Fréttablaðið - 26.06.2009, Blaðsíða 2
2 26. júní 2009 FÖSTUDAGUR
DÝRALÍF „Áður heyrði maður varla
neitt fyrir kríunni en nú heyrir
maður varla í henni,“ segir Magn-
ús Jónsson bóndi í Flatey um
ástand kríustofnsins þar, sem er
afar slakt.
Ævar Petersen, fuglafræðingur
frá Náttúrufræðistofnun Íslands,
sem er nýkominn úr sínum árlega
rannsóknarleiðangri í Flatey,
getur staðfest að svo sé. „Síðustu
þrjú ár hafa verið afar slæm,
það má segja
að þetta sé ekki
nema rétt helm-
ingur af því
varpi sem var
fyrir nokkrum
árum,“ segir
hann.
Hann segir
ekkert vitað
m e ð v i s s u
hvað valdi en
flest bendi til þess að fækkun-
ina megi rekja til skorts á sand-
síli enda hefur öðrum sjófugl-
um sem nærast að mestu leyti á
því einnig fækkað mikið. Má þar
nefna, auk kríunnar, ritu, lunda
og toppskarf. „Það eru mörg vörp
af toppskarfi sem eru ekki nema
fjórðungur af því sem var fyrir
ekki svo löngu síðan,“ segir Ævar.
„Dílaskarfinum hefur hins vegar
fjölgað en hann lifir líka á ann-
arri fæðu,“ bætir hann við.
Hann segir þetta bága ástand
sjófuglanna ekki einskorðast við
Ísland. „Þetta er eitthvað sem
virðist vera að gerast ansi víða í
norðaustur Atlantshafi. Eiginlega
frá Grænlandi, suður til Færeyja
og Bretlands og svo austur til
Noregs og allt þar á milli.“
Ævar situr fyrir Íslands hönd í
sérfræðingahópi á vegum Norður-
skautsráðsins um vernd lífríkis-
ins (CAFF-Conservation of Arctic
Flora and Fauna) sem varpa á
ljósi á þessa þróun. „Vonandi
fáum við einhvern ferkari skiln-
ing á því hvað er að gerast og
þá hvað er hægt að gera,“ segir
hann. „En þetta er afar mikilvægt
ekki síst í ljósi þess að gagna-
skortur hrjáir okkur verulega.“
Auk Íslendinga eiga Norðmenn,
Danir, Færeyingar, Grænlend-
ingar og Bretar fulltrúa í hópn-
um. Fyrsti fundur hans verður í
Þrándheimi í Noregi í september
næstkomandi.
Magnús segir það veruleg við-
brigði fyrir Flateyinga að heyra
svo lítið í kríunni sem alla jafna
er fyrirferðarmikil hjá eyja-
skeggjum yfir sumartímann.
„Annar fjölgar ferðamönnum
hérna jafnt og þétt, ætli þeir fari
ekki að verða fleiri en kríurnar,“
segir Magnús og hlær við.
jse@frettabladid.is
Arnar, ertu þungur í þönkum
um þessar mundir?
„Svo sannarlega, en það stafar af
eintómri hamingju og spenningi!“
Arnar Eggert Thoroddsen er einn af
skipuleggjendum mikillar þungarokks-
hátíðar sem fram fer á Sódómu Reykjavík
í kvöld.
Kríukrísa í Flatey
Kríuvarpið í Flatey er um helmingi minna en það var fyrir nokkrum árum.
Öðrum sjófuglum fækkar einnig verulega. Sex Atlantshafsþjóðir taka sig saman
um að rannsaka bágt ástand sjófugla á norðaustanverðu Atlantshafssvæðinu.
MAGNÚS JÓNSSON BÓNDI Í FLATEY Hann sér færri kríur en áður þegar litið er út
um gluggann og mun hljóðlátara er nú en á blómatíma kríunnar. Myndin er tekin
árið 2006 en þá fyrst fór kríunni að fækka. FRÉTTABLAÐIÐ/JÓN SIGURÐUR
ÆVAR PETERSEN
Krían er langlífari en margur gæti talið. Elsta krían sem vitað er um hér á
landi var 32 ára. Talið er að um 200 til 300 þúsund pör séu hér á venjulegu
sumri. Hún dvelur í Suðurhöfum, við Suður-Afríku og Suðurskautslandið á
veturna en í norðri á sumrin og flugið þarna á milli tekur hana ekki nema
einn og hálfan mánuð.
NOKKUR ATRIÐI UM KRÍUNA
NÁTTÚRA Snarpur jarðskjálfti
varð við vestanvert Kleifarvatn
á sjötta tímanum í gær og fannst
hann greinilega alla leið til
Reykjavíkur. Samkvæmt upplýs-
ingum frá Veðurstofu Íslands var
skjálftinn 4 á Richter. Skömmu
áður hafði annar smærri skjálfti,
2,6 á Richter, riðið yfir á sama
stað, og á áttunda tímanum varð
vart við skjálfta sem var 3,2 á
Richter.
Stærsti skjálftinn fannst sem
áður segir vel til Reykjavíkur, en
síður á Suðurnesjum. Á Veður-
stofunni var búist við áframhald-
andi skjálftavirkni á svæðinu
fram eftir kvöldi í gær. - sh
Snarpur skjálfti við Krýsuvík:
Fannst vel til
Reykjavíkur
STJÓRNSÝSLA Sigríður Benedikts-
dóttir, einn nefndarmanna í rann-
sóknarnefnd Alþingis í tengslum
við bankahrunið, var ekki vanhæf
að mati rannsóknarnefndarinnar.
Aðrir nefndarmenn í nefndinni,
Páll Hreinsson og Tryggvi Gunn-
arsson mátu hæfi hennar.
Nefndin taldi ummæli Sigríðar
sem hún viðhafði í skólablaði Yale-
háskóla vera almenns eðlis og ekki
til þess fallin að draga óhlutdrægni
hennar í efa.
Upphaf málsins má rekja til
bréfs Jónasar F. Jónssonar, fyrr-
verandi forstjóra Fjármálaeftir-
litsins, þar sem hann gerði athuga-
semd við ummæli Sigríðar og taldi
þau draga hæfi hennar í efa.
Rannsóknarnefndin hefur tekið
skýrslur af 26 einstaklingum frá
því hún hóf störf í janúar. Þar á
meðal eru fyrrverandi og núver-
andi ráðherrar, fyrrverandi banka-
stjórar Seðlabankans og forstjóri
Fjármálaeftirlitsins og fyrrum
bankastjórar.
Nú eru staddir hér á landi tveir
erlendir sérfræðingar sem vinna
á vegum nefndarinnar að athug-
un á ákveðnum þætti í starfsemi
bankanna, Fjármálaeftirlitsins og
Seðlabanka Íslands.
Nær þrjátíu manns starfa á
vegum nefndarinnar sem skila á
af sér skýrslu um rannsóknina 1.
nóvember 2009. Þegar er hafið að
skrifa ákveðna þætti skýrslunnar
og er miðað að því að skila henni á
réttum tíma. - vsp
Rannsóknarnefnd Alþingis hefur yfirheyrt 26 einstaklinga frá því í janúar:
Sigríður ekki talin vanhæf
RANNSÓKNARNEFNDIN Ummæli Sigríð-
ar í skólablaði Yale þóttu almenns eðlis
og ekki til þess fallin að draga óhlut-
drægni hennar í efa. FRÉTTABLAÐIÐ/PJETUR
ÞÝSKALAND Vísindamenn í Þýska-
landi segjast hafa fundið elstu
hljóðfæri heims. Hljóðfærin eru
þrjár flautur sem eru 35 þúsund
ára gamlar.
Flauturnar fundust í helli í Suð-
vestur-Þýskalandi. Í hellinum
hafa áður fundist minjar frá svip-
uðum tíma, meðal annars stytta
af Venusi, sem er einnig talin sú
elsta í heiminum.
Ein flautan er úr hrægamms-
beini og hefur hún varðveist vel.
Hinar tvær eru úr fílabeini en
aðeins fundust hlutar þeirra.
Flauturnar benda til þess að tón-
listarflutningur hafi verið algeng-
ur á þeim tíma sem nútímamaður-
inn fór að nema land í Evrópu. - þeb
Vísindamenn í Þýskalandi:
Fundu elstu
hljóðfæri heims
FORNALDARFLAUTA Ein af beinflautun-
um sem fundust í suðurhluta Þýskalands
og vísbendingar eru um að séu elstu
hljóðfæri sem fundist hafa. FRÉTTABLAÐIÐ/AFP
Ferðamaður í vandræðum
Erlendur ferðamaður lenti í töluverð-
um vandræðum þegar veski hans og
vegabréfi var hnuplað þegar hann sat
og fékk sér hressingu á veitingahúsi
í borginni. Ferðamaðurinn hafði hugs-
að sér að fara af landi brott í gær.
Stal fötum og snyrtivörum
Þá var brotist inn í fjölbýlishús í
miðborginni og þaðan stolið fatnaði
og snyrtivörum. Þjófurinn var enn
ófundinn í gærdag.
LÖGREGLUFRÉTTIR
FÓLK Eitt brúðkaup, tvær nafngift-
ir og ein unglingavígsla fór fram
á árlegu Þingblóti Ásatrúarfélags-
ins á Þingvöllum í gær. Þar spíg-
sporuðu jafnframt um víkingar
í fullum herklæðum frá víkinga-
félaginu Einerja og vöktu mikla
athygli nærstaddra.
Að sögn Egils Baldurssonar,
lögsögumanns Ásatrúarfélagsins,
segir Þingblótið haldið í kringum
sumarsólstöður ár hvert, á Þórs-
degi í tíundu viku sumars. Þetta
árið voru dagskrárgerðarmenn
frá BBC á staðnum, en þeir eru
að vinna heimildarmynd um Ása-
trúarfélagið. Blótið stóð frá sex til
miðnættis í blíðskaparveðri, með
mat, drykk, fjöldasöng og öðru til-
heyrandi.
„Þetta er vel heppnað eins og
venjulega,“ segir Egill. „Hér hitt-
ast menn og hafa gaman hver af
öðrum.“ - sh
Víkingar í fullum herklæðum lífguðu upp á Þingvelli á blóti Ásatrúarfélagsins:
Brúðkaup og nafngiftir á Þingblóti
ALLT TIL REIÐU Hilmar Örn Hilmarsson allsherjargoði bæði gaf saman fólk og gaf
börnum nöfn á blótinu á Þingvöllum í gær. FRÉTTABLAÐIÐ / DANÍEL
UMHVERFISMÁL Svandís Svavars-
dóttir umhverfisráðherra hefur
skipað aðgerðateymi til að koma
á átaki til að verja viðkvæma
náttúru Reykjanesfólkvangs
fyrir skemmdum af völdum akst-
urs utan vega. Átakinu er ætlað
að lagfæra þær skemmdir sem
þegar hafa orðið og er yfirskrift
átaksins „Á réttri leið á Reykja-
nesi“.
Í fréttatilkynningu umhverf-
is ráðuneytisins kemur fram að
aðgerðateyminu sé ætlað að sam-
ræma störf ýmissa aðila sem
koma að málinu og verja svæðið
fyrir ágangi og frekari skemmd-
um vegna aksturs utan vega. - bþa
Átak gegn akstri utan vega:
Á réttri leið á
Reykjanesi
FÓLK „Við vorum búin að ákveða
að gifta okkur og þá bauðst
okkur þetta. Fyrirvarinn var
því skammur en þetta er allt að
gerast,“ segir Ragnheiður Dóra
Ásgeirsdóttir, sem mun á morgun
ganga að eiga Gunnbjörn Stein-
ars son á sýningunni Blóm í bæ í
Hveragerði. Fáheyrt er að hjón
séu gefin saman á bæjarhátíð.
Fjöldi fyrirtækja hleypur undir
bagga með brúðhjónunum til að
hjálpa þeim við undirbúninginn.
- hds/sjá Allt í miðju blaðsins
Óvenjulegt brúðkaup:
Gifta sig á
blómasýningu
BRÚÐHJÓNIN Ragnheiður Dóra Ásgeirs-
dóttir og Gunnbjörn Steinarsson ætla að
gifta sig á blómasýningu í Hveragerði.
SPURNING DAGSINS