Náttúrufræðingurinn - 1968, Page 28

74
NÁTTÚRUFRÆÐINGURINN
völl og langlífi með því að fá nokkui' lönd, er liefðu náin menn-
ingarsamskipti sín á milli, til að standa saman um hverja slíka stöð
og rekstur hennar.
Með vitund og vilja menntamálaráðherra ákváðu Guðm. Sig-
valdason og sá er þetta ritar árið 1967 að þreifa fyrir sér á Norður-
löndum um undirtektir að þeirri hugmynd, að öll Norðurlöndin
tækjn sig saman um stofnun og rekstur alþjóðlegrar jarðeldastöðvar
á Islandi í samvinnu við Unesco. Er skemmst frá því að segja, að
viðbrögðin með frændþjóðunum voru einróma jákvæð. Hið næsta
er gerðist var, að Guðmundur reifaði málið á fundi alþjóðasambands
jarðeldafræðinga (I. A. V.) í Ziirich haustið 1967 og var þar sam-
þykkt að mæla með slíkri rannsóknarstöð á íslandi og beina óskum
til Unesco um stuðning við slíka stöð. Tveir fulltrúar íslands í
Norðurlandaráði, alþingismennirnir Ólafur Jóhannesson og Sig-
urður Bjarnason báru síðan upp á fundi ráðsins í nóvember s.l.
tillögu um stofnun norrænnar jarðeldarannsóknastöðvar á Islandi
og fengu meðflutningsmenn að þessari tillögu frá öllum hinum
Norðurlöndunum. Fékk tillagan mjög góðar undirtektir. Norræna
ráðið mælti síðan með því við ríkisstjórnir Norðurlandanna, að þær
ynnu að því að koma á fót slíkri rannsóknarstöð á Islandi.*)
Þannig stendur málið nú. Það hefur fengið góðar undirtektir
bæði á Norðurlöndum og á alþjóðavettvangi, en talið að næsta
útspil í þessu máli sé okkar. Það stendur því upp á okkur að láta
meira lrá okkur heyra í þessu máli, og koma með nánari tillögur
og einhverja kostnaðaráætlun. „Den bestemmer prisen, som ejer
grisen,“ eins og frægur danskur jarðfræðiprófessor og Islandsvinur,
Arne Noe-Nygaard, hefur nýlega skrifað mér í þessu sambandi.
Ef vel er á málunum haldið af okkar hálfu, tel ég lítinn vafa á
að koma mætti hér upp jarðeldarannsóknastöð og reka hana með
tiltölulega litlurn kostnaði af okkar hálfu og myndu hinar óbeinu
tekjur fyrir landið af slíkri stöð verða drjúgum meiri en kostnaður
okkar við hana. Byrja má í tiltölulega smáum stíl og síðart færa út
kvíarnar. Vel má notast við leiguhúsnæði til að byrja með. En
talsverður þrándur í götu eru skipulagsmál jarðvísinda hérlendis
og raunar raunvísinda í heild, en þau mál eru í deiglunni og
* Fyrir skemmstu var svo þetta mál rætt á fundi menntamálaráðherra Norð-
urlanda í Reykjavík og fékk góðar undirtektir þeirra allra.