Tímarit lögfræðinga - 01.10.1974, Blaðsíða 6
EINAR BALDVIN GUÐMUNDSSON
Einar Baldvin Guðmundsson hæstaréttarlög-
maður andaðist að heimili sínu, Víðimel 27 hér
í borg hinn 27. febrúar síðastliðinn, þá rúm-
lega sjötugur að aldri. Varð hann bráðkvaddur.
Einar fæddist hinn 28. desember 1903 á Hofs-
ósi. Foreldrar hans voru hjónin Guðmundur
bóndi á Hraunum í Fljótum, síðar verzlunar-
stjóri á Siglufirði, f. 15. janúar 1865, d. 25. sept-
ember 1907, og kona hans, Jóhanna Stefáns-
dóttir frá Krossanesi í Hólmi, f. 26. september
1867, d. 13. júlí 1944. Einar hefur því verið
tæpra 4 ára, er faðir hans andaðist, en þá
fluttist hann með móður sinni til Hafnarfjarðar
og síðar til Reykjavíkur og dvaldist þar til ævi-
loka.
Einar gekk I Menntaskólann í Reykjavík og
lauk stúdentsprófi þaðan vorið 1923 með hárri 1. einkunn. Að loknu stúdents-
prófi fór hann í lagadeild Háskóla íslands og lauk kandidatsprófi þaðan,
einnig með hárri 1. einkunn, 1421/3 stigum, 11. febrúar 1928. Að loknu há-
skólanámi stundaði hann eitt ár framhaldsnám í sjórétti í Svíþjóð, en var
síðan um skeið starfsmaður lögreglustjórans í Reykjavík.
I marzmánuði 1929 réðist Einar sem fulltrúi til hinna vel þekktu hæsta-
réttarlögmanna Guðmundar Ólafssonar og Péturs Magnússonar, síðar ráð-
herra. Hinn 22. desember 1934 lauk hann lögmannsprófi við Hæstarétt, og
frá 1. ágúst 1935 rak hann málflutningsskrifstofu í Reykjavík, fyrst með
þeim Pétri Magnússyni hrl. og Guðlaugi Þorlákssyni skrifstofustjóra, en síðar
með þeim Guðmundi Péturssyni hæstaréttarlögmanni, syni Péturs, er tók
við af föður sínum að honum látnum, Guðlaugi Þorlákssyni og syni sínum
Axel, sem lauk hæstaréttarprófi 22. marz 1966. Þessa skrifstofu rak Einar
með framangreindum ágætum og traustum félögum sínum til dauðadags.
Aðallífsstarf Einars var málflutningur og önnur störf í því sambandi, en
auk þess hafði hann jafnan með höndum mikinn fjölda annarra starfa, flest
mikilvæg þjóðfélagsstörf, svo sem dómarastarf í Félagsdómi frá 1945, í Lands-
kjörstjórn frá 1953 og formennsku stjórnar Eimskipafélags Islands h/f. frá
1954 til æviloka, svo að dæmi séu nefnd. I flestum ef ekki öllum störfum
sínum mun hann og hafa haft forustuaðstöðu.
Það mun vera einróma álit allra, er þekktu Einar, að hann hafi, auk þess
að vera til fyrirmyndar sem lögmaður, vel lærður, athugull, raunsær og vel-
viljaður, stundað öll sín störf af hinni mestu kostgæfni og prýði, enda mun
hann hafa verið mjög mikill hæfileikamaður og fjölhæfur.
68