Tímarit lögfræðinga - 20.12.1992, Blaðsíða 44

IX. Breytingar á stjórn
Nú verða nokkrar breytingar á stjórninni, þar sem Skúli Guðmundsson
varaformaður, Valtýr Sigurðsson og Sigurður Helgi Guðjónsson meðstjórnend-
ur gefa ekki kost á sér til endurkjörs í næstu stjórn. Við hættum þá saman, þar
sem ég hefi einnig ákveðið að gefa ekki kost á mér áfram, eftir fjögur ár sem
formaður félagsins. Þessi tími hefur verið einstaklega ánægjulegur enda hefur
samstarf stjórnar verið eins og bezt verður á kosið. Það verður mikil eftirsjá að
fundum og störfum með svo góðu fólki. Ég þakka stjórnarmönnum samstarfið
og óska nýrri stjórn heilla og félaginu öllu velfarnaðar.
Stjórn Lögfrœðingafélags fslands og framkvœmdastjóri 1992-1993.
Fremri röð. Sigríður Ingvarsdóttir, HelgiJóhannesson, Ragnhildur Arnljótsdóttirframkvœmdastjóri
og Dögg Pálsdóttir.
Aftari röð. Markús Sigurbjörnsson, lngvar Rögnvaldsson, Gunnlaugur Claessen formaður ogÁsdis
J. Rafnar.
Dögg stjórnaði undirbúningi málþingsins, og lentu því óvenju mikil störf á
hennar herðum, sem hún leysti með stakri prýði. Eins og áður er getið var
framkvæmdastjórn tímaritsins í traustum höndum Ásdísar J. Rafnar, og sá
framkvæmdastjóri félagsins um verk í samráði og samvinnu við þær. Ingvar J.
Rögnvaldsson hélt áfram að sjá um ritarastörf og halda bækur. Öllum stjórnar-
mönnum eru þökkuð mikil og óeigingjörn störf í þágu félagsins.
274
Garðar Gíslason