Iðunn : nýr flokkur - 01.07.1929, Side 15

IÐUNN
Oscar Wilde.
205
hann hafði um mörg ár orðið að afla sjálfur þess fjár,
sem hann þurfti. Hann þekti verðmæti peninganna. Og
árstekjur hans námu að jafnaði um £ 5.000 eða meira
en 100.000 kr. Hann var efnaður maður. Faðir Lord
Alfred Douglass, markgreifinn af Queensberry, varauðugur
maður, en áberandi nízkur. Og feðgarnir hötuðust. Lady
Queensberry hafði neitað að lifa í sambúð við mann
sinn, og Lord Alfred tók alveg hennar málstað. Auk
þess hafði hann bakað sér óvildar föður síns með því
að skilja próflaust við Oxford. Queensberry ritaði í bréfi
til hans: >Mér virðist þú ekki ætla að hafa neitt fyrir
stafni. Hins vegar neita ég alveg að fá þér í hendur
nægilegt fé til að ganga iðjulaus*. Og síðast í bréfinu
tjáist hann ekki munu lesa bréf hans oftar. Lord Alfred
sendi þá símskeyti: »En hvað þú ert skringilegur lítill
maður, Alfred Douglas«. Þetta var samkomulagið milli
feðganna.
Þó að þessi fjárlind lokaðist, stóðu Douglas að vísu
aðrar opnar, en hvergi nærri nægar til að fullnægja því
gegndarlausa óhófi, sem honum var orðið nauðsyn. I
stað þess að taka sér lunch á ódýrri ítalskri matstofu,
eins og hann var vanur, fór Wilde nú jafnan með Alfred
Douglas til dýrustu hótelanna. Þeir ferðuðust saman til
há-tízkustu staða í Evrópu, og Wilde borgaði. I bréfi
sínu úr fangelsinu ritar hann: »Þú heimtaðir án þokka
og tókst við án þakka. Þú hélzt að síðustu, að þú ættir
eins konar heimild á að lifa á minn kostnað . . . og ef
þú tapaðir peningum í fjárglæfrum í einhverjum alzírsk-
um spilabanka, símaðir þú mér blátt áfram næsta dag
til London um að borga tap þitt inn í þinn banka og
hugsaðir ekki síðan meira um það mál«.
í þessu langa bréfi áfellist Wilde þó að lokum sjálfan
sig meira en Douglas. Áfellist sig fyrir að standa svo