Andvari - 01.01.2001, Blaðsíða 101

SILJA BJÖRK HULDUDÓTTIR OG
ÞORKELL ÁGÚST ÓTTARSSON
Sviðsetning á ævi Krists
Biblíulegar vísanir í Aðventu Gunnars Gunnarssonar
Margir hafa komið auga á trúarleg stef í Aðventu, skáldsögu Gunnars Gunn-
arssonar, enda sjálft nafn hennar augljós vísbending. En þrátt fyrir þetta hafa
túlkanir á sögunni ekki gert þessum biblíulegu og kristnu tengslum nægileg
skU. Grein Gunnars Jóhannesar Ámasonar, frá árinu 1992, og útvarpserindi
Olafs Jónssonar, frá árinu 1976, eru góð dæmi um þetta. Gunnar Jóhannes
hafnar hinum trúarlega bakgrunni að stórum hluta í grein sinni „Þetta líf var
hans“, og þótt Ólafur sjái vissulega sterk tengsl við Messías og guðspjöllin
§engur hann of skammt í greiningu sinni. Hér á eftir verður fjallað um grein-
ar Gunnars Jóhannesar og Ólafs með sérstakri áherslu á viðhorf þeirra til
textatengsla Aðventu og Biblíunnar. Að því loknu verða raktar beinar og
óbeinar tilvísanir Aðventu í Biblíuna og skoðað hvemig Gunnar Gunnarsson
yinnur markvisst úr efnivið sínum. En fyrst verður farið nokkrum orðum um
tilurð Aðventu.
Tilurð Aðventu
Gunnar Gunnarsson byggði sögu sína Aðventu á raunverulegum atburðum.
Hann vann úr frásögn af Fjalla-Bensa (Benedikt Sigurjónssyni) sem birtist í
Timreiðinni árið 1931 undir heitinu / eftirleit, Þórður Jónsson skráði. Áður
en Gunnar skrifaði Aðventu samdi hann stutta sögu fyrir danskt jólablað
undir heitinu Den gode Hyrde'. Ólafur Jónsson (1986: 176-203) gerir góða
§rein fyrir tengslum upphaflegu frásögunnar við sögur Gunnars í tveimur
atvarpserindum sem flutt voru 10. og 17. október 1976. Þar bendir hann á að
Góði hirðirinn líkist einna helst íslenskri hetjusögu (1986: 186) og að Gunn-
ar vinni mun markvissara úr efnivið sínum í Aðventu og tengi hann betur við
ævi Krists.
Hér vaknar sú spurning hvort hægt sé að tala um textatengsl þegar saga er