Jólakötturinn - 24.12.1910, Blaðsíða 3
3
Tigul tveir. Mikið mótlæti mun mæta þeim
sem spyr; en alt mun þó hafa góðan enda.
Tigul þristur merkir að sá sem spyr er enn-
þá ekki fær um að taka þá stöðu sem hann óskar.
Tigul fjórir, mikil gæfa mun falla þjer í
skaut á næstu fjóruin árum.
Tigul fimm, dauði foreldra þinna mun breyta
áformum þínum. —
Tigul sex boðar ófarsæla gifting, hjónaskilnað
eða ósamlyndi milli vina. —
Tigul sjö sá sem spyr þarf að bíða leng
eftir þvi er hann girnist.
■ Tigul átta, sá sem spyr mun hafa lukku með
öll sín fyrirtæki. —
Tigul nía. Ef sá sem spyr reynir að koma
áformum sínum í framgang strax mun alt ganga
vel en að hika er sama og tapa.
Tigul tía. Boðar ferð til framandi lands þar
sem sá er spyr mun uppskera allskonar hamingju.
Tigul gosi merkir snotran bjarthærðan
mann sem mun (bjóða þjer þjónustu sína,) eða
mann setn er þjer velviljaður.
Tigul drottning ung og fríð kona hefir ást
á þjer.
Tigul kóngur boðar gleði og hamingju góöa
giftingu einnig fríðan pilt; en latan. —
Laufás sá sem svyr mun missa einhvern sjer
nærskildan eða venslaðan, en af því dauðsfalli mun
leiða farsæld fyrir framtíð hans.