Tímarit lögfræðinga - 01.12.1991, Blaðsíða 27

sama hátt nægjanlegt að senda næsta framseljanda tilkynningu, svo framarlega
sem hinn tilkynningaskyldi hefur ekki getað haft uppi á nafni og heimilisfangi
framseljandans á annan hátt. I slíkum tilvikum verður nefnilega ekki talið að
framseljandi hafi fallið frá rétti til tilkynningar. Geti hinn tilkynningaskyldi því
haft upp á heimilisfangi hans, t.d. með því að fá upplýsingar frá framseljanda
þeim sem er fyrir framan hann, ber að senda honum tilkynningu.19
í þeim tilvikum þar sem tilgreining heimilisfangs er læsileg en ófullkomin yrði
hinn tilkynningaskyldi að reyna að hafa uppi á heimilisfangi framseljanda.20
í þeim tilvikum þar sem heimilisfang er tilgreint á fullnægjandi hátt, en hinn
tilkynningaskyldi veit að viðkomandi víxilskuldari hefur flust búferlum, ber að
senda tilkynninguna á hið nýja heimilisfang.21
í 3. mgr. 45. gr. vxl. kemur aðeins fram, að hafi framseljandi ekki tilgreint
heimilisfang sitt á víxli, hafi hann fallið frá rétti til tilkynningar. Ekki er þar getið
hverju það varði hafi útgefandi eða ábyrgðarmaður ekki tilgreint heimilisfang
sitt. Hefur lögjöfnun frá 3. mgr. 45. gr. vxl. varðandi slík tilvik ekki verið talin
tæk.22 Samkvæmt 7. og 8. tl. 1. gr. vxl. skal víxill hafa að geyma undirskrift
útgefanda og útgáfustað. Væri rétt að skoða útgáfustað víxilsins sem heimili
útgefanda.23 Annars yrði oftast auðvelt að hafa uppi á heimilisfangi útgefanda,
t.d. með því að beina fyrirspurn til greiðanda.24
Hvað varðar tilkynningu til ábyrgðarmanna, þá er ljóst að tilgreining heimilis-
fangs er ekki formskilyrði þess að ábyrgð stofnist. Er heimilis því sjaldnast getið.
Yrði hinn tilkynningaskyldi því að grennslast fyrir um heimilisfang ábyrgðar-
manns hjá þeim sem gengist var í ábyrgðina fyrir.25
Tilkynningaskyldan fellur ekki niður þó að sá sem á rétt á tilkynningu sé
látinn, orðinn gjaldþrota eða ólögráða.2'1 Hún fellur heldur ekki niður, þó að
víxilskuldarar hafi fallið frá afsögn, sbr. 2. mgr. 46. gr. vxl., eða þó að einhver
hinna tilkynningaskyldu hafi leyst til sín víxilinn.27
6. HVENÆR SKAL TILKYNNA?
Víxilhafa er veitt nokkurt svigrúm til að fullnægja tilkynningaskyldu sinni.
Víxilhafi skal tilkynna um samþykkisskortinn eða greiðslufallið innan fjögurra
virkra daga eftir afsagnardag. Hafi hins vegar verið gerður fyrirvari um fullnustu
19 Lyngs0: Vekselloven, 153 og Stranz: Wechselgesetz, 255.
20 Lyngso: Vekselloven, 153.
21 Lyngs0: Vekselloven, 153.
22 Lyngs0: Checkloven, 184.
23 Ólafur Lárusson: Vt'xlar og tékkar, 75 og Lyngs0: Vekselloven, 153.
24 Lyngso: Vekselloven, 153.
25 LyngsO: Vekselloven, 153.
26 Rasting: Den danske Veksel- og Checklovgivning, 161.
27 Stranz: Wechselgesetz, 258.
249