Menntamál - 01.12.1948, Blaðsíða 8
114
MENNTAMÁL
kennaraprófi 527 karlar og 344 konur eða samtals 871,
auk þess 50 stúdentar og 31 með sérprófi í einstökum
verklegum greinum. Alls eru þetta 952 eða til jafnaðar
fyllilega 24 á ári, miðað við 39 starfsár. Að tölunni til er
það góð útkoma. En höfðatalan ein segir ekki allt. Hitt
er meira um vert, hvernig þessir nemendur hafa verið,
hvernig þeir reyndust hér á skólabekk og hvernig þeir
hafa reynzt í starfi sínu síðan. Ég þykist geta borið um
það af nokkurri reynslu, þar sem ég hef verið samvistum
við kennaraskólanemendur í þrjátíu vetur samtals, ef ég
legg námsvetur mína hér við þá vetur, sem ég hef kennt
við skólann. Og ég fullyrði, að leitun er á betri og ánægju-
legri nemendum en þeim, sem kennaraskólann hafa sótt.
Allmargir þeirra hafa horfið héðan yfir í aðra skóla til
annars náms að loknu kennaraprófi, flestir við mjög góðan
orðstír. Hinir eru þó miklu fleiri, sem leitað hafa síðar til
annarra landa til þess að auka kennaramenntun sína. Sum-
ir kynnu að álykta þar af, að það sýni bezt, hversu mennt-
un sú er ófullkomin, sem þeir fá hér. Ég legg engan dóm
á það. En ekki myndi ég frekar kjósa að útskrifa héðan
nemendur, sem teldu sig svo fullnuma, að þeir þyrftu engu
við sig að bæta. Ég hygg, að hitt sé sanni næst, að það sé
íslenzkri kennarastétt til mikils sóma, hve mikið kapp hún
hefur á það lagt og miklu til kostað að auka menntun sína
samhliða starfinu.
Fróðlegt væri að vita, hvað um er orðið alla þá 950 nem-
endur, sem hér hafa útskrifazt. En ekki hef ég tök á því.
Margir eru horfnir yfir landamæri lífs og dauða. Margir
hafa snúið sér að öðrum störfum en barnakennslu, svo sem
eðlilegt er. í hópi þeirra, sem haldið hafa áfram námi, eru
prestar, málfræðingar, lögfræðingur einn, og margir kenn-
arar við framhaldsskóla. Hér við kennaraskólann eru t. d.
fimm af föstum kennurum skólans gamlir nemendur hans
og útskrifaðir héðan. Síðastliðinn vetur munu hafa verið
í kennarastöðum á öllu landinu samtals 467 menn og kon-