Tímarit lögfræðinga - 01.12.1989, Page 68

Stjórn Lögmannafélags íslands, taliS frá vinstri: ViSar Már Matthíasson hrl.,
Sveinn Haukur Valdimarsson hrl., Gestur Jónsson hrl., Þórunn Guðmundsdóttir
hrl., Baldur Guðlaugsson hrl. og Hafþór Ingi Jónsson hdl., fyrrv. framkvæmdastj.
tillögunum, sem sendar voru til kynningar með fundarboði. Fundurinn var
fámennur og umræður litlar, sem hvort tveggja gæti bent til þess að almennt
hafi lögmenn ekki áhuga á breytingum á þessu sviði. Á stjórnarfundi skömmu
eftir fundinn var síðan ákveðið að hafa ekki að svo stöddu frumkvæði að því
að knýja á um breytingar á lögum um málflytjendur.
FÉLÖG UM LÖGMANNSSTARFSEMI
Nokkuð hefur borið á því á allra síðustu árum að stofnuð hafa verið félög
um lögmannsstarfsemi, bæði sameignarfélög og hlutafélög. Telja má að
stofnun slíkra félaga snúist fyrst og fremst um skrifstofurekstur og að baki
liggi skattaleg sjónarmið. Hins vegar kunna að vakna ýmsar spurningar varð-
andi ábyrgð viðkomandi lögmanna og þá sérstaklega ef um er að ræða hluta-
félög. Erlendis er víða bannað að reka lögmannsstarfsemi i hlutafélagsformi,
og þar sem það hefur verið leyft hafa verið skýr lagaákvæði um persónu-
lega ábyrgð lögmanna á starfseminni. Ekki verður séð að hér á landi standi
landslög gegn stofnun hlutafélaga um rekstur lögmannsstofu. Hins vegar
snýst álitaefnið um ábyrgðina og hvort hún geti takmarkast á einhvern hátt.
Þessi efni og fleiri, er tengjast ábyrgð lögmanna, hafa verið til umræðu á
fundum stjórnar og í framhaldi af þeirri umræðu var nýlega ákveðið að fara
þess á leit við hæstaréttarlögmennina Baldur Guðlaugsson og Þórð S. Gunn-
arsson, að þeir skiluðu álitsgerð um ýmis atriði ( þessu sambandi, aðallega
í tengslum við rekstur lögmannsskrifstofu í hlutafélagsformi.
274