Sjómannablaðið Víkingur - 01.12.1999, Blaðsíða 8

Aflamaður aldarinnar
Hver er hann?
Þær ótrúlegu breytingar sem hafa orðið á íslensku þjóðlífi á
þessari öld hafa ekki síst orðið vegna þess hversu mikinn afla
við höfum sótt í hafið. Löngum var það þannig að
aflaskipstjórar voru þekktir borgarar og aflafréttir voru sagðar
reglulega i fréttatímum og lesin röð efstu báta. Vissulega er
það svo að ekki er öllum gefið að vera miklir fiskimenn, það
sýnir reynslan.
Nú þegar öldin er að renna sitt skeið er ekki úr vegi að líta
til baka. Það ætlar Sjómannablaðið Víkingur að gera með
hjálp lesenda. Lesendur blaðsins eru beðnir um að vera
þátttakendur í að velja aflamann, eða kannski er réttara að
segja aflakóng, aldarinnar.
Auðvitað er það svo að ekki eru allir á eitt sáttir um hver sé
mesti fiskimaðurinn. Vissulega er það svo að ekki er hægt að
skera endanlega úr um hver sé aflakóngur aldarinnar, enda er
þetta ekki síður til gamans gert. Það getur verið erfitt að bera
saman veiðarfæri, skip, þær miklu tækni- og skipabreytingar
sem hafa orðið á öldinni og þannig má lengi telja.
Þeir sem vilja taka þátt í þessu kjöri okkar eru beðnir um að
senda okkur póst eða rafpóst.
Þeir sem senda hefðbundinn póst merkja bréfin þannig:
Sjómannablaðið Víkingur Laugavegi 51 101 Reykjavík.
Aflakóngur.
Þeir sem senda í faxi, þá er faxnúmerið 552 5037.
Rafpóstur sendist til: selsvor@vortex.is
Einnig til tvískiptur
kr.
m.vsk.
fiirj
'Samþykktur af Siglingamálastofnun íslands
Vatnagörðum 14
Fax: 581 2935 • Sími: 581 4470
8
SJÓMANNABLAÐIÐ Víkingur