Tímarit lögfræðinga - 01.12.1991, Blaðsíða 28

án kostnaðar, með því að rita t.d. á skjalið athugasemdina „án afsagnar“, sbr. 1.
mgr. 46. gr., ber að tilkynna innan fjögurra virkra daga eftir sýningardag.
Önnur tímamörk gilda um tilkynningaskyldu framseljanda. Honum ber að
fullnægja tilkynningaskyldu sinni í síðasta lagi á öðrum virkum degi eftir að hann
fékk sjálfur tilkynningu, sbr. 2. ml. 1. mgr. 45. gr. vxl. Dagur sá er framseljanda
barst sjálfum tilkynning, telst ekki með við útreikning á framangreindum fresti,28
sbr. 3. mgr. 72. gr. vxl.
Samkvæmt 2. ml. 4. mgr. 45. gr. vxl. telst tilkynning send nógu snemma af
stað, ef bréf, sem hefur hana að geyma, var afhent pósti áður en fresturinnn var
liðinn.
7. MEÐ HVAÐA HÆTTI SKAL TILKYNNA?
Tilkynning, skv. víxillögunum frá 1882, átti að vera skrifleg. í 4. mgr. 45. gr.
víxillaganna frá 1933 segir hins vegar að sá, sem er skyldur að senda tilkynningu,
geti gert það með hvaða hætti sem er, jafnvel með því einu að endursenda
víxilinn. Af þessu er því ljóst að munnleg tilkynning, t.d. í gegnum síma, er
heimil.”
Um endursendingu víxils gæti einkum verið að ræða, ef víxilhafi væri banki,
sem tekið hefði víxilinn til innheimtu fyrir viðskiptamann sinn, sem ritað hefði
síðasta framsal á víxilinn.30
Með hliðsjón af sönnunarreglu 5. mgr. 45. gr. er þó ljóst að sá, sem skyldur er
að senda tilkynningu skv. 45. gr. vxl., mun væntanlega kappkosta að gera það
með sannanlegum hætti s.s. ábyrgðarbréfi.
Kostnað, sem hinn tilkynningskyldi verður fyrir við að sinna tilkynninga-
skyldu sinni, t.d. við að senda ábyrgðarbréf, fær hann greiddan frá þeim er
ábyrgð bera á greiðslu víxilsins gagnvart honum, sbr. 3. tl. 48. gr. og 3. tl. 49. gr.
vxl.'1 Þetta á þó aðeins við um póstburðargjaldið en t.d. ekki kostnað vegna
þeirrar vinnu sem fer í að útbúa slíkar tilkynningar.32
8. SÖNNUNARBYRÐI FYRIR ÞVÍ AÐ TILKYNNINGASKYLDU HAFI
VERIÐ FULLNÆGT
Samkvæmt 5. mgr. 45. gr. vxl. hvílir sönnunarbyrði á hinum tilkynninga-
skylda fyrir því að hann hafi sent tilkynningu til útgefanda og síðasta framselj-
anda um samþykkisskort eða greiðslufall innan tilkynningafrestsins.
28 Lyngs0: Vekselloven, 152.
29 Ólafur Lárusson: Víxlar og tékkar, 76; Lyngs0: Vekselloven, 154og sami höfundur: Checkloven,
185.
30 Ólafur Lárusson: Víxlar og tékkar, 76.
31 Rasting: Den danske Veksel- og Checklovgivning. 161.
32 Lyngso: Vekselloven, 159.
250