Menntamál - 01.04.1945, Side 20

98
MENNTAMÁL
Haustið 1922 varð hann skólastjóri við barnaskólann í
Vopnafirði og var þar í tvö ár, fluttist þaðan til Siglu-
fjarðar sem kennari og síðan til Akureyrar árið 1926.
Haustið 1930 varð Jón kennari við Austurbæjarskólann
í Reykjavík og yfirkennari við þann skóla ári síðar. Skóla-
stjóri við Laugarnesskólann varð hann svo haustið 1935.
Á árunum 1928—33 dvaldist Jón Sigurðsson erlendis,
í Þýzkalandi og Englandi í fjögur sumur, til þess að kvnna
sér skólamál og þá sérstaklega hina svonefndu nýskóla-
stefnu, sem mun hafa heillað huga hans mjög, einkum í
sambandi við smábarnakennsluna. Kynntist hann í Þýzka-
landi skólum Schieker’s í Stuttgart og Hamborg, barna-
skólum, sem þá voru í miklu áliti, en barnaskóla í London
sótti hann á vegum fræðslumálastjórnarinnar. Jón hefur
enn í dag hinn mesta áhuga á öllum nýjungum á sviði upp-
eldismála, en vill þó umfram allt byggja þær á þjóðlegum
grundvelli. Svo sem auðvitað er fylgist hann einnig vel
með málefnum stéttar sinnar og er þar öruggur liðsmaður,
enda þótt annir dagsins hafi hindrað hann frá að standa
þar í fremstu víglínu. Þess má og minnast, að hann átti
þátt í útgáfu Menntamála um skeið, áður en Kennara-
sambandið keypti ritið.
Þetta er í fáum dráttum ytri umgerðin um líf íslenzks
sveitadrengs, sem ungur vann þess heit, að halda út í
heiminn, vinna sigra, leggja undir sig lönd og gera sitt
ýtrasta til þess að frelsa kóngsdótturina fögru úr trölla-
höndum. f þetta sinn varð ævintýrið að veruleika. Jón
Sigurðsson hefur unnið marga sigra í starfi sínu fyrir
uppeldis- og skólamál landsins og hefur eignazt þar sitt
ríki, Laugarnesskólann, þar sem hann ríkir með hinni
mestu prýði og við vinsældir jafnt frá samstarfsmönnum
sem aðstandendum barna þeirra, sem skólann sækja. Starf-
ið allt er þó til þess unnið að frelsa kóngsdótturina fögru,
íslenzka æsku, úr tröllahöndum fáfræði og misskilinna
uppeldisaðferða. Því hlutverki hefur Jón Sigurðsson gefið