Tímarit lögfræðinga - 01.09.1981, Blaðsíða 3

TIHARITWÍ
iík.ih i:oi\<.\
2. HEFTI 31. ÁRGANGUR SEPTEMBER 1981
BREYTINGAR Á EINKAMÁLALÖGUNUM
Með lögum nr. 28/1981 voru gerðar ýmsar breytingar á einkamálalög-
unum frá 1936. Helstu nýmælin eru þessi:
— Sáttanefndir eru lagðar niður, en dómara er falið að leita sátta í
einkamálum.
— Heimild héraðsdómara til að kveðja til sérfróða meðdómsmenn er rýmk-
uð, og sett er ákvæði um heimild til að kveðja aðra héraðsdómara og full-
trúa sem meðdómsmenn. Jafnframt eru afnumin ákvæði laga um sjó- og
verslunardóm og fasteignadómstóla.
— Sú breyting er gerð á 47. gr. eml., að máli skal því aðeins vísa frá
dómi vegna skorts á heimild til samlagsaðildar, að krafa um það komi
frá aðila.
— Sýslur verða dómþinghár í stað hreppa.
— Ný ákvæði eru sett um stefnur, þar sem talið er í 9 liðum, hvað í þeim
skuli standa, þ.á m. skal geta gagna, sem stefnandi hyggst hafa til sönnunar.
— Stysti stefnufrestur verður 3 sólarhringar.
— Sett eru ákvæði um greinargerðir, en þau hefur skort í lög.
— Settar eru reglur um aðalflutning, en eftir þeim skal Ijúka öflun ann-
arra gagna en munnlegra skýrslna, áður en slikar skýrslur eru teknar, og
að þvf loknu fer fram í einni lotu taka skýrslna aðila, vitna og matsmanna og
munnlegur flutningur málsins.
— Úrskurðir skulu að jafnaði skráðir án forsendna.
— Settar eru nýjar reglur um efni dóma og er stefnt að því að stytta þá.
Miklu skiptir, að lögmenn og dómarar séu vel við því búnir að beita
hinum nýju reglum, þegar þær taka gildi 1. janúar 1982. Með þeim er stefnt
að réttarbótum, sem geta, ef framkvæmdin tekst vel, stuðlað að skilvirkari
dómstörfum.
Þ. V.
53