig
ráðuneyti menntamála og heil-
brigðismála.
Kaj Leo er 44
ára gamall og
hefur setið á fær-
eyska lögþinginu
frá árinu 2001.
Hann hefur
starfað við sjó-
mennsku og sjáv-
arútveg auk þess
að stunda við-
skipti. Hann var
á tímabili einn
þekktasti knattspyrnumaður Fær-
eyja.
Nýr lögmaður í Færeyjum
Kaj Leo
Johannesen
Ábyrgar fiskveiðar, vottun og
merki á íslenskar sjávarafurðir
Kristján Þórarinsson, stofnvistfræðingur
LÍÚ, varaformaður Fiskifélags Íslands
Ashutosh Muni
Ayurveda – Leið til betra lífs
Helgarnámskeið í indverskum heilsufræðum
Ayurveda með jógameistaranum og
lækninum Ashutosh Muni
í Gerðubergi 26.–28. september
Fjallað verður um hvernig við getum bætt and-
lega og líkamlega heilsu, með því að haga lífinu í
samræmi við líkamsgerð, sem okkur verður
hjálpað að greina á námskeiðinu.
Ayurveda dýpkar skilning á andlegu leiðinni og
skýrir hvaða áhrif lífsmáti og daglegar neyslu-
venjur hafa á andlegt líf okkar og líkamlega
heilsu. Ashutosh Muni er læknir og hefur djúp-
stæða þekkingu á vediskum fræðum þar sem
hann hefur helgað líf sitt andlegri iðkun og
jógaástundun.
Þetta er tækifæri til samveru með einstökum
meistara jógavísindanna sem áhugasamir ættu
ekki að láta fram hjá sér fara.
Upplýsingar og skráning:
Einar 861 2101, Kristbjörg 861 1373,
Áslaug 694 8475,
yoga@simnet.is og www.muni.is