Tímarit lögfræðinga - 01.07.1973, Síða 4

KJARASAMNINGAR OPINBERRA STARFSMANNA
Eins og sagt er frá í fréttagrein í þessu hefti, mun setning laga nr. 46/1973
um kjarasamninga opinberra starfsmanna hafa veruleg áhrif á starfsemi Lög-
fræðingafélags islands. í samræmi við 3. gr. í lögum þessum hefur Bandalag
háskólamanna (BHM) fengið viðurkenningu til að vera í fyrirsvari ríkisstarfs-
manna í aðildarfélögum sínum og ófélagsbundinna manna, sem í þeim fé-
lögum gætu verið. Mun BHM gera svokallaðan aðalkjarasamning, en skv. 5.
gr. laga nr. 46/1973 skal í honum kveðið á um fjölda launaflokka, meginreglur
til viðmiðunar um skipan í launaflokka, föst laun, vinnutíma, laun fyrir yfir-
vinnu og orlof, svo og ferðakostnað. Þar sem Lögfræðingafélag íslands er
eitt af aðildarfélögum BHM, mun það síðan semja um þau atriði, sem talin
eru í 6. gr. laganna: skipan starfsheita og manna í launaflokka og fleira.
Haldinn var fundur lögfræðimenntaðra ríkisstarfsmanna 12. júní s. I.
til að ræða og álykta um aðild félagsins að gerð væntanlegra kjarasamninga
og um gjaldtöku vegna þeirra. Vert er að vekja athygli á, að hér er um að
ræða málefni, sem geta varðað menn, er nú eru ekki í lögfræðingafélaginu.
Um gjöld þeirra til BHM og félagsins er ákvæði í 6. mgr. 3. gr. laga nr.
46/1973. Frá fundinum er sagt á öðrum stað í þessu hefti.
i hinum nýju lögum segir, að ríkisstarfsmenn einir velji fulltrúa í samninga-
nefndir. Verður að stofna innan félagsins einhvers konar deild ríkisstarfs-
manna, þó að varla sé unnt að koma fastri skipan á hana fyrr en á aðalfundi
síðar. Kjaramálanefndin, sem kosin var á aðalfundinum í desember s.l., getur
ekki annazt samningagerð fyrir félagið, og var af þeim sökum kosin sérstök
samninganefnd á fundinum 12. júní.
Vekja má athygli á, að lög nr. 46/1973 gilda ekki um ráðherra, hæstaréttar-
dómara, saksóknara ríkisins, starfsmenn Alþingis, starfsmenn ríkisbanka eða
starfsmenn annarra lánastofnana ríkisins. í 32. gr. laganna segir, að þau gildi
um starfsmenn sveitarfélaga með þeirri breytingu, að fyrir þá semja einstök
félög starfsmanna, sem sveitarstjórnir viðurkenna. í þessu felst, að BHM sem-
ur ekki fyrir starfsmenn sveitarfélaga, en hugsanlegt er, að deildir innan lög-
fræðingafélagsins geri það. Er það þó enn ekki ákveðið.
Af framansögðu sést, að nú bíða BHM og lögfræðingafélagsins ný verk-
efni, sem eru mikilvæg, en geta jafnframt reynzt erfið, meðan verið er að
móta starfið og öðlast reynslu. Verða allir þeir lögfræðingar, sem málið
varðar, að stuðla að því, að vel takist.
Þór Vilhjálmsson
2