Sjómannablaðið Víkingur - 01.12.1999, Blaðsíða 24

Eldsvoði
Samruni
Eldur kom upp á bílaþilfari í ferjunni Superfast III um miðjan
október s.l. en eldurinn varð það mikill að 307 farþegar og
megnið af 106 manna áhöfn ferjunnar var flutt yfir í tvö skip er
komu á vettvang.

Suþerfast III sem eldur kom uþþ ífyrr á þessu ári.
Mönnum til mikillar skelfingar fundust 13 lík á bílaþilfarinu
eftir að eldur hafði verið slökktur. Við nánari eftirgrennslan
kom I Ijós að hér voru á ferðinni kúrdískir laumufarþegar.
Draugar
Nú eru tíu ár síðan olíuskipið Exxon Valdez strandaði við
Alaska og olli gífurlegu mengunarslysi þar. Enn eru afleiðingar
slyssins að gera vart við sig en nú á veitingastað í Bandaríkj-
unum. Þar gengur nefnilega milli borða þjónn sem heitir Jos-
eph Hazelwood og var skipstjóri á þessu ólukkans skipi.
Hann er að taka út refsingu þá sem honum var dæmd vegna
strandsins en hann á að leggja fram 200 tíma samfélagsvinnu
á ári hverju næstu fimm árin. Reyndar hefur kallinn fengið á-
gætis starf en lögmannsstofan sem hefur verið að verja hann
réð hann til starfa sem ráðgjafa í siglingafræðilegum málum.
Joe hefur orðið hálfgerð lifandi goðsögn eftir þetta strand því
ef lesendur þlaðsins hafa horft á mynd Kevins Costners, Wa-
terworld, þá er hann goð lýðsins sem hélt til um borð í braki
olíuskipsins í myndinni. Reyndar má einnig sjá að Exxon
Valdez hefur átt að vera eitt sinn nafn skipsins í myndinni. Ef
Þjóðverjar nota sömu aðferðir geta kannski íslenskir ferða-
menn átt von á því að rekast á skipstjóra Víkartinds við veit-
ingastörf.
Howaldtswerke Deutsche Werft (HDW) í Kiel hefur nú yfir-
tekið Kockums skipasmíðastöðina í Malmö og Karlskrona en
tilurð þessara kaupa má rekja til að fyrirtækið Celcius sem er
móðurfyrirtæki Kockums yfirtók á síðasta ári 25% í HDW.
Nýja fyrirtækið verður það stærsta í heimi sem smíðar kafbáta
sem ekki eru kjarnorkuknúnir.
Skál
í Hanstholm kalla menn ekki allt ömmu sína en þegar
þýska ættaða flutningaskipið Jessica kom til hafnar þar um
miðjan september töldu menn sig hafa séð allt sem hægt er
að sjá. Það kemur reyndar endrum og eins fyrir að skip rekist
á bryggjur en Jessica gerði það hvorki meira né minna en
fimm sinnum meðan freistað var þess að leggjast að bryggju.
Hafnarstarfsmönnum leist ekki á blikuna og kölluðu því á lög-
regluna því hér var eitthvað óvanalegt á ferðinni. Þegar loks
hafði tekist að binda skipið við bryggju fóru lögreglumennirnir
að heimsækja skipstjórann, sem var eistlendingur, til að vita
hverju sætti var vinurinn dauðadrukkinn í brúnni. Mældist á-
fengið í honum vera 3,11 promill. Jessica, sem er tæp 600
tonn að stærð er skráð á Antiuga.
Það eru ýmsar leiðir til þegar gera þarf út og peningar ekki
miklir til þess. Nýlega var afhent nýtt skip frá J.J. Sietas
skipasmíðastöðinni, sem hefur smíðað meiri en helming fossa
Eimskipa, sem fékk nafnið Werder Bremen eftir fótboltaliðinu
þýska. Það urðu margir undrandi þegar þeir sáu skipið ný-
málað þvl þrír mismunandi litir á bol skipsins, þrír mismun-
andi á lúgukörmum og tveir á yfirþyggingu þess. Ástæðan
var einfaldlega sú að eigendur þess nýttu sér sömu hug-
myndir og fótboltafélagið að láta styrktaraðila borga brúsann.
Þessu til viðbótar voru reistar stangir á þilfari skipsins fyrir
prufu og afhendingarsiglingu skipsins þar sem stórir auglýs-
ingasegldúkar voru strengdir á milli. Skipið verður I siglingum
milli Hamborgar og rússnesku hafnanna í Austursjó ásamt
systurskipi sínu Borussia Dortmund en það skip er einungis
málað í litum fótboltafélagsins. Sögur segja að með auglýs-
ingunum hafi útgerðin fengið málninguna á skipið fría. Sjáið
þið lesendur ekki í anda ef Eimskipafélagið málaði skip sín í
anda búninga KR!
Auglýsingar á skipin
24
Sjómannablaðið Víkingur