Tímarit lögfræðinga - 01.09.1981, Blaðsíða 60

Nefndin skal hraða störfum svo sem kostur er og skila álitsgerð og tillögum
áður en næsta reglulegt Alþingi kemur sarnan."
Þingsályktun 5. mars 1981 um aldurshámark starfsmanna ríkisins. Skal
kanna „hvort ekki sé rétt að hækka aldursmörk þau, sem nú er miðað við,
gera reglurnar sveigjanlegri svo og að setja fastari reglur um möguleika eldri
starfsmanna til að gegna hlutastörfum ... “
Þingsályktun 2. apríl 1981 um undirbúning almennra stjórnsýslulaga til að
auka réttaröryggi. Þar segir:
„Alþingi ályktar að skora á ríkisstjórnina að láta hið fyrsta kanna, hvort
tfmabært sé að sett séu hér á landi almenn stjórnsýslulög.
í því skyni sé skipuð nefnd til að fjalla um mál þetta og semja um það
frumvarp, ef ástæða þykir til.
Skýrsla og tillögur nefndarinnar verði lagðar fyrir Alþingi eigi síðar en
tveim árum eftir samþykkt ályktunar þessarar."
Þingsályktun 2. april 1981 um milliþinganefnd um landhelgisgæsluna.
Nefndin skal Ijúka störfum á þessu hausti.
Þingsályktun 19. maí um menntun fangavarða. Nefnd skal kanna mál þetta
og skila tillögum á þessu ári.
Þingsályktun 19. maí 1981 um breytingu á siglingalögum. Þar segir:
„Alþingi ályktar að fela ríkisstjórninni að láta kanna hvort þörf sé breytinga
á þeim ákvæðum siglingalaga, sem lúta að björgun skipa og skipshafna, með
það að markmiði, að skipstjórnarmenn þurfi aldrei að veigra sér við, kostn-
aðarins vegna, að biðja um þá aðstoð, sem þeim sýnist að mestu gagni
mætti koma í hverju tilviki.
Þ. V.
NÁMSSTEFNA UM RÉTTARFAR
Laugardaginn 9. maí síðast liðinn var að Hótel Valhöll á Þingvöllum haldin
námsstefna á vegum Lögmannafélags Islands og Dómarafélags islands undir
stjórn dr. Ármanns Snævarr hæstaréttardómara, formanns Dómarafélags ís-
lands og Helga V. Jónssonar hrl., formanns L.M.F.I.
Námsstefnan hófst kl. 10.20 með ávarpi dr. Ármanns Snævarr, sem bauð
hina 63 þátttakendur velkomna. Skipaði hann síðan Hrafn Bragason borgar-
dómara fundarstjóra og Jón Steinar Gunnlaugsson hrl. fundarritara.
Fundarstjóri greindi frá undirbúningi ráðstefnunnar, en í undirbúningsnefnd
áttu sæti, fundarstjórinn sjálfur, Ólafur Axelsson hdl., Hákon Árnason hrl. og
Haraldur Henrýsson sakadómari.
Var nú gengið til dagskrár.
1. Fyrst var fjallað um eftirtalin efni í einu lagi: Samskipti rannsóknarlög-
reglu og lögmanna, skipun réttargæslumanna og verjenda, samskipti dóm-
110