Ægir - 01.10.1999, Blaðsíða 34
58. Fiskiþing
Fiskifélag íslands
upplýsingar um nýjar hugmyndir og
tillögur, sem væru á umræðustigi, auk
annarra staðreynda um umhverfismál.
Samstarf sjávarútvegs
og stjórnvalda
Þegar fjallað er um samskipti stjórn-
valda og sjávarútvegsins sem snerta
umhverfismál eru allir sammála um að
mikilvægt sé að huga að og skilgreina
hvernig þeim skuli háttað. í eðli sínu
má skipta þessu sviði í tvo flokka. í
fyrsta lagi er um að ræða mengun haf-
svæða og í öðru lagi um nýtingu auð-
lindanna. Samskipti stjórnvaida og
sjávarútvegs um nýtingu auðlindanna
eru í hefðbundnum farvegi milli sjáv-
arútvegsráðuneytis annars vegar og
einstakra hagsmunaaðila hins vegar.
Það samstarf hefur gefist vel og
ástæðulaust að breyta því. Önnur sam-
skipti hafa verið óreglulegri og þau
þyrfti að efla og skipuleggja. Þróun
síðustu ára hefur verið sú að frjáls fé-
lagasamtök hafa í vaxandi mæli fengið
áheyrnaraðild að alþjóðlegum stofn-
unum á þessu sviði. Umhverfisvernd-
arsamtök hafa nýtt sér þennan mögu-
leika í miklum mæli og oft haft um-
talsverð áhrif, en sömu sögu er ekki
hægt að segja af þeim sem nýta auð-
lindir hafsins. Brýnt er að breyta þessu
og fela Fiskifélaginu að kanna hvar þá
möguleika er að finna og nýta rétt ti!
aðildar þar sem það þykir skynsam-
legt. Þá var ákveðið að fara fram á við-
ræður við stjórnvöld um hvernig sam-
skiptum á þessu sviði yrði best háttað.
Þar er annars vegar átt við utanríkis-,
sjávarútvegs-, umhverfis- og jafnvel
landbúnaðarráðuneyti og hins vegar
Fiskfélag íslands og aðildarfélög þess.
34 AGÍR ------------------------
„7 Ijósi þess að við teljum okkur standa vel að umhverfismálum og þeim þáttum, sem
neytendur virðast í vaxandi mœli hafa áhyggjur af, þá er mikilvcegt að koma því sem
víðast á framfœri hvemig ástand mála er hér á landi og hvemig við högum málum. Á
þann hátt getum við hœtt ímynd íslensks sjávarfangs og nýtt þau markaðsfœri sem gef-
ast," segir í samantekt vinnuhópa á 58. Fiskiþingi.
Áhrif á markaði
í ljósi þess að við teljum okkur standa
vel að umhverfismálum og þeim þátt-
um, sem neytendur virðast í vaxandi
mæli hafa áhyggjur af, þá er mikilvægt
að koma því sem víðast á framfæri
hvernig ástand mála er hér á landi og
hvernig við högum málum. Á þann
hátt getum við bætt ímynd íslensks
sjávarfangs og nýtt þau markaðsfæri
sem gefast. Þingið fagnar nýrri upplýs-
ingaveitu sjávarútvegsins og bendir á
fleiri leiðir til þess að koma okkar
sjónarmiðum á framfæri. M.a. var
fjallað um hvort raunhæft væri að
gefa út upplýsingablað um þetta mál-
efni sem væri dreift á alla þá staði,
sem líklegt er að ferðamenn fari um.
Þá er einnig ástæða til að kanna hvort
hægt sé að koma skilaboðum til neyt-
enda þar sem fiskur er seldur.
Fylgjast þarf vel með hvað gerist á
sviði umhverfismerkinga. Æskilegast
væri að reglur um umhverfismerki,
sem vottunaraðilar þyrftu að fylgja,
væru samþykktar af FAO. Ef ekki tekst
að fá FAO í þetta verkefni þarf að Ieita
annarra leiða til þess að slíkar reglur
gildi sem víðast. í öllu falli þurfa ís-
lendingar að fylgjast vel með og freista
þess að hafa sem mest áhrif til þess að
reglur á þessu sviði verði eðlilegar.
Kynning
á alþjóðlegum vettvangi
Þingið álítur að sú kynning sem þegar
er unnin á vegum íslenskra aðila er-
lendis hafi reynst vel og að henni beri
að halda áfram. Hins vegar þurfi að
auka þá kynningu. Þar gegnir hin nýja
upplýsingaveita mikilvægu hlutverki.
Með henni geta útflytjendur og aðrir
fengið hnitmiðaðar upplýsingar með
opinberum stimpli um þennan mála-
flokk. Miðað við stöðu mála er Bret-
land sá markaður, sem fyrst og fremst
ætti að snúa sér að.
Þorgeir Baldursson