Tímarit lögfræðinga - 01.11.1988, Blaðsíða 56
Frá
Lögmaimafélagi
íslands
UM STARFSEMI LÖGMANNAFÉLAGS ÍSLANDS
STARFSÁRIÐ 1987-1988
Aðalfundur L.M.F.Í. 1988 var haldinn 25. mars s.l. Formaður, Sveinn Snorra-
son hrl., minntist [ upphafi tveggja félagsmanna er látist höfðu á starfsárinu,
þeirra Gunnlaugs Péturssonar hdl. og Sigurðar Ólasonar hrl.
Á starfsárinu voru haldnir félagsfundir sem hér segir:
1. Hinn 19. júní var haldinn hádegisverðarfundur, þar sem Viðar Már
Matthiasson hrl. ræddi nokkur atriði um vaxtakröfur í dómsmálum eftir
gildistöku nýrra vaxtalaga.
2. Hinn 1. september 1987 tóku gildi ákvæði bráðabirgðalaga nr. 68/1987
um innheimtu sérstaks söluskatts, m.a. af lögfræðiþjónustu. Af þeim
sökum stóð félagið fyrir félagsfundi hinn 27. ágúst. Á fundinn mættu
m.a. fulltrúar frá embætti ríkisskattstjóra og fjármálaráðuneyti. Er
skemmst frá því að segja, að um 100 lögmenn sóttu fundinn, og mun
þarna vera um að ræða fjölmennasta félagsfund í sögu félagsins fyrr
og síðar.
3. Hinn 16. október var haldinn hádegisverðarfundur. Gerð var grein fyrir
fundi stjórna lögmannafélaga á Norðurlöndum og þá sérstaklega
einum málaflokki, sem þar var til umræðu og á dönsku bar heitið:
,,Advokatvirksomheden i forandring — produktudvikling og foran-
staltninger til at impdegá konkurrence fra andre rádgivere." Framsögu-
maður var stjórnarmaðurinn Gestur Jónsson hrl.
4. Hinn 18. nóvember var haldinn félagsfundur, þar sem borin var upp
og samþykkt tillaga stjórnar um breytingu á launaviðmiðun í vísitölu
lögmannsskrifstofu.
5. Hinn 11. desember var haldinn hádegisverðarfundur, þar sem Björn
Friðfinnsson, aðstoðarmaður dómsmálaráðherra, ræddi um aðskilnað
dómsvalds og framkvæmdarvalds.
Þá skal hér getið tveggja málþinga, sem félagið átti tiltekna aðild að.
Annars vegar var um að ræða málþing hinn 7. nóvember, sem lagadeild Há-
skóla íslands bauð lögmönnum til, en eins og kunnugt er, barst Lög-
mannafélagi íslands gjafabréf frá lagadeild í tilefni af 75 ára afmæli félagsins
í desember 1986. í bréfinu bauð lagadeild lögmönnum til málþings, þar sem
fjórir kennarar deildarinnar myndu flytja fyrirlestra og taka þátt í umræðum
186