Menntamál - 01.12.1948, Blaðsíða 26
132
MENNTAMÁL
ár, þá tók við Ólafur E. Hjaltested, síðar prestur, veitti
hann skólanum forstöðu til 1840, þá tók við skólanum Pétur
Guðjohnsen og hafði stjórn hans á hendi, unz hann lagðist
niður. Einstakir embættismenn og borgarar höfðu for-
göngu um stofnun skólans og rekstur. 1862 tók lögskipaður
barnaskóli til starfa í bænum í gömlu verzlunarhúsi í Hafn-
arstræti. Tveir danskir kaupmenn höfðu gefið bænum hús-
ið í þessu skyni. — 1883 fluttist skólinn í nýreist skólahús
(nú lögreglustöð), en 1898 flyzt hann aftur í nýtt hús,
þar sem enn starfar Miðbæjarskólinn í Reykjavík. Norður-
og vesturálmur hússins voru byggðar það ár, en suðurálma
1907. — Skólastjóri frá 1862—1890 var Helgi E. Helgesen
guðfræðikandidat, en 1890 tók Morten Hansen, einnig
kandidat í guðfræði, við skólastjórn. — Skólagjöld voru
greidd fyrir börnin, en frá því voru margar undanþágur
veittar.
1898—1899.
Skóli var settur 19. okt. með mikilli viðhöfn að viðstödd-
um landshöfðingja og mörgum æðstu embættismönnum
landsins. Sungið var vígsluljóð eftir Steingrím Thorsteins-
son. Ræður fluttu: Halldór Daníelsson bæjarfógeti, form.
bæjarstjórnar, síra Jóhann Þorkelsson dómkirkjuprestur,
form. skólanefndar og Morten Hansen skólastjóri.
Skólastjórinn var eini fasti kennarinn, en stundakenn-
arar voru 18 og kenndu u. þ. b. 270 st. á viku. Kennslukaup
var yfirleitt 50 aurar um st. Kennslugreinar voru: kristin-
dómur (þ. e. biblíusögur og kver), íslenzka (þ. e. lestur og
réttritun), reikn., sagnfr., landafr., náttúrufr., danska,
enska, söngfr., söngur, leikfimi og teiknun. Teiknun virð-
ist hafa verið kennd fyrsta sinn þennan vetur. Sig. Jónsson
(síðar skólastj.) kenndi hana.
Barnafjöldi var áætlaður 270 um haustið á aldrinum 7
(eða jafnvel yngri) til 14 ára.
Skólanefnd skipuðu: síra Jóhann Þorkelsson form., Hall-