Iðunn : nýr flokkur - 01.01.1920, Page 76

234
Alex. Jóhannesson:
[ IÐUNN
Herakles skuli vaða yfir á eftir. Tekur Herakles
þessu boði, en Kentaurinn svíkur hann. Verður
bann svo gagntekinn af fegurð Deianira, að hann
rænir henni. Myndin sýnir augnablik það, er bann
er í þann veginn að yfirbuga hana í miðju fljót-
inu (öldugangurinn sést á myndinni). Allir vöðvar
í líkama hans eru strengdir og æðarnar þrútnar.
Andlitið er óvenju karlmannlegt og hann heldur
Deianira fastri í járngreipum sínum og þrýstir föst-
um kossi að hálsi hennar. Vinstri hönd hennar er
föst í vinstri hendi Kentaursins, en með þeirri hægri
reynir hún að taka í hár Kentaursins og losa sig við
tök hans. Hún er að missa alla mótspyrnu; angist
og kvíði skín út úr andliti hennar, ennið hrukkast
saman milli augnabrúnanna, munnurinn er hálfop-
inn og kipringur fer um varirnar. Þarna liggur hún
í allri sinni fegurð, en andstæður karlmannlegs styrk-
leika og kvenlegrar fegurðar, sóknar og varnar á ör-
lagastund, sjást glögglega á myndinni. Hún er hér-
umbil í fullri líkamsstærð og ætti að höggvast í
granít til þess að hún nyti sín algerlega.
Næsta mynd heitir: í lrugsunum; er það stand-
mynd af ungling á 18 ára aldri; höfuðið beygist lítið
eitt til vinstri og hann horfir fram, eins og hann sé
utan við sig; hægri handleggurinn liggur máttlaus
niður, en sá vinstri er hálf-beygður upp á við; er
sem hugsunin sjálf, ígrundunin, komi í Ijós í vinstri
hlið myndarinnar, en sú hægri sé viðskila hugsunar-
starfsemina. Unglingur þessi lítur fram undan sér:
bernskuárin líða fram fyrir hugskotssjónir honum
eins og fagur draumur, en um leið veit hann, að
hann stendur á tímamótum; ábyrgðartilfinningin gegn
skyldum sínum á ókomnum tímum gerir hann alvar-
legan og hugsandi. Hugsunarstarfsemin, seinvirk og
aftursæ, kemur glögglega fram í línum myndarinnar;
auga áhorfandans lítur jafnvægi fegurðarlögmálsins í