Tímarit lögfræðinga - 01.12.1975, Blaðsíða 57
Ávíð
02 dreif
FÉLAGIÐ ÍSLENSK RÉTTARVERND
Fyrir nokkru (10. og 18. desember 1975) var haldinn í Reykjavík stofnfundur
nýrra landssamtaka, sem nefnast islensk réttarvernd. Stofnendur voru 150.
í lögum félagsins segir: „Markmið félagsins er að berjast fyrir mannréttind-
um og veita þeim réttarvernd, sem órétti eru beitir." Þessum markmiðum
hyggst félagið ná m. a. með því, að veita einstaklingum siðferðislega og fjár-
hagslega aðstoð til þess að ná rétti sínum og hafa milligöngu um lögfræðilega
fyrirgreiðslu. Þá hyggst félagið einnig beita sér fyrir endurbótum á lögum,
reglugerðum og starfsháttum réttarkerfisins, að vinna að því að afgreiðslu
dómsmála verði hraðað svo að einstaklingar skaðist ekki af óeðlilega langri
málsmeðferð. Þá er einnig ákvæði í lögunum þar sem kveðið er á um, að
félagið skuli berjast fyrir því að koma á fullnægjandi upplýsingaskyldu stjórn-
valda.
í lögum félagsins segir einnig á þessa leið: „Félagið leggur áherslu á víð-
tæka samstöðu fólks úr öllum atvinnustéttum, stjórnmálaflokkum og öðrum
Þjóðfélagshópum, sem vill berjast fyrir og vinna að markmiðum samtakanna."
Stjórn félagsins skipa: Bragi Jósepsson formaður, Inga Birna Jónsdóttir
varaformaður, Gunnlaugur Stefánsson ritari, Hulda Björnsdóttir gjaldkeri.
Aðrir í stjórn eru: Alfreð Gíslason, Gísli G. Isleifsson, Páll Skúli Halldórsson,
sr. Sigurður Haukur Guðjónsson og Sigvaldi Hjálmarsson.
Stjórnin hefur þegar hafið margvíslegan undirbúning að starfsemi félagsins,
m. a. með skipun nefnda og vinnuhópa, sem starfa munu með stjórninni að
hinum ýmsu málum.
Fyrst um sinn, meðan félagið hefur ekki sett á fót skrifstofu, geta þeir, sem
áhuga hafa á markmiðum félagsins, skrifað til islenskrar réttarverndar, póst-
hólf 4026, Reykjavík og fengið þar allar almennar upþlýsingar um starfsemi
og áform félagsins. Aldurstakmark er 18 ár og árgjald kr. 500,00.
(Fréttatilkynning.)
FRÁ AÐALFUNDI DÓMARAFÉLAGS ÍSLANDS
Dómarafélag Islands er í raun landssamband dómara, þó með einstaklings-
aðild. Félagsmenn þess, aðrir en hæstaréttardómarar, eru jafnframt félagar
ýmist í Sýslumannafélaginu eða Dómarafélagi Reykjavíkur. I Sýslumannafé-
laginu eru þeir félagsmenn D.I., sem að verulegu leyti sinna stjórnsýslustörf-
um, þ. e. sýslumenn, bæjarfógetar, lögreglustjórar, tollgæslustjóri og tollstjóri,
en í Dómarafélagi Reykjavíkur eru þeir, sem að aðalstarfi sinna dómstörfum,
þ. e. borgardómarar, sakadómarar og borgarfógetar í Reykjavík og héraðs-
195