Samvinnan - 01.10.1969, Blaðsíða 61

4 dl vatn
1 dl mjólk
2 msk hveiti + 1 dl vatn
Sósulitur
Ribsberjahlaup eöa gott mauk
SkoliS lifrina, þerriS og takið himnuna af. Skerið fleskið í þunnar
ræmur og þræðið það í lifrina með þar til gerðri nál eða notið odd-
mjóan hníf. Brúnið lifrina síðan, bætið vatni og kryddi á og sjóðið
í 15 mín. Bætið þá mjólkinni út í og sjóðið í 10—15 mín. Takið
lifrina upp úr og haldið henni heitri. Jafnið soðið með hveitijafningi,
ki’yddið, bætið hlaupi, sósulit og ef til vill Vz súputeningi í, ef þörf
krefur. Skerið lifrina í sneiðar og hellið dálitlu af sósunni yfir.
Berið soðnar kartöflur og hrátt grænmetissalat eða soðið grænmeti
með.
Lifrarkæfa.
300 g lifur
100 g Jlesk
1 egg
1 msk hveiti
Um lVa dl mjólk
Vi—1 laukur eða laukduft
1% tsk salt, pipar
Hreinsið lifrina, þerrið og saxið í söxunarvél, ásamt fleski og lauk
2—5 sinnum. Hrærið síðan vel með hveiti, eggi, mjólk og kryddi.
Látið deigið í vel smurt mót og álpappír yfir. Bakið kæfuna í vatns-
baði við hægan hita, um 180 gráður (vatnið á að vera við suðu) í
1—iy2 klst. Prófið þá hvort kæfan er bökuð með því að stinga odd-
mjóum hníf í hana og ath. hvort hún er bökuð í gegn.
Lifrarkæfa er hollt og gott álegg og geymist nokkurn tíma á köldum
stað í luktu íláti.
Betra er að hraðfrysta lifrarkæfudeigið ósoðið en tilbúna kæfu.
Nýru.
Kálfa-, nauta- og svínanýru er betra að leggja í ediksvatn fyrir mat-
reiðslu, en áður er skorið í þau inn að miðju. Nýrun eru síðan skoluð
vel og sinar og himnur fjarlægðar. Matreidd á sama hátt og lamba-
nýru, en þurfa lengri suðutima. Ath. að nýru á að sjóða við hægan
hita, annars verða þau hörð og þurr.
Nýrnasmásteik.
% kg nýru
3 msk hveiti
1 tsk salt
V2 tsk paprika
Pipar á hnífsoddi
2 smátt saxaðir laukar
3—4 gulrœtur
(Vt dós grœnar baunir)
100 g smjörlíki
4 dl vatn
Hreinsið nýrun, þerrið og skerið í smáa bita. Hreinsið gulræturnar
og skerið þær í bita. Veltið nýrnabitunum úr hveiti blönduðu með
salti og pipar og brúnið þau ásamt gulrótum og lauk. Hellið heitu
vatninu yfir og sjóðið við hægan hita 15 mín. eða eftir nýrnategund.
Jafnið sósuna með hveitijafningi, kryddið og bætið ef vill með
2—3 msk af rjóma. Bætið grænum baunum í síðast eða berið þær
með ásamt hrærðum kartöflum.
Nýrnasmásteik með pylsum og sveppum.
300 g nýru
8—10 litlar pylsur (cocktailpylsur)
200 g sveppir nýir eða ein lítil dós niöursoðnir
50 g smjörlíki
Salt, pipar
2— 3 msk rjómi
Hreinsið nýrun og skerið í sneiðar. Brúnið þau síðan í feitinni.
Hellið sjóðandi vatni, svo rétt fljóti yfir og kryddið. Sjóðið við
hægan hita þar til nýrun eru meyr. Jafnið þá sósuna með hveiti-
jafningi, kryddið og bætið sósulit ásamt 2—3 msk af rauðvíni eða
sherry saman við, en því má sleppa.
Hreinsið sveppina, skerið þá í sneiðar með eggjaskera og brúnið í
smjöri, bætið með salti og nokkrum dropum af sítrónusafa, sjóðið
í 5 mín. Brúnið pylsurnar og látið þær saman við nýrun og hitið
í 3—5 mín. við hægan hita (annars springa pylsurnar). Bætið rjóm-
anum í og berið fram með soðnum hrísgrjónum ásamt sneiðum af
grænum eða rauðum pipar.
Ath.: Gott er að matreiða lifur á sama hátt.
HJÖRTU.
Kálfa-, nauta-, svína- og lambahjörtu eru ágæt til matargerðar. En
þau þurfa mun lengri suðutíma en áðurnefndur innmatur. Nauta-
hjörtu eru sjaldan matreidd heil, en þá þurfa þau allt að 3—4 klst
suðu, kálfahjörtu 2(4 klst, svínahjörtu 2 klst en lambahjörtu 1 klst.
Ef hjörtun eru steikt i bitum, þurfa þau ekki nema helming suðu-
tímans.
Fyllt hjörtn.
3— 4 hjörtu (lambahjörtu)
Steinselja eða sveskjur og epli
Salt, pipar
50 g smjörliki
bi l vatn
30 g hveiti 1 dl kalt vatn
Hjörtun eru skoluð vel úr köldu vatni utan og innan. Æðar, sinar
og himnur fjarlægðar, látin liggja í vatni um stund og þerruð.
Nudduð með kryddinu utan og innan og síðan fyllt með steinselju-
smjöri, bleyttum ávöxtum eða reyktu fleski. Saumið síðan fyrir
hjörtun eða lokið þeim með kjötprjóni. Brúnið hjörtun og sjóðið
þau um eina klst í saltvatni. Takið hjörtun upp úr og jafnið soðið
með hveitijafningi, kryddið og bætið sósuna með ribsberjahlaupi
eða V2 tsk af góðu mauki. Skerið hjörtun í sneiðar og hellið nokkru
af sósunni yfir. Berið soðnar eða brúnaðar kartöflur með, ásamt
soðnu grænmeti eða grænmetissalati, t. d. gúrkusalati.
Algengara er að skera hjörtun í sex til átta ræmur og steikja þau
þannig; þá er, eins og áður er tekið fram, suðutíminn helmingi
skemmri. Gott er að sjóða saxaðan lauk með hjörtunum, einnig lár-
viðarlauf. Sósa er búin til úr soðinu og hrærðar kartöflur bornar með.
GLÓÐARSTEIKTUR ÍNNMATUR.
Lifur er steikt á sama hátt og kjötsneiðar, en hana þarf að pensla
vel með matarolíu meðan steikt er. Steikt 3—4 mín á hvorri hlið.
Bezt er að steikja lifur og nýru á teinum ásamt grænmeti, ávöxtum
og fleiru. Þá er innmaturinn skorinn í smáa bita, sem þræddir eru
upp á teina ásamt eplabátum, ananasbitum, pylsum, sveppum, sveskj-
um og fleiru; penslað með olíu og steikt í nokkrar mínútur. Borið
fram með hrísgrjónum, hveitilengjum (spaghetti) eða hráu salati.
61